ტაო-კლარჯეთი 9-12.04.2009

ZVIOSULI · Post by **ZVIOSULI** » 15 აპრ 2009, 10:13

ნაწილი აქ არის

http://forum.ge/?showtopic=33954970&st=0&#entry13384725

მერე დანარჩენს ავტვირტავ
თუ ისევ 99%ზე არ გაჭედა 3 საათით......

guruli · Post by **guruli** » 15 აპრ 2009, 10:24

Giorgi Bagrationi

"ახალი" შატბერდის იდენტიფიკაციაზე უამრავი გამამყარებელი არგუმენტია:

საინტერესო არგუმენტებია. რაც მთავარია, დასაბუთებული.
chuna

გურულიც ხომ არ მოვიტაცო? თუ თავის ნებით წამომყვება?

საჭურველმტვირთველი არ გჭირდებათ ექსპედიციაში?

Giorgi Bagrationi · Post by **Giorgi Bagrationi** » 15 აპრ 2009, 11:04

chuna
იმ ექსპედიციების დროს, როდესაც ჩემი და და ირინე იყვნენ ამ შატბერდის არსებობაზე არავითარი ინორმაცია არ იყო და შესაბამისად "ენი რაბათს" მიიჩნევდნენ. თუმცა შარშან წინ ერთად ვნახეთ "ახალი" შატბერდი და რა თქმა უნდა ყველა ეჭვი გაიფანტა.

Mta Mkvarebia · Post by **Mta Mkvarebia** » 15 აპრ 2009, 11:05

ვაგრძელებ რეპორტაჟს

მეორე დღეს ოთხთას და იშხნის ტაძრების შემდეგ თორთუმის ჩანჩქერი და თბა მოვინახულეთ.
თორთუმის ჩანჩქერი,მე12 საუკუნეში მომხდარი მიწისძვრის შედეგად კლდის დიდი მასა ჩამოინგრა და მდინარის ხეობა ჩაკეტა.ასე წარმოიშვა ტბა,რომელიც სიგრძეში 13 კმ-ია და სიგანეში 1კმ,ტბა გამდინარეა და რამოდენიმე კილომეტრში მდინარეზე ჩანჩქერია,რომელიც 50მ სიმაღლისაა. თუმცა მე ვფიქრობ რომ ჩანჩქერი გაცილებით მაღალია. რა ვიცი, ასე მომეჩვენა

სანამ ჩანჩქერამდე მივიდოდით გზიდან გადავიხედეთ და ეს ხედიც იქ გადავიღეთ.

ეს უკვე ჩანჩქერთან მოვედით და დაბლა ჩავდივართ კიბეებით.

Mta Mkvarebia · Post by **Mta Mkvarebia** » 15 აპრ 2009, 11:07

Mta Mkvarebia · Post by **Mta Mkvarebia** » 15 აპრ 2009, 11:08

მერე ტბაზე მივედით. რამდენიმე კილომეტრზეა გადაჭიმული. ულამაზესი ფერის ტბა. ძალიან მოგვეწონა

Mta Mkvarebia · Post by **Mta Mkvarebia** » 15 აპრ 2009, 11:09

ARCHILI · Post by **ARCHILI** » 15 აპრ 2009, 11:18

მომილოცავს წარმატებით მოვლა.

მე რომ ვუყურებ როგორი ტემპით ნადგურდება მანდაურობა, თქვენი ფოტოები ნამდვილად დიდ სამსახურს გაუწევს ყველა ჩვენგანს მომავალშიც.

ალბათ მძიმე გადასატანი იქნებოდა მაგ ყველაფრის ნახვა, არაა ადვილი უყურო, როგორ ინგრევა საკუთარი ფესვები და ისტორია და შენ მხოლოდ ამის აღბეჭდვა თუ შეგიძლია.

წარმატებებს გისურვებთ.

Mta Mkvarebia · Post by **Mta Mkvarebia** » 15 აპრ 2009, 11:31

შემდეგ გავემართეთ ოშკის ტაძრისკენ:

ცნობები ოშკის ტაძრის შესახებ:

ოშკი, X საუკუნის 50-60-იანი წლების ქართული ხუროთმოძღვრების უმნიშვნელოვანესი ძეგლი, სამონასტრო ცენტრი ისტორიულ ტაოში, თორთუმის წყლის მარცხენა მაღალ ნაპირზე, სოფელ ჩემლიამაჩში, ამჟამინდელ თურქეთის პროვინცია ერზერუმში. ოთხ დიდ კათედრალთაგან პირველი (იხ. სვეტიცხოველი, ბაგრატის ტაძარი, ალავერდი). ტაძარი ერთიანდება სამონასტრო კომპლექსში, შემორჩენილი სემინარია-სატრაპეზოთი და მცირე ეკლესიებით. ოშკი ძველი ქართული კულტურულ-საგანმანათლებლო კერა იყო ტაოში.
კომპლექსის მშენებლები ყოფილან ტაოს ბაგრატიონები, ადარნასე III კურაპალატის შვილები â€” ბაგრატ ერისთავთერისთავი და დავით მაგისტროსი (იგივე დავით III დიდი კურაპალატი). ტაძრის არქიტექტურა იმეორებს მისი წინამორბედების სახასიათო მოტივებს და უფრო გამდიდრებული და გართულებული სახით წარმოგვიდგენს მას. ოშკის ტაძარი აგებულია საგანგებოდ ამოყვანილ სუბსტრუქციაზე, რომელშიც სამარხებია მოწყობილი. ტაძარი წარმოადგენს ტეტრაკონქს, თავისუფალი გუმბათით. ტაძრის ჯვრისებრი მოხაზულობა შენარჩუნებულია გარესახეშიც, თუმცა აფსიდების სიმრგვალე არ ვლინდება, მოქცეულია რა სწორკუთხა მკლავებში. ოშკი უხვად იყო შემკული რელიეფებითა და ჩუქურთმებით. მოხატულობიდან მცირედია შემონახული.
მიუხედავად ოშკის მნიშვნელობისა მთელი გვიანი შუა საუკუნეები, ის უცნობი იყო ქართული სინამდვილისთვის, სამხრეთ საქართველოს თურქეთის მიერ მიტაცების გამო. მკვლევართაგან ოშკი პირველმა ვენეციელმა სომეხმა სწავლულმა ნ. სარგისიანმა მოინახულა 1843-1853 წწ. განსაკუთრებით აღსანიშნავია ექვთიმე თაყაიშვილის სამი უმნიშვნელოვანესი ექსპედიცია ტაო-კლარჯეთში, რომლის დროსაც მთლიანად იქნა აღწერილი და აზომილი ოშკის მონასტერი.

ოშკი, X საუკუნის 50-60-იანი წლების ქართული ხუროთმოძღვრების უმნიშვნელოვანესი ძეგლი, სამონასტრო ცენტრი, ისტორიულ ტაოში, ოთხ დიდ კათედრალთაგან პირველი (იხ. სვეტიცხოველი, ბაგრატი, ალავერდი), თორთუმისწყლის მარცხენა მაღალ ნაპირზე (ამჟამად თურქეთის ფარგლებშია). მთავარი ტაძრის გარდა შემონახულია სემინარია-სატრაპეზო და მცირე ეკლესიები.
ისტორია
ტაძრის სამხრეთ კედლის წარწერიდან ჩანს, რომ დამფუძნებლები ყოფილან ტაოს მფლობელი ბაგრატიონები - ბაგრატ ერისთავთერისთავი და დავით მაგისტროსი (იგივე დავით III დიდი კურაპალატი), ხოლო მშენებლობას ხელმძღვანელობდა გრიგოლი, რომელიც რელიეფურად არის გამოსახული სამხრეთ გალერეის ერთ-ერთ სვეტზე.
ოშკი ძველი ქართული კულტურულ-საგანმანათლებლო კერა იყო ტაოში. ჩვენამდე მოღწეულია ოშკის მონასტერში შექმნილი ხელნაწერები, მათ შორის განსაკუთრებული მნიშვნელობისაა ოშკის ბიბლია (978), რომელიც ამჟამად ათონის მთაზეა დაცული. ოშკში მოღვაწეობდნენ მწიგნობრები და მღვდელმთავრები: გრიგოლ ოშკელი (X ს.), სტეფანე დეკანოზი (X ს.), იოანე ჩირაი (X ს.), ოშკის ბიბლიის გადამწერი - მიქაელ ვარაზვაჩეს ძე, სტეფანე მწერალი, გიორგი გელასის ძე, გაბრიელ ოშკელი (XI ს.) და სხვა.
არქიტექტურა
ოშკის ტაძარი აგებულია საგანგებოდ ამოყვანილ სუბსტრუქციაზე, რომელშიც სამარხებია მოწყობილი. ოშკის ტაძრის გეგმა ჯვრისებრი მოხაზულობისაა. ნაგებობა წარმოადგენს ტეტრაკონქს, ე. ი. ჯვრის 3 მკლავი (აღმოსავლეთი, სამხრეთი და ჩრდილოეთი) ნახევარწრიული აფსიდებით მთავრდება, მეოთხე მკლავი (დასავლეთისა) კი â€“ წაგრძელებული და უაფსიდოა. სამივე აფსიდის ერთსა და მეორე მხარეს ორ სართულად განლაგებულია დამატებითი სადგომები.
ტაძრის ჯვრისებრი მოხაზულობა შენარჩუნებულია გარედანაც, მაგრამ აფსიდების სიმრგვალე არ მჟღავნდება, ისინი მოქცეულია სწორკუთხა მკლავებში. დასავლეთი მკლავის სამხრეთ კედელს გასდევს ღია გალერეა, რომლის ორმწკრივად განლაგებული სვეტები შემკულია ჩუქურთმებითა და რელიეფებით. კარნიზი ტეხილია და ყოველი მალის თავზე ცალკე ფრონტონს ქმნის. ტაძარი სიდიდითა და პროპორციებით გამოირჩევა წინა ხანის ძეგლთაგან, იგი ახალი დროის ტიპური ნაწარმოებია: კედლების სიმაღლე შენობის კორპუსის სიგანესთან შეფარდებით გაზრდილია, გუმბათის ყელი ამაღლებულია, წახნაგებმა ადგილი დაუთმო ცილინდრს, რომელიც ტეხილი ლილვებითა და დეკორატიული თაღებით 24 არედ არის დაყოფილი. გუმბათის ყელში 4-ის ნაცვლად 12 სარკმელია. ტაძარი უხვადაა შემკული ჩუქურთმებით, ხოლო რელიეფის სიმდიდრით ოშკს ერთ-ერთი უპირველესი ადგილი უჭირავს შუა საუკუნეების ქართულ ტაძართა შორის.
ოშკის გარეგნული სახის ყველაზე დამახასიათებელი მოტივია 5 დეკორატიული თაღის განმეორებადი კომპოზიცია - აღმოსავლეთ, სამხრეთ და ჩრდილოეთ ფასადებზე, თაღებში ჩართულია ორ-ორი სამკუთხა ნიში. მორთულობის ეს სისტემა XI-XII საუკუნეებში იქცა მრავალ გუმბათიანი ტაძრის აღმოსავლეთ ფასადთა ტიპურ კომპოზიციად. განსაკუთრებით მდიდარი და მრავალფეროვანია სამხრეთი ფასადი. აქ ფასადის შვერილი ნაწილის დეკორატიული თაღებისა და სახურავთა დაქანებული კალთების მოძრავი რიტმი გაცხოველებულია სამხრეთ გალერეის კარნიზის კიდევ უფრო ცოცხალი რიტმით. შენობის მასები ამ მხარეს მკვეთრად ასიმეტრიულია. ოშკის ტაძრის მორთულობაში საკმაოდ ბევრია ადამიანის გამოსახელება. გამოსახული არიან აგრეთვე ცხოველები (ხარები, ირმები, ფრინველები). მრავალი მოტივი წინაქრისტიანული წარმოშობისაა, მაგრამ ქრისტიანული ეკლესიის მიერ ნებადართული.
რელიეფების უმეტესობა განლაგებულია გუმბათის ყელის ძირში, მედალიონებში, უფრო კი სარკმელების გარშემო. მათი განაწილება და არქიტექტურულ ელემენტებთან ურთიერთობა მთლიანად გააზრებულია. ტაძრის შიგნით იქმნება სიდიადისა და ჰარმონიის შთაბეჭდილება. აქაც დიდი ადგილი უჭირავს ქვაზე ნაკვეთ მორთულობას, რაც დამახასიათებელია X საუკუნისათვის. ჩუქურთმითაა დაფარული გუმბათქვეშა ბოძების მძლავრი, რთულად პროფილირებული ბაზისები და სვეტისთავები, სამხრეთ გალერეის ვარსკვლავისებრი კამარები. მორთულობის შესრულების დონე საკმაოდ მაღალია.
ტაძარი შეტანილია იუნესკოს მსოფლიო კულტურული მემკვიდრეობის ძეგლთა სიაში.
მიუხედავად იუნესკოს დაცვისა ტაძარს დღემდე "ამშვენებს" დას.-დან მიშენებული სოფლის საზოგადოებრივი ტუალეტი, აღმ.-დან კი-საბძელი.
სამწუხაროდ ტაძარი დღემდე დაუცველია და მუდმივად იძარცვება (მაგ. 2006 წელს გაქრა ტაძრის სამხ.-აღმ. ფასადის ბარელიეფი.)

Mta Mkvarebia · Post by **Mta Mkvarebia** » 15 აპრ 2009, 11:41

ვედრების სცენა

აი, როგორი ყოფილა ეს სცენა ადრე:

ოშკი, იოანე ნათლისმცემლის ეკლესია, სამხრეთი ფასადი, ვედრების რელიეფური კომპოზიცია

ოშკი, იოანე ნათლისმცემლის ეკლესია, სამხრეთი ფასადი, ვედრების რელიეფური კომპოზიცია, ქტიტორები: დავით მაგისტროსი და ბაგრატ ერისთავთ ერისთავი ეკლესიის მოდელებით ხელში

ვედრება, დაკარგული რელიეფური კომპოზიცია, ოშკი, სამხრეთ-დასავლეთ გალერეის რვაწახნაგა ბურჯი

Mta Mkvarebia · Post by **Mta Mkvarebia** » 15 აპრ 2009, 11:43

Mta Mkvarebia · Post by **Mta Mkvarebia** » 15 აპრ 2009, 11:44

თურქი ბავშვები

ოშკის შესასვლელთან ეს აბრა დგას

იქვე ახლოს მეორე აბრაც ვნახე და ცოტა არ იყოს სასიამოვნოდ გაკვირვებული დავრჩი, ქართულ ენაზე რომ ვნახე ტაძრის ისტორიის შესახებ წარწერა

Mta Mkvarebia · Post by **Mta Mkvarebia** » 15 აპრ 2009, 11:46

ნახეთ რამხელა სვეტებია!

Mta Mkvarebia · Post by **Mta Mkvarebia** » 15 აპრ 2009, 11:47

khoteura · Post by **khoteura** » 15 აპრ 2009, 12:37

ძაან მაგარია აუცილებლად უნდა წავიდე, ეს ყველაფერი თითოეულმა ქართვევლმა უნდა ნახოს

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS