ბარსელონა,მადრიდი, ვალენსია, პრაღა 19-28.04.2011

Mta Mkvarebia · Post by **Mta Mkvarebia** » 04 მაი 2011, 14:57

წინ რომ გამორთული შადრევანი ჩანს, მუზეუმთან ერთად ბარსელონას ერთერთი სიმბოლოა. მას ჯადოსნურ შადრევანს უწოდებენ, ცეკვავს და ნაირფერ შეფერილობას იღებს. სამწუხაროდ ჩვენი იქ ყოფნის პერიოდში არ ყოფილა ჩართული. შადრევნის სეზონი მაისიდან იწყებოდა.

ისევ ტურისტულ ავტობუსში

ეს კალატრავას ანძაა. კალატრავას სხვა მოდერნისტული შენობებით ვალენსია იწონებს თავს.

ჟოან მიროს ფონდი-მუზეუმი

მონჟუიკის მთაზე საბაგიროთი ავედით

Mta Mkvarebia · Post by **Mta Mkvarebia** » 04 მაი 2011, 15:08

ტიბიდაბოს მთაზე.
ტიბიდაბოს ციხე
და ხედები იქიდან

Mta Mkvarebia · Post by **Mta Mkvarebia** » 04 მაი 2011, 15:33

ტიბიდაბოდან ჩამოსულებმა ისევ სანაპიროზე გავისეირნეთ.

ბარსელონას პორტის შენობა

მერე სავაჭრო ცენტრ მარიმაგნუმისკენ გავეშურეთ, რომელიც შუა ზღვაში დგას.

Mta Mkvarebia · Post by **Mta Mkvarebia** » 04 მაი 2011, 15:52

ამ უცნაურ წყვილს რა უნდოდა, ვერ მივხვდით

მარიმაგნუმის სარკეებიან შენობასთან ბევრი ვიმაიმუნეთ და ვიხალისეთ

))

ჯერ მთელი დღე ბარსელონას ერთი ბოლოდან მეორეში ხეტიალის, მერე სავაჭრო ცენტრის მაღაზიების თვალიერების შემდეგ ისე დავიღალეთ, რომ შიმშილსაც ვერ ვგრძნობდით, მაგრამ როგორც თავიდან ვთქვით დასასვენებლად და ლუდის დასალევად დავსხედით იქვე, შუა ზღვაში მდებარე Fres co-ს ქსელის ერთერთ კაფეში, მაგრამ მადა ჭამაში მოდისო ამბობენ, ჰოდა აი შედეგიც

:

სასტიკად დაღლილები ვიყავით, სასტუმროში წასვლას და დასვენებას არაფერი გვერჩია, მაგრამ აგბარის კოშკის ნახვაც მაინტერესებდა, რომელიც ბარსელონას კიდევ ერთი სიმბოლოა და როგორც მსმენია ულამაზესი იყო ღამის განათებაზე, როცა სხვადასხვა ფერის ნეონის შუქს ირეკლავს. ამიტომ მივლასლასდით უახლოეს მეტრომდე, დავრწმუნდით რომ ბარსელონაში მეტრო ღამის 2 საათამდე მუშაობს და გავემართეთ აგბარის მიმართუულებით. მაგრამ სასტიკად იმედგაცრუებული დავრჩით, როცა კოშკი განათების და ნეონის ციმციმა შუქების გარეშე ვიხილეთ:

სასტუმროში შუაღამისას მისულებმა 2 საატი ფოტოები ვათვალიერეთ და ტომას და ლელას შთაბეჭდილებებს ვუზიარებდით. ისეთი ხმამაღალი გაზიარება გამოგვივიდა რომ სანამ გვერდით ნომრიდან კედელზე არ დაგვიკაკუნეს, სიცილ-კისკისს ვერ ვიკავებდით.

თუმცა მოკაკუნების მერეც მოგუდულად ვიცინოდით, რა იცის დიდმა, სერიოზულმა ევროპამ რა გიჟი კარველები რა მოკრზალებულად ვიქცევითთქო . ერთნამეტის კარებზე მოკრძალებულად რომ ვაკაკუნებდით სისხამ დილით და გოგას "ადექით , ადექით" შეძახილით რომ არ ვაღვიძებდით ჩვენს მეზობლებს, მაგაზეც მადლობა უნდა ეთქვათ

Mta Mkvarebia · Post by **Mta Mkvarebia** » 04 მაი 2011, 16:17

მეოთხე, ჩვენი ბარსელონაში ყოფნის ბოლო დღეც გათენდა.
წითელი პარასკევი ანუ Viernes Santo იყო. დილიდან წვიმდა

მე, ტომას და ლელას გეგმაში მონსერატის მონასტრის მონახულება გვქონდა, მაგრამ ამინდის გამო გეგმა არ შეგვიცვლია, გოგოებმა კი იმ დღის ბარსელონაში გატარება გადაწყვიტეს.
ჩვენ კი ვიყიდეთ ტრანსმონსერატის ბილეთი და გავემართეთ მონსერატის მიმართულებით.

(ტომას წარწერაში შეცდომაა, მონსერატი უნდა ეწეროს

)

მონსერატის მონასტერი ბარსელონადან 50 კმ-ში , მონსერატის მთაზეა მერცხლის ბუდესავით მიკრული. შორიდან ტრაპიზონის ახლოს მდებარე სუმელას მონასტერი მომაგონა, თუმცა ქვემოდან ეს უფრო მაღლა ჩანს მთებში ჩაკარგული.
წვიმა ხან გადაიღებდა ხან წამოწინწკლავდა.

ჯერ მეტროთი ვიარეთ, მერე ჩვეულებრივი მატარებლით, მერე კლდის მატარებლით, რომელმაც მონასტრამდე აგვიყვანა და მერე მონასტრის ზემოთ კიდევ სხვა მატარებლით ავედით.

მონასტერი მონსერატის ბუნებრივ პარკში მდებარეობს, მის გარშემო არსებული მთებიც ამ პარკის შემადგენლობაში შედის. ზემოთ რამდენიმე საფეხმავლო ტურისტული ბილიკი მიდის, ზოგი სხვადასხვა პატარა საყდართან მიდის, ერთერთი- წმ. ჟერომის ბილიკი მონსერატის ყველაზე მაღალ წერტილში ადის, საიდანაც კარგ ამინდში ბარსელონაც ჩანს და ხმელთაშუა ზღვაც. მაგრამ არც ხილვადობა იყო შესაბამისი, არც საკმარისი დრო გვქონდა რომ რომელიმე ბილიკს ბოლომდე გავყოლოდით.

Mta Mkvarebia · Post by **Mta Mkvarebia** » 04 მაი 2011, 16:26

პატარა მოლაშქრეები

)))

Mta Mkvarebia · Post by **Mta Mkvarebia** » 04 მაი 2011, 16:34

მონასტრის კათედრალურ ტაძარში

2 საათი ვიდექით შავი ღვთისმშობლის სანახავად რიგში. შავი ღვთისმშობელი კატალონიის მფარველად მიიჩნევა და ეტყობა წითელ პარასკევს ანუ Viernes Santo -ს დღეს მის მთხვევას რიგში მდგარი ხალხისთვის უფრო მეტი ძალა და მადლი ჰქონდა.

Mta Mkvarebia · Post by **Mta Mkvarebia** » 04 მაი 2011, 16:49

Mta Mkvarebia · Post by **Mta Mkvarebia** » 04 მაი 2011, 16:59

მონსერატიდან დაბრუნების შემდეგ კაზა ბატლო დავათვალიერეთ შიგნიდან და ისევე აღვფრთოვანდით, როგორც მისი ექსტერიერის ხილვისას:

Mta Mkvarebia · Post by **Mta Mkvarebia** » 04 მაი 2011, 17:05

სახურავზე

Mta Mkvarebia · Post by **Mta Mkvarebia** » 04 მაი 2011, 17:17

Mta Mkvarebia · Post by **Mta Mkvarebia** » 04 მაი 2011, 17:28

Linda · Post by **Linda** » 04 მაი 2011, 17:32

ერთი შეხედვით ჩანს რომ დაუვიწყარი მოგზაურობა გქონიათ

ნამდვილად ვიცი რომ მომდევნო მოგზაურობა ევროპაში ესპანეთში მექნება

Mta Mkvarebia · Post by **Mta Mkvarebia** » 04 მაი 2011, 17:40

მერე რამბლაზე გავისეირნეთ.
ბოკერიას ბაზარი დაკეტილი დაგვხვდა, ისევე როგორც მაღაზიების და სუპერმარკეტების უმრავლესობა (იმ დღეს ხომ აღდგომა იყო)

ჯიმ კერის ფილმის ეს პროტოტიპი იმდენ ხანს იდგა გაუნძრევლად, მართლა თოჯინა მეგონა

))

რამბლაზე სეირნობისას საათს რომ დავხედეთ, მივხვდით რომ შეიძლება მატარებელზე დაგგვიანებოდა და სირბილით გავიქეცით ჯერ სასტუმროში შემდეგ რკინიგზის სადგურში. მეფეებს შეშურდებათ ისეთი პუნქტუალობის, ჩვენ რომ ბარსელონა სანტ-ის სადგურზე მივედით

. ცოტაც და ალბათ სკამზე მოგვიწევდა ღამის გათევა

))

მთელი ღამე გზაში ვიყავით. მადრიდში დილის 8-ის ნახევარზე ჩავედით.
მაგრამ ჩვენი მადრიდული მოგზაურობის შესახებ მოგვიანებით გავაგრძელებ.

Mta Mkvarebia · Post by **Mta Mkvarebia** » 05 მაი 2011, 10:04

Linda
მართლა ასე იყო. არ ინანებ თუ შემდეგ მოგზაურობას მართლა ესპანეთში დაგეგმავ. მგონი ჩვენი შემდეგი მოგზაურობაც ისევ ესპანეთში იქნება

ოღონდ მის სამხრეთ ნაწილში - ანდალუზია, გრანადა და ა.შ. იმდენი ლამაზი ადგილია ამ ქვეყანაში სანახავი რომ...

ახლა ისევ ჩვენს მოგზაურობას დავუბრუნდები.

გათენდა მე-5 დღე. დილის 7:30-ზე ჩავედით მადრიდში, ჩარმარტინის რკინიგზის სადგურში. ჩვენი სასტუმრო Foxa 32 Hotel სადგურიდან 100 მეტრში მდებარეობდა (ჩარმარტინის სადგურშივე იყო ამავე სახელწოდების მეტრო, ასე რომ ტრანსპორტის მხრივ ძალიან ხელსაყრელ ადგილას გვქონდა სასტუმრო). წავედით ბარგი დავტოვეთ სასტუმროში , ისევ სადგურში დავბრუნდით, შევიზინეთ ბილეთები ელ ესკორიალის მიმართულებით და გავემართეთ პატარა ქალაქში ესპანელი მეფეების ერთერთი ცნობილი სასახლის სანახავად, რომელიც ცნობილია თავის უმდიდრესი და ულამაზესი ბიბლიოთეკით, სამეფო (მეფეების, დედოფლების და ინფანტების) პანთეონით. ფოტოების გადაღება არ შეიძლებოდა, ამიტომ მხოლოდ თავად შენობის და სამეფო ბაღის ფოტოებს დავდებ.

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS