ხევსურეთიდან ყაზბეგში ჭაუხის უღელტეხილით

Mrs. Robinson · Post by **Mrs. Robinson** » 18 ოქტ 2008, 22:17

Bernar
სწორად გამოიცანი. მე მათთან მივედი ინსტიტუტის მერე სამუშაოდ. ბევრს ვლაშქრობდით ერთად, ვთხილამურობდით. მოკლედ მაგარი სამსახური იყო.

ფოტოები ულამაზესია!!!!!!!!!!! რა ახლოს ხართ ცასთან!!!!!!!!!!!!!!!!!!!!!!!
შენი თეთრი ტბა ახლა ჩემს დესკტობპზე გადავაბრძანე!!!!!!!!

Bernar · Post by **Bernar** » 25 ოქტ 2008, 09:44

მყინვარზე სრიალის შემდეგ ერთი-ორი ქვაყრილი გადავიარეთ და ლურჯი ტბაც გამოჩნდა:

By Bernar

ეს უფრო ახლოდან:

By Bernar

ამ ტბის ფერი, განსაკუთრებით იმ დროს აღტაცებას იწვევდა ჩვენში. მართლა საინტერესოა რა აძლევს ასეთ ფერს ამ ტბას?

სულმოუთქმელად ჩავირბინეთ ამ ტბამდე და იქ ჩვენი ლაშქრობის დანარჩენი წევრები დაგვხვდნენ. იქაურობაც ძალიან ლამაზია: ტბის ირგვლივ მწვანე საფარი და უზარმაზარი ლოდებია. ტბასთან ახლოს კი ასევე არის კარგა მოზრდილი ნაპრალი.
ესეც ლურჯ ტბასთან გამომცხვარი სურათები:

By Bernar

Bernar · Post by **Bernar** » 25 ოქტ 2008, 09:48

ესეც ცუცა დეიდა:

By Bernar

By Bernar
კიდევ ლურჯი ტბა

By Bernar

გული რომ ვიჯერეთ იქაურობით, მწვანე ტბისაკენ გავეშურეთ.

Bernar · Post by **Bernar** » 25 ოქტ 2008, 10:00

მწვანე ტბა საკმაოდ მოზრდილად გამოიყურებოდა. მასში ორი ნაკადული ჩაედინებოდა: ასე რომ ნოყიერად იკვებებოდა მთის წყლით.

ეს მწვანე ტბა ტანიეს მასივის ფონით:

By Bernar

By Bernar

აქ საკმაოდ კარგად ჩანს მწვანე ტბის სიმწვანე

By Bernar.

სანამ მე ტბის ირგვლივ დავრბოდი და სურათებს ვიღებდი, მერაბი, აჩიკო და გურამი ბალახებში ისხდნენ და რაღაცაზე იცინოდნენ

By Bernar

ახლო-მახლო ნუგზარი ბიძიაც ჩამომჯდარიყო და ტბის სიგრილით ტკბებოდა

By Bernar

როდესაც მწვანე ტბაც ვინახულეთ, უკვე დაღლილობაც ვიგრძენით, რადგან აქამდე განცდილი ემოციები არ გვაძლევდა ამის საშუალებას.
ასე და ამგვარად მოვინახულეთ სამივე ტბა და გავეშურეთ შვენი ბანაკისაკენ სადაც კარგად დავისვენებდით რათა ხვალინდელ დღეს მომზადებულები შევხვედროდით: ხვალ ხომ უღელტეხილი უნდა გადაგვევლო!

ესეც წამოსვლისას: ლურჯი ტბა და ჭაუხები

By Bernar

Bernar · Post by **Bernar** » 25 ოქტ 2008, 10:01

Mrs. Robinson ძალიან სასიამოვნოა!
რა პატარაა საქართველო!

Bernar · Post by **Bernar** » 30 ოქტ 2008, 21:23

მაპატიეთ რომ ასე დიდი ინტერვალებით ვყვები, მაგრამ სხვანაირად ვერ ვახერხებ: დროის დეფიციტი მაქვს.

კარგით გავაგრძელოთ ჩვენი თავგადასავალი.
დილით ასე 8 საათისთვის გავიღვიძეთ. მშვენიერი დილა იყო, მაგრამ ღამე ცოტათი წამოტვიმა და ამიტომ კარვები ზემოდან დანამული იყო. კარვის გაშრობას ვერ დაველოდებოდით, რადგან მზე ჯერ-ჯერობით ღრუბლებს ეფარებოდა. ჩვენ კი დროულად გვინდოდა გასვლა, რათა უღელტეხილი დროულად გადაგვევლო. წინა Dღის ''დაზვერვის მონაცემებიდან''

ვიცოდი რომ ეს არც ისე იოლი საქმე იყო (შეგახსენებთ, რომ ჭაუხის უღელტეხილის სიმაღლეა 3338 მ).
ამიტომ სხვადასხვა ნაჭრებით და ქაღალდებით კარვები გავამშრალეთ და ავკეცეთ. შემდეგ ვისაუზმეთ და საბოლოოდ ასე 9 საათისათვის უკვე გზას გავუდექით.

Bernar · Post by **Bernar** » 30 ოქტ 2008, 21:37

ნახევარ საათში მივადექით თხემის დასაწყისს და დავიწყეთ უღელტეხილზე ასვლა. თავიდან საკმაოდ დაქანებული იყო ფერდობი: ზოგჯერ ოთხივე კიდურითაც გვიხდებოდა ასვლა. თან ამაში ბალახებიც გვეხმარებოდა, რომლებიც ხელის მოსაჭიდებლად ძალიან კარგი საშუალება იყო. დასაწყისში ბილიკი თითქმის არ ეტყობოდა, ერთ-ორ ადგილზე თუ ივარაუდებდი მცირე ალბათობით, რომ აქ ოდესღაც ბილიკი ყოფილაო. ამ სურათზე დაახლოებით კი ჩანს თუ როგორი დაქანება იყო თავიდან:

საკმაოდ ორგანიზებულად ვმოძრაობდით: როდესაც ახალგაზრდები საკმაო მანძილს გავივლიდით, შესასვენებლად ვჩერდებოდით, ხოლო რამოდენიმე ჩვენგანი ქვემოთ ჩადიოდა უკან დარჩენილების მისახმარებლად.
აი ჩვენი ერთერთი შესვენება:

მანამდე კი ეს ყვავილი მომეწონა, ხოლო მასზე მჯდარი მწერი არც კი შემიმჩნევია

Bernar · Post by **Bernar** » 30 ოქტ 2008, 21:44

ასე ნახევარ საათში ყველაზე დაქანებული მონაკვეთი უკვე ავლილი გვქონდა. სიმაღლის მატებასთან ერთად ხედებიც უფრო თვალწარმტაცი ხდებოდა და ღრუბლებსაც ნელ-ნელა ვუახლოვდებოდით:

აქვე ეს იასამნისფერი(!) გვირილაც: ძალიან ლამაზი რამეა

Bernar · Post by **Bernar** » 30 ოქტ 2008, 21:58

მალე თეთრი ტბაც გამოჩნდა, ოღონდ ამჯერად ზემოდან დავყურებდით მას:
ტბის ზემოთ კი ჭაუხები ნისლში იყვნენ ჩაფლულნი

ეს უფრო ახლოდან

სიმაღლეს ნელ-ნელა ვკრეფდით და ნელ-ნელა შევდიოდით ღრუბლებში. რაც
უფრო მაღლა ავდიოდით, მით უფრო სწრაფად მოძრაობდნენ ღრუბლები. თავიდან თითქოს არაფერი, მაგრამ მერე უკვე მოუხშირეს ნისლებმა სრიალს.
ასე 3000 მ-ზე ვიქნებოდით, როდესაც ნისლებმა მძლავრად შემოუტია ჭაუხებს და ჩვენც თან ჩაგვიყოლა. ღრუბლები უკვე ძალიან სწრაფად მოძრაობდნენ: ხშირი იყო შემთხვევები, როდესაც ირგვლივ ყველაფერი ხსნილი იყო და ნისლის ნიშანწყალიც არ შეიმჩნეოდა, მაგრამ უცებ ისეთ ნისლში გავეხვეოდით, რომ 10 მეტრში არაფერი აღარ ჩანდა!
და რაც მთავარია ეს ყველაფერი დაახლოებით 10-15 წამში ხდებოდა!
აი ასეთ ნისლში ეხვეოდა ხოლმე იქაურობა:

Bernar · Post by **Bernar** » 30 ოქტ 2008, 22:13

მერე ეს ნისლი უცებ გადაიყრიდა არემარე უმშვენიერესი ხედებით გვატკბობდა.
ასე თხემის ორი მესამედი გვქონდა გავლილი, როდესაც თხემს ბილიკის ნიშანწყალი ნელ-ნელა დაეტყო. რაც უფრო მაღლა მივიწევდით, ბილიკი მით უფრო კარგად ეტყობოდა დედამიწას და მით უფრო იკლაკნებოდა. ჩვენ კი დინჯად მივყვებოდით ამ ბილიკს: თან ხან ნისლში გავეხვეოდით, ხან კი მზეც შემოგვანათებდა ერთი-ორს.
ნანა დეიდას ნისლი მოსდევს: ალბათ მალე დაეწევა

ერთერთი შესვენებისას: მალე გავეხვევით ნისლში

აქ ელგუჯა ბიძია, ცუცა დეიდა და ნანა დეიდა უკვე ბილიკს მოუყვებიან

ეს კი ძალიან საინტერესო კადრი: ნისლის მორიგი გადაყრის შემდეგ აი ეს ფთილა შემორჩა ცას
(ამ სურათზე ჩვენს მიერ ამოვლილი თხემიც კარგად მოჩანს)

Ninukala · Post by **Ninukala** » 31 ოქტ 2008, 10:33

Bernar
ჯერ დიდი მადლობა რჩევისთვის.... გავითვალისწინებ აუცილებლად... იმედია მომავალ წელს შევისრულებ ოცნებებს

ულამაზესი ტბებია... ფოტოებიც ძალიან მომეწონა.... ერთი ამოსუნთქვით ვკითხულობ რეპორტაჟს... ველი გაგრძელებას

ele · Post by **ele** » 01 ნოე 2008, 01:50

Bernar

შენის ნებართვით ეს ფოტო უნდა მივისაკუთრო

ულამაზესია

[/quote]

Bernar · Post by **Bernar** » 01 ნოე 2008, 11:06

ele
არა ვარ წინააღმდეგი!

ele · Post by **ele** » 01 ნოე 2008, 11:23

Bernar

Archil · Post by **Archil** » 01 ნოე 2008, 12:47

თეთრი ტბის სურათი მაგრად მომეწონა

მაგარი ზღაპარი ადგილებია მანდ, ყოჩაღ !!!

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS