თუშური შთაბეჭდილებები

guruli · Post by **guruli** » 14 იან 2007, 18:19

kopeina

ასე ჩანს დართლო ალაზნის ნაპირიდან......

ოღონდ დავაზუსტოთ, ეს პირიქითის ალაზანი რომაა, ვინმეს კახეთის ალაზანი არ ეგონოს.

kopeina · Post by **kopeina** » 14 იან 2007, 18:26

ეს სურათი განსაკუთრებით მიყვარს, ძალიან მაგარი ცხენი იყო, ლამაზი და დაღლილი. სულ ოფლი სდიოდა. მე მას ჩემი ქუდი დავახურე და ქუდიანი ცხენი გამოვიდა ....

kopeina · Post by **kopeina** » 14 იან 2007, 18:27

guruli
მართალი ხარ ეს პირიქითი ალაზანია, სულ დამავიწყდა მითითება.....

Nika · Post by **Nika** » 14 იან 2007, 18:35

guruli wrote:kopeina
ასე ჩანს დართლო ალაზნის ნაპირიდან......
ოღონდ დავაზუსტოთ, ეს პირიქითის ალაზანი რომაა, ვინმეს კახეთის ალაზანი არ ეგონოს.

ისე თუშეთში რაღაც ბევრი ალაზანი მახსოვს მე. როგორც აქეთ ბევრი არაგვია.

kopeina · Post by **kopeina** » 14 იან 2007, 18:51

Nika
პირიქითის ალაზანი კიდევ არის თუშეთის ალაზანი..... მეტი არ მახსოვს, არის კიდევ?

guruli · Post by **guruli** » 14 იან 2007, 18:54

kopeina

Nika
პირიქითის ალაზანი კიდევ არის თუშეთის ალაზანი..... მეტი არ მახსოვს, არის კიდევ?

გომეწრის ალაზანი. საერთოდ, მანდ ყველა მოზრდილ მდინარეს ალაზანს ეზახიან, როგორც - ტაოში - ჭოროხს.

Nika · Post by **Nika** » 15 იან 2007, 00:57

კიდე ხისოს ალაზანია დიდებიდან რაც ვნახე რუკაზე

guruli · Post by **guruli** » 15 იან 2007, 11:41

Nika

კიდე ხისოს ალაზანია დიდებიდან რაც ვნახე რუკაზე

ხისოს ალაზანი მხოლოდ იმიტომ არ ვახსენე, რომ, მგონი, მაგას გულისხმობდა კოპეინა "თუშეთის ალაზანში". ისე კი, მართლაცაა ეგ მდინარე. კახეთიდან რომ გადადიხარ, სწორედ ეგ მხარეა პირველი. სწორედ მაგ მდინარეზეა ლოდზე ამოსული ის ცნობილი ნაძვიც.
ეხ, ნეტა ახლა ჩამაყოლა მაგ ხეობას - ცერიდან დაწყებული, ციმბირი, საცივი, ფიცრიჭალა. სამხევი, მერე სოფლები - ჭალა, ზევით ხისო, მარცხნივ შტროლთა-ნაციხარი-ჟველურთა-ჩიგლაურთა-ხახაბოს ასახვევი, მარჯვნივ - ომალოს და დანარჩენი თუშეთის გზა...

lama · Post by **lama** » 15 იან 2007, 16:32

წელს აუცილებლად მივდივარ თუშეთში

kopeina · Post by **kopeina** » 16 იან 2007, 18:31

ვა, თუშეთის ალაზანი, ხისოს ალაზანია? კარგად ვნახავ "ალაზანებს" რუკაზე თორემ დავიბენი......

Nika · Post by **Nika** » 16 იან 2007, 18:46

kopeina
ეგ სამი ალაზანი ერთვის ერთმანეთს ომალოსთან.

guruli · Post by **guruli** » 16 იან 2007, 19:18

lama

წელს აუცილებლად მივდივარ თუშეთში

აკი სვანეთიო?

Nika

ეგ სამი ალაზანი ერთვის ერთმანეთს ომალოსთან.

და შენაქოს იქით ეგ ერთიანი ალაზანი იცი როგორი მღვრიეა? იქ ნიადაგი ეგეთი და ის აძლევს ფერს. საერთოდ, რამდენადაც თუშეთის ბუნება ლამაზია და თვალწარმტაცი, ლეკებისკენ იმდენად ჩაშავებულ-ჩაჟამებულია და უამური, გახედვა არ მოგინდება.

Nika · Post by **Nika** » 16 იან 2007, 19:58

guruli

ლეკებისკენ იმდენად ჩაშავებულ-ჩაჟამებულია და უამური, გახედვა არ მოგინდება.

მოკლედ რომ ვთქვათ: ანდის ყოისუა

აკი სვანეთიო?

ორივენიცა მინდა. მარა თუშეთი უფრო ახლოა რა და იოლად განსახორციელებელი.

guruli · Post by **guruli** » 26 იან 2007, 21:02

ხალხნო, მართალია, ეს ლექსები ფშაველი კაცის - ელგუჯა უძილაურისაა, მაგრამ თუშეთში ნამყოფებს ყველას გექნებათ სიმღერებად მონასმენი და ამიტომ ვდებ აქ, კიდევ ერთხელ ისიამოვნეთ. პოეზია ხომ ყველასია და თუშ-ფშაველნი რამ გაყო.
ისე, ამის რჯული რა ვთქვი, როგორებს ჰქვიათ პოეტები, ასეთები კი არ ჩანან.
შატილის ცასავით ლურჯი გაქვს თვალები,
მშვენებით მოჰგევხარ სალი კლდის ავაზას.
მაგ სილამაზისთვის გწყევლიან ქალები,
ვაჟები ჰკოცნიან შენს სავალ შარაგზას.

რამდენჯერ ვევედრე ლაშარს და კოპალას,
კვლავ დამიბრუნებდნენ აპრილებს გაფრენილს.
შორს გაგიტაცებდი ცელქსა და ლურჯთვალას,
შენს დალალს ვნახავდი ჩემს მკლავზე დაფენილს.

კვლავ ნუღარ შემხვდები მერიდე მზექალო,
კაცი არ მაცდუნო მაგ თვალთა მშვენებით.
შევცდები, შეგტაცებ პერანგის საყელოს,
მთებს გადაგატარებ ლურჯაის ჭენებით.

და როგორც ყაჩაღი, არწივთა საბუდარს
მივალ და გავხდები სალი კლდის ხიზანი,
შურთხებთან დაგმალავ საცოლეს ნაქურდალს,
უშენოდ სიცოცხლეს არა აქვს მიზანი.
********************************************
ეს ერთი სტროფი, სხვა ლექსიდანაა, მაგრამ ოდვან პერიფრაზირებულს, მთაში მაგ სიმღერის გაგრძელებად მღერიან.

ქალაუ, მე შენზე ფიქრები მაწამებს,
ისმინე ქალბნელო ვაჟკაცის ვედრება,
ქალაქს ნუ ჩაიტან ყორნისფერ ნაწნავებს,
მთებს უფრო უხდება მაგ თვალთა მშვენება.
************************************************
და ეგ ლექსიც სიმღერაა.

ციხისგორობას მეც დავლიე ლუდი სვიანი,
სასანთლის კართან მლოცავები იდგნენ დრინჯები,
ხევისბრის ღაღადს- საქართველო იყოს მზიანი,
ამინს ეტყოდნენ დაჩოქილი, ფშავლის ბიჭები.

წამოაჩოქეს სასანთლესთან ნისლა ზვარაკი,
უკანასკნელი შეკივლებით მისწვდა ქარაფებს,
გადმომაწოდეს ჯიხვის ყანწით პანტის არაყი,
დალიე ძმაო, დღეს ქეიფში უნდა დაღამდეს.

დაღამდა, ვიღაც შეერკინა ღამეს ჩონგურით,
ცეკვა-სიმღერით ქალ-ვაჟები დუმილს ბზარავდნენ,
დავნებდებოდი ბედისწერას მე უბედური,
თუ არაგველი ასულები მომიპარავდნენ.

ირემთ კალოზე იყო დოღი, ნალის პრიალი,
ლამაზი ჩანდა საარაგვო იმ სიმაღლიდან,
არაგველად რომ დამბადებდეს ბედი ტიალი,
გულს არაგველთა სიყვარული როგორ დაღლიდა?

********************************************
ესეც მაგარი სიმღერაა, მაგრამ ამის მეტი არ ვიცი. მონიპოვებ და დავდებ მერე.

"როცა შენს დალალებს ქარი შლის,
მოჰგევხარ ნესტანს და თამარ ქალს, .....
დედაშენს მოვსტაცებ ქალიშვილს ,
მერე გინდ ყაჩაღიც დამარქვან,...

kotetbeli · Post by **kotetbeli** » 26 იან 2007, 23:30

guruli
ვაახ, მაგარია!
თუშეთში ეს არ მომისმენია, მარა... მომისმენია: არ მომისმენია სიტყვებით, მაგრამ ემოციური "შრიფტით" ბუნებისგან "ვკითხულობდი"...

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS