თუშეთი. 11-14 აგვისტო 2007

tushi · Post by **tushi** » 15 აგვ 2007, 20:12

Nika
ძაან მაგარი სურათებია.

იმდენს იზამთ ამ შაბათკვირას გამაბედინებთ თუშეთსი ასვლას. წელს არ ვყოფილვარ

Nika · Post by **Nika** » 15 აგვ 2007, 20:20

tushi
ჯერ სად ხარ. ტბის ფოტოები გზაშია უკვე.

guruli · Post by **guruli** » 15 აგვ 2007, 20:28

tushi

თუშეთსი წელს არ ვყოფილვარ

გრცხვენოდეს!!!

Nika

ჯერ სად ხარ. ტბის ფოტოები გზაშია უკვე.

აბა, აბა - ველოდებით.

shom · Post by **shom** » 15 აგვ 2007, 20:39

მალადეც ნიკოლოზ მაგარი ფოტოებია და მაგრად გივლიათ.
სალამი ყველას ვინც დიდი ხანია არ მინახია, მე დავბრუნდი

)))

Nika · Post by **Nika** » 15 აგვ 2007, 20:47

დღე მესამე, ნაწილი პირველი - ასვლა "ტბა"-ზე.

სახელს არ ვწერ იმიტო რო ვერ მივხვდი რა ქვია ტბას და ყველას უბრალოდ ვეკითხებოდოთ ტბაზე როგორ ავიდეთ. გაკვირვებასაც არავინ გამხატავდა.

ამ დღეს გიორგი და გოგა ადრე ადგნენ. 6 საათიც არ იქნებოდა უკვე თევზაობა დაიწყეს. მაგრამ მდინარე ძაან ცივი იყო და ასე 7.30-ზე მომესმა მათი ხმა. ადექიო. მოვრჩით თევზაობას. დროზე ვჭამოთ და ავიდეთ ტბაზეო. გამოვედი კარვიდან და აი ეს თევზები დავინახე.

ხისოს მხარეს უკვე მზე ანათებდა

მდინარეზე მანქანით გადავედით და გავუდექით გზას. ჭალაში გვითხრეს რომ ჯერ ხისოში უნდა ახვიდეთო და იქ კიდევ იკითხეთო გზაო. აქვე გაირკვა რომ ბოთლი მარტო მე მქონდა ასე რომ წყლის პრობლემა შეიძლება ყოფილიყო. აღმართი ძაან ციცაბო იყო. ძაან მალე აი ეს ხედები დაიწყო. ქვევით სოფელი ჭალაა უკან კიდე სოფელი ჩანს მგონი ჩიგლაურთა.

ცოტა მარცხნივ კი ზევით სოფელი შტროლთაა.

ხისოში გზა ვიკითხეთ და ისევ იგივე გვითხრეს. წადით ზევით იქ მწყემსები იქნებაო და ისინი მიგასწავლიანო. მეტი გზა არ გვიკითხია. GPS მაინც იგივე გვანახებდა.

მთლიანი ხედი. ქვევით ხისო, უკან მარჯვნივ შრტოლთა, მარცხნივ ჟველურთა, ამ უკანასკნელის ქვევით კიდევ ერთი სოფელია - ნაციხარი

მალე აღმართი ისეთი ციცაქბო გახდა ძლივს ავდიოდით. თან მზეც საშინლად აცხუნებდა. საბედნიეროდ ალაგ ალაგ ხეები იყო და მათ ჩრდილში ვისვენებდით. საბოლოოს ავედით თხემზე. მთლიანობაში 2 კმ გავლის შემდეგ 450 მეტრი სიმაღლე ავკრიფეთ და ეს ყველაფერი სულ რაღაც საათნახევარში. წინ კიდევ 4-5 კმ გზა და სულ რაღაც 400 მეტრი ავლა გველოდა. თან გზა უკვე ტყეში მიდიოდა

სადღაც აქ შემოგვიერთდა კუმელაურთადან მომავალი ბილიკი.

მაგარი ხეები იყო. გამხმარი და ლამაზი.

შემდეგ მოგვესმა ძაღლების ყეფა და ჩვენსკენ რამდენიმე გიგანტური ცუგა გამოექანა. ცოტა არასასიამოვნო იყო თუმცა მწყემსი გვარწმუნებდა რომ ისინი "არ იკბინებიან". გვერდი ავუარეთ ფერმას და ავედით ზევით მდელოზე.

ისევ დაცემული ხეები

მორიგი მდელო

არყის ხეების სილამაზე ვერ შევაფასე. არა და გურული სულ მაგაზე აკეთებდა აქცენტს. საქმე იმაშია რომ ერთ ერთი ცუგრუმელა უკან გამოგვყვა ჩუმად. და როცა არყის ხეების როშას მივუახლოვდით სიგნალი მისცა ზევით კიდევ 3 ძაღლს. მთელი არყის ხეების გავლის განმავლობაში ყველა მხრიდან ყეფა ისმოდა. მხოლოდ აქ მოხვედრის შემდეგ ჩამოგვრჩნენ ცუგები.

არ ვიცი რა დავარქვა. ულამაზესია? რბილადაა აშკარად ნათქვამი.

უკანა პლანზე ნელ-ნელა მთელი კავკასიონი გამოჩნდა თავისი სიდიადით. თან მთების თავზე უკვე პაწა ღრუბლებიც შეიქმნა

ბოლოს როგორც იქნა ავედით ტბაზე. ტბამდე არ მისული პატარა ღელე იყო და იქ შევავსეთ როგორც იქნა წყლის მარაგები.

ტბამ ცოტა იმედგაცრუება გამოიწვია. ლაგოდეხში თამარის ტბისა და რაჭაში უძირო ტბის შემდეგ რაღაც მაგარს ველოდი მაგრამ ამაოდ. მიზეზი მარტივია. ზემოთხსენებული ადგილებისსგან განსხვავებით ეს ტბა გამდინარე არაა. მას ერთი პაწა ნაკადული უერთდება და მერე მთელი წყალი ეტყობა უბრალოდ ორთქლდება. ამიტომაც არაა ასეთი კამკამა. გარდა ამისა როგორც ჩანს ამ ნაკადულზე ცხვრის ფარამ გადაიარა ზევით და აამღვრიეს.

თქვენი მონა მორჩილი ტბასთან

ზევიდან ტბა გიგანტურ თავკომბალას ან სკაროსს მომაგონებს

გაგრძელება იქნება.

popins · Post by **popins** » 15 აგვ 2007, 20:57

ძალიან საინტერესოა ეს ყველაფერი და თანაც ისიც რომ ერთ უზარმაზარ პოსტში ეტევა .მე იმის შიშით არიქა კარავი არ გაითიშოს მეთქი ამდენს ვერ მოვითმენდი

ულამაზესი ბილიკებით გივლიათ და ულამაზესი ხედებით დამტკბარხართ და აგე ჩვენც კი შეგვახვედრეთ,სპს

Nika · Post by **Nika** » 15 აგვ 2007, 21:07

დღე მესამე, ნაწილი მეორე - "ტბიდან" დაშვება.

ტბასთან შესვენებას თავი ავარიდეთ. ისევ ღელესკენ დავეშვით და იქ მოვაწყეთ მცირედი პიკნიკი. აქვე საშინელი რამე აღმოვაჩინე.
ლაშქრობაში პირველად მქონდა წამოღებული Shom-ის მიერ ნათხოვარი 4 გიგაბაიტიანი კარტა. ასევე ჩემი 2 GB მქონდა და კიდევ პოკეტ პისიში რუკებისთვის 256 მეგაბაიტი. მოკლედ მეხსეიერების პრობლემას არ ვუჩიოდი. ჩემი 2 GB წინა ორ დღეში გავავსე. ტბასტან ამოსულმა Shom-ის 4 GB-დან 1 შევავსე და მოულოდნელად ფოტოაპარატმა გაჭედა. არც ახალ ფოტოებს წერდა ბარათზე და არც ძველებს მანახებდა. ჯერ გააზრებული არაფერი მქონდა მაგრამ გამოდიოდა რომ მეტი ფოტოებს ვერ გადავიუღებდი. არა და ხვალ უღელტეხილზე კარგი ამინდი რომ იყოს რა ვქნა. პიკნიკზე ეგრევე მივაშალე რუკები (მეტი აღარ დაგვჭირდებოდა მაინც) და 256 მეგაბაიტი ხელთ ვიგდე. ფოტოები აწი უკვე JPEG-ში რო გადამეღო 100 ცალი გამომივიდოდა კიდევ. ცოტა ამოვისუნთქე. მერე ნელ-ნელა დავიწყე პოკეტ პისის გამოყენებით 2 გიგაბაიტიანიდა 4-იანზე სურათების გადატანა. ძაან ნელი პრიცესი იყო მაგრამ შესვენების განმავლობაში კიდევ 150 MB გამოვინთავისუფლე. ამასობაში უკან დაშვების დროს მოვიდა. გადავწყვიტეთ გრძელი შესვენება სიცხის თავის არიდების მიზნით სადმე ტყეში გაგვეკეთებინა.

აი ამ ხეობუკაში იყო ღელე სადაც შევისვენეთ

გიორგის ცხელა

წავედით ქვევით. ეს დეკაა. მისი სუნი ამ მონაკვეთში ძაან არომატულია

წინ ჩანს ჩვენი გასავლელი გზა მდელოებზე

ვუახლოვდებით ძაღლების მეორე კონტაქტის ადგილს. საბედნიეროდ ამჯერად ზედა ძაღლები არავინ გააფრთხილა და ავცდით.

განათება სხვანაირი იყო. ყველა ხე ისევ თავისებურად და უნიკალურად ლამაზი იყო

მდელოები

კიდევ ხეები

ქვევით ფერმასტან 2 ცუგაღა იყო დარჩენილი და ისევ გვიყეფეს მაგრამ უკვე ნაკლებად. ბოლოს მივედით ხისოს თავზე მთის თხემამდე და იქ შევისვენეთ კაი ხანი. მე ამასობაში გამწარებული გადამქონდა ფოტოები ერეთი ბარათიდან მეორეზე. მერე მაინც ყოველი შემტხვევისთვის შევამოწმე ეგებ ამ მეროე ბარათზეც არ გადაიღებდა. გადაიღო. მერე ისევ ის გაფუჭებული ჩავდე როლემზეც უკვე მომატებული მქონდა ფოტოები. და ოი საოცრებავ. ამაზეც გადაიღო უპრობლემოდ. მოკლედ ეს ანომალია მე ვერ ამოვხსენი. მაგრამ საბედნიეროდ ყველაფერი მშვიდობიანად დამთავრდა.

ცოტა რომ აგრილდა დავეშვით ხისოსკენ. ამჯერად ეტყობა ცოტა სხვა გზით ჩავედით და აი ეს ვნახეთ

ხოლო ჭალასტან კიდევ უფრო უნიკალური რამე ხდებოდა. პირველი შეხედვით უბრალოდ ბავშვები ბანაობდნენ ალაზანში

მაგრამ ახლოს რო მივედით აღმოჩნდა რომ აქ პენორაფტინგი მიდიოდა

მდინარეზე გიორგი თვითონ გადავიდა მაგრამ მე რო ვნახე კაი ღრმა იყო. გადავიდოდი მაგრამ ვაი ფეხი დამიცდეს და ფოტოაპარატი წყალში აღმოჩნდეს. ვაჟა ბიძიამ მანქანა დაქოქა და გადამიყვანა მეორე ნაპირზე

საჭმელი ვჭამეთ და მალევე გავითიშეთ. ხვალ დილიდან ისევ თევზაობა და უკანა გზა გველოდა წინ.

popins · Post by **popins** » 15 აგვ 2007, 21:12

პენორაფტინგი

პენორაფტინგისტი მინდა გავხდე

და საქვაბეში ბინძური აზრებითო

მაგარი იყო რა

tushi · Post by **tushi** » 15 აგვ 2007, 21:18

მაგარი ფოტოებია უმაგრესი კომენტარებიძთ

guruli · Post by **guruli** » 15 აგვ 2007, 21:21

Nika

უკან კიდე სოფელი ჩანს მგონი ჭიღლაურთა.

ჩიგლაურთა.

tushi · Post by **tushi** » 15 აგვ 2007, 21:23

guruli
არაუსავს, მკაცრად ნუ განსჯი, ესეთი შეცდომებ ვაპატიოთ. წერანაც ჩიღოზე ჭიღO დაწერა მაგრამ არაუშავს.

Nika · Post by **Nika** » 15 აგვ 2007, 21:23

guruli
რა საინტერესოა ძაან ბევრი სოფლის სახელი რუსულად რომ წერია გეგონება დამახინჯებულიაო. იგივე კვავლო კაცმა შეიძლება ყვავლო იფიქროს.
არა და თურმე ისევე ჟღერს.

guruli · Post by **guruli** » 15 აგვ 2007, 21:31

tushi

არაუსავს, მკაცრად ნუ განსჯი, ესეთი შეცდომებ ვაპატიოთ. წერანაც ჩიღოზე ჭიღO დაწერა მაგრამ არაუშავს.

სულაც არა ვსჯი - არც მკაცრად და არც - რბილად. უბრალოდ, მინდა, რომ სახელები ყველამ სწორად დაიმახსოვროს და არა დამახინჯებულად. Nika

რა საინტერესოა ძაან ბევრი სოფლის სახელი რუსულად რომ წერია გეგონება დამახინჯებულიაო. იგივე კვავლო კაცმა შეიძლება ყვავლო იფიქროს.
არა და თურმე ისევე ჯღერს.

ახლა რომ ტურისტული რუკები გამოვიდა ცალკეული პარკებისა და ნაკრძალების, ბევრი სახელი იქაც დამახინჯებულადაა დაწერილი.
და ბერმ აქვე ერთსაც ვიტყვი - ეჰ-დათო "იმ" თემაში წერს - "კესალო", მაგრამ სწორია "კესელო". ასევე, თუშის სოფელს ორი სახელი აქვს - ბოჭორმასაც ამბობენ და ბოჭორნასაც.

Nika · Post by **Nika** » 15 აგვ 2007, 21:35

guruli
ხო რუკები დიდი პრობლემაა. განსაკუთრებით თუშეთში მივხვდი რომ სერიოზულადაა მოძველებული რუსული გენშტაბის ტოპორუკები. სოფლები კი მეტნაკლებად ზუსტადაა დატანილი მაგრამ გზები გაურკვევლადაა. ერთადერთი ტბის ბილიკი იყო საკმაოდ ზუსტად. სამანქანე გზები ისევ ბილიკების სახითაა. თუმცა რაღა რუკებზე ვლაპარაკობ. ფშაველში ომალოსკენ გზის მაჩვენებელიც არასწორადაა.

პ.ს. ეს შეცდომები შევასწორე და სადმე კიდევ თუ გამეპარა რამე მითხარით.

tushi · Post by **tushi** » 15 აგვ 2007, 21:39

მაგარი ფოტოებია..... კალმახი არ შეწვით?:):P

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS