ხევსურეთიდან ყაზბეგში ჭაუხის უღელტეხილით

Bernar · Post by **Bernar** » 14 ოქტ 2008, 15:25

გათენდა შემდეგი დილაც. კარვიდან გამოვძვერი თუ არა, ჭაუხებისაკენ გამექცა თვალი. დილას სხვა ფერი დაჰკრავდა ჭაუხებს:

By Bernar

არე-მარეს მზე ნელ-ნელა ათბობდა და საერთოდ ბუნებას არც კი ეტყობოდა გუშინდელი კოკისპირული წვიმა.

ცოტა ხანში ყველანი გამოვლაგდით და შევუდექით ჩვენი ტანსაცმლის და ნივთების გაშრობას. სველი მართლაც ბევრი რამ იყო: შარვლებით დაწყებული და კარტით დამთავრებული

ეს სურათიც ამას მოწმობს

By Bernar

ბოლოს და ბოლოს გავაშრეთ ჩვენ-ჩვენი ტანსაცმელი და ნივთები და ვისაუზმეთ. საუზმის შემდეგ კი ტბებისკენ დავირაზმეთ.

ele · Post by **ele** » 14 ოქტ 2008, 15:29

Bernar

უმაგრესი რეპორტაჟია

კაი ხანია ასე სულ მოუთქმელად არ წამიკითხავს არაფერი. . .

შენ გაიხარე შენაა

დროებით მანდ გადავსახლდიი მეეც . . .

გაგრძელებააც კრგი ექნება ვიცი:)

Bernar · Post by **Bernar** » 14 ოქტ 2008, 16:07

ele
დიდი მადლობა, გაიხარე და გისურვებ ათასჯერ განგეცადოს ის რაც ჩვენ განვიცადეთ ამ ლაშქრობის დროს!

Bernar · Post by **Bernar** » 14 ოქტ 2008, 16:39

მაშ ასე დავიძარით ტბებისაკენ. სამწუხაროდ დედაჩემი რაღაც შეუძლოდ იყო და ამიტომ ის ბანაკში დარჩა.

დღეისათვის ტბების მონახულების გარდა სხვა მიზანიც გვქონდა დასახული: მომდევნო დღეს უნდა გადავსულიყავით ჯუთაში ჭაუხის უღელტეხილით, რომელის სიმაღლეც როგორც მოგეხსენებათ 3338 მეტრია. ამისათვის უნდა ავყოლოდით ერთერთ თხემს (პირველივე თხემს ჭაუხების შემდეგ) და ასე ავიდოდით ჭაუხის უღელტეხილზე. მაგრამ ამ თხემის დასაწყისი საკმაოდ დაქანებული იყო და ამიტომ მოსაძებნი გვქონდა ბილიკი (საერთოდ თუ იყო შემორჩენილი), რომელსაც შემდეგ უნდა ავყოლოდით. ყოველივე ამის გასარკვევად გადავწყვიტეთ, რომ მე უნდა ავსულიყავი ამ თხემზე (რაღაც მანძილზე) და დამეზვერა იქაურობა: ანუ გამერკვია თუ როგორ ჯობდა ასვლა მომდევნო დღისათვის.
ასე და ამგვარად შევყევი თხემს, ხოლო დანარჩენები თეთრი ტბის სანახავად გაემართნენ.
თხემი საკმაოდ დაქანებული აღმოჩნდა: ალაგ-ალაგ ბალახებს ვეჭიდებოდი და ისე ავდიოდი. ასე ცოცვა-ცოცვით ავედი საკმარის სიმაღლეზე და მივხვდი რომ ამოსასვლელი ბილიკი თხემის იმ მხარეს არ უნდა მეძებნა საიდანაც მე ამოვედი. ამიტომ გადავწყვიტე დაბლა თხემის მეორე მხრიდან ჩავსულიყავი. მანამდე კი ცოტა შევისვენე და უმშვენიერესი ხედებით დავტკბი.
პირველ რიგში ის იყო ლამაზი, რომ ერთდროულად გამოჩნდნენ ლურჯი და მწვანე ტბები:

By Bernar
ისე ამ ადგილიდან თეთრი ტბის შემჩნევაც შეიძლებოდა თუ კარგად დააკვირდებოდი.
ეს კი ჭაუხების სამკადრიანი პანორამაა რომელიც ამ თხემიდანაა გადაღებული
(ამ სურათით შეიძლება მიხვდეთ რომელ თხემზეა საუბარი, თუ არა და რუკაზე უნდა ნახოთ ის თხემი, რომელსაც ბილიკის ნიშნული მიუყვება)

By Bernar

მცირეოდენი შესვენების შემდეგ ჩამოვყევი თხემის მეორე მხარეს: თან გაფაციცებული ვეძებდი ბილიკის რაიმე ნიშანწყალს. ძებნა და დაკვირვება შედეგს მაძლევდა: ალაგ-ალაგ ემჩნეოდა ნაბილიკარი, რომელიც დროს და ბალახებს ბოლომდე ვერ წარუშლია. ჩავყევი ამ ნაბილიკარებს და ჩავედი იმ ნაზვავზე, რომელიც წინა დღის საღამოს მოვინახულეთ. ეს მეორე ასასვლელი აშკარად ჯობდა იმას, რომლითაც თავდაპირველად ავედი თხემზე.
ამ ამბით გახარებული მეც გავემართე თეთრი ტბისაკენ. გზაში მამაჩემს და ნანა დეიდას წამოვეწიე. მამაჩემს მოვუყევი რაც თხემზე ვნახე და ისიც დაიმედდა რომ ხვალ დროულად მოვახერხებდით ჭაუხის უღელტეხილის გადავლას!

ამის შემდეგ მარტოს მომიწია თეთრი ტბისაკენ წასვლა, რადგან მამაჩემმა და ნანა დეიდამ უარი განაცხადეს: მიზეზად დაღლილობა დაასახელეს

მე კი შევყევი თეთრი ტბის ბილიკს: სადაც მერაბი, გურამი, აჩიკო, ლალი მასწავლებელი, ნუგზარი ბიძია და, რაც მთავრია, თეთრი ტბა მელოდნენ!

Bernar · Post by **Bernar** » 14 ოქტ 2008, 16:49

რაც უფრო მაღლა მივდიოდი, მით უფრო მეტად მიცემდა გული, რადგან ვიცოდი, რომ ნელ-ნელა ვუახლოვდებოდი თეთრ ტბას. როდეასც ბილიკი დამთავრდა, მარცხნივ გადავუხვიე, კარგა მოზრდილი ქვაყრილი გავიარე ხტუნვა-ხტუნვით, პატარა ფერდობიც ავიარე და პატარა ნაკადულს წავაწყდი. ეს თეთრი ტბიდან გამომავალი ნაკადული იყო და ამიტომ მას ავყევი. ძალიან მალე მივადექი ტბას:
ეს არის მართლაც ულამაზესი ადგილი! ირგვლივ უზარმაზარი კლდეებით, მყინვარებით, ქვაყრილებით და საკმაოდ მოზრდილი ტბით, რომელშიც შუა ზაფხულში დაცურავდნენ მყინვარის ნაგლეჯები! ცალკე აღნიშვნის ღირსია ტბის ფერი. იმ დროს ტბას რაღაც უცნაური ფერი დაკრავდა, რომლის დასახელებაც ნამდვილად არ ვიცი. იქვე ტბის ნაპირას იყვნენ მერაბი, აჩიკო და გურამი

By Bernar

teo- · Post by **teo-** » 14 ოქტ 2008, 16:53

madloobt.. zalian visiamovne,mec vnaxav aucileblad am yvelafers

Bernar · Post by **Bernar** » 14 ოქტ 2008, 17:00

იქაურობით აღფრთოვანებულმა გადავწყვიტე ტბისთვის შემომევლო და ყველა მხრიდან გადამეღო მისთვის სურათები. ახლა კი უკომენტაროდ გთავაზობთ ამ შემოვლისას გადაღებულ სურათებს:

By Bernar

By Bernar

და ბოლოს თეთრი ტბის ორკადრიანი პანორამა სადაც კარგად ჩანს თეთრი ტბის მასშტაბები

By Bernar

Bernar · Post by **Bernar** » 14 ოქტ 2008, 17:07

teo-
აუცილებლად ნახე ეს ადგილი და გირჩევ, რომ ივლისის შუა რიცხვებამდე მოინახულო, როდესაც თოვლიც ბლომად იქნება შემორჩენილი ჭაუხებზე და თან ტბებიც საკმაოდ იქნება მოდიდებული (თან ამ დროსაა ტბები ყველაზე სუფთა და ფერიც ყველაზე მკვეთრი ამ დროისათვის ექნება. ამაში მაშინ დარწმუნდები, როდესაც ლურჯი ტბის სურათებსაც დავდებ).

Mrs. Robinson · Post by **Mrs. Robinson** » 15 ოქტ 2008, 23:02

Bernar
ვაუ! ახლა რომ გითხრა ივლისის ბოლოს თქვენ გალაშქრებას გულმოდგინედ ვგულშემატკივრობდი-თქო, დამიჯერებ?
უნდა დამიჯერო!

მთა მთას ვერ შეხვდება, თორე კაცი კაცს (თანაც მოლაშქრე) კარავზე, როგორ არაო!

არადა კარავზე ამ "ბიძიების და დეიდების" ნახვას ნამდვილად არ ველოდი. ძალიან მიყვარს ეგ ხალხი, ერთგულები და ამტანები, კარგი მოლაშქრეები იყვნენ ყოველთვის.
რა გამახარე! ერთად თუ იყავით, რას ვიფიქრებდი......

გაიხარე! მშვენიერი ფოტოებია!

Bernar · Post by **Bernar** » 16 ოქტ 2008, 09:03

Mrs. Robinson
დავიჯერო ჩვენი ლაშქრობის წევრებს იცნობ?

რაკი ასე დაბეჯითებით ამბობ, ამიტომ მჯერა

ალბათ ნუგზარი ბიძიას, ნანა დეიდას და კიდევ ელგუჯა ბიძიას ნაცნობი ხარ!
ახალგაზრდობაში მათაც უყვარდათ ბუნებაში ხეტიალი.

Ninukala · Post by **Ninukala** » 16 ოქტ 2008, 11:25

Bernar
უმაგრესია... და ულამაზესი, აბუდელაურის ტბები ჩემი ჯერჯერობით აუხდენელი ოცნებაა... ამ რეპოტაჟის მერე კიდევ უფრო გამიძლიერდა იქ წასვლის სურვილი....

Bernar · Post by **Bernar** » 16 ოქტ 2008, 12:58

Ninukala მალე აიხდინე ეს ოცნება. ანუ ნახე, ჩემი აზრით, ხევსურეთის ყველაზე ლამაზი ადგილი ჭაუხები და აბუდელაურის სამივე ტბა (განსაკუთრებით თეთრი და ლურჯი ტბები).
სექტემბერში ან აგვისტოს ბოლოს წასვლას კიდე ივლისის დასაწყისიდან ივლისის შუა რიცხვებამდე ჯობია მაგ ადგილის მონახულება. ჩემი აზრით მაგ დროს იქნება ყველაზე ლამაზი და თვალწარმტაცი ეგ ადგილი!

Ninukala ისე არხოტში თუ ხარ ნამყოფი?

Ninukala · Post by **Ninukala** » 16 ოქტ 2008, 14:42

Bernar
არხოტშიც არ ვარ ნამყოფი

Bernar · Post by **Bernar** » 16 ოქტ 2008, 22:36

Ninukala
აბა მაშინ ხევსურეთში ყველაზე ლამაზი მდინარის ხეობაც სანახავი გქონია!
აუცილებლად უნდა ნახო!
მაღალმთიანი ხევსურეთი ხომ სამი ნაწილისაგან შედგება:
I. არღუნ-ანდაქის (ანუ მუცო-შატილის) ხეობები.
II. პირაქეთა ხევსურეთი (როშკა, გუდან-ხახმატის ხეობა და გორშეღმის ხევი).
III. არხოტი ანუ ასას ხეობა.

როგორც ვიცი I ნაწილი ნანახი გაქვს. ხახაბოს და მდინარე ჭანჭახისწყლის ნახვასაც თუ მოახერხებ ხო ძალიან კარგი.
II ნაწილში ჭაუხები და ტბები გაქვს სანახავი აუცილებლად.
აი III ნაწილში კი ყველაფერი სანახავი გაქვს: ასას ხეობის ზედა ნაწილი (სათავეებიდან ახიელამდე), სოფელი ჭიმღა (ჩემი აზრით მართლა საოცარი ადგილი: ჭიმღაში გიგლა ოჩიაურის სახლიდან რომ კლდეებს გახედავ, ენა თუ არ ჩაგივარდება, პირი მაინც დაგრჩება ღია

(ყოველ შემთხვევაში მე ასე დამემართა)) და ასას ხეობის ქვედა ნაწილი ამღიდან ტერღის სასაზღვრო საგუშაგომდე (აქ ნახავ ძალიან მაღალ და დამრეც კლდეებს შორის მიმჩქეფავ მდინარე ასას, ხოლო კლდეებზე ლამაზად შეფენილ ფიჭვის ტყეს. ასევე ნახავ რამოდენიმე გამოქვაბულს და უზარმაზარ შვეულ კლდეებსაც).

მოკლედ Ninukala აბა შენ იცი: ინტერესში კაი ხანია იქნები ჩავარდნილი და უნდა აისრულო დროზე ეს ნატვრა!

Bernar · Post by **Bernar** » 17 ოქტ 2008, 13:39

გავაგრძელოთ ჩვენი ამბები: როდესაც გული ვიჯერეთ თეთრი ტბის თვალიერებით, და თან როდესაც მზემაც ნელ-ნელა დაიწყო გადახრა, ლურჯი ტბისაკენ დავეშვით.
დაშვებამდე სამახსოვრო სურათი ავტოგადაღებით:

By Bernar

და კიდევ ეს ოთხკადრიანი პანორამა:

By Bernar

თავიდან მყინვარს ჩავყევით. მერაბს, გურამს და აჩიკოს კი თოვლში სრიალი მოენატრათ:

By Bernar

აქ ჭაუხს ღრუბელი წამოუფარავს საჩრდილობლად

By Bernar

აქ კიდე ამირანი შემომდგარა კლდეზე:

By Bernar

ეს პაწია და ძალიან ლამაზი ყვავილი ძალიან მომეწონა:

By Bernar

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS