თუშური შთაბეჭდილებები

guruli · Post by **guruli** » 12 თებ 2006, 18:46

amuri
გაუმარჯოს. როგორ ხარ, დაკარგულო?
მეც არ ვიფიქრე, სად იკარგება-მეთქი! მოკლედ, მარტო რობინ ჰუდი არა, უილიამ შექსპირიც

(ყოველ შემთხვევაში, მისი პროფესიის მიმდევარი) ყოფოლხარ. მივესალმები ამ ყველაფერს.
ქუდის, მარილის და ასეთების იგნორირებას რაც შეეხება, საჭიროებისას ყველაფერი უნდა გამოიყენო, მთავარია, დანიშნულება არ აურიო.

შემიძლია მამაჩემი გაგაცნო,რა თქმა უნდა თუ სურვილი გექნება

მე - კი, მას თუ ექნება სურვილი.

პრაქტიკის გავლა სროლაში და ჯირითში კიდე სად მოვახერხო არ ვიცი,პირდაპირ საგონებელში ვარ ჩავარდნილი..

მთავარია, სურვილი გაგაჩნდეს და საპრაქტიკო ადგილის მეტი რაა.

ვეცდები არ დავიკარგო,თუ გამომივიდა

კარგი იქნება, მე და ჩემმა ღმერთმა.

Mrs. Robinson
არა, თქვენ არაფერი შეგშლიათ. მართალია, ეს მართლაც ორი ადამიანის პირადი საუბარია, მაგრამ სავსებით ჯდება თემის ჩარჩოებში. ამიტომ მგონია, რომ საიტის დაწერილი თუ დაუწერელი კანონები არც ჩვენ დაგვირღვევია.

guruli · Post by **guruli** » 13 თებ 2006, 13:30

დღევანდელ *კვირის პალიტრაშია* გოდერძი ჩოხელის საინტერესო წერილი თუშებზე. აი, მისი ფრაგმენტი.
ამ დედამიწის ზურგზე იშვიათად შეხვდებით ისეთ ბუნებით კეთილ და სიცოცხლით სავსე ხალხს, როგორც თუშები არიან.
საუკუნეების მანძილზე, სოფლიდან სოფელში მიმავალ ვიწრო ბილიკზე დააჭენებენ თუში მხედრები ცხენებს და ისეთი ჟინითა და გახელებით აკეთებენ ამას, ერთთავად სიკვდილ-სიცოცხლეს ეთამაშებიან, თითქოს უნდა ამ ქარაფებზე ცხენის ჭენებით სიკვდილი დააშინონ. სიკვდილი ხომ სულ უკან დასდევს მათ, ხან ზვავით, ხან აბობოქრებული ალაზანით და ხანაც მომხდურის ტყვიით.
თუშეთის ბუნება აქაურმა მთებმა ჩამოაყალიბა, სანთელივით ჩამოქნა, ჩამოხვეწა, აანთო და როგორც ხატისკარს ანთებული სანთელი ანათებს ბნელს, ისე თუშის ლაღი ხასიათი ანათებს და ამშვენებს ადამიანთა მოდგმას.
ზაფხულობით თუშები ეძლევიან ლხინს. იხდიან დღეობებს, დრეს რომ დანოშია დღეობა, ხვალ ფარსმაში, ზეგ გირევში, მერე დართლოში, შენაქოში, ჩიღოში და ასე გადაბმულად, ერთიმეორის მიყოლებით.
რამდენადაც თუშებს ახლოს ვიცნობ, შემიძლია ვამტკიცო, რომ ყოველი პუნქტი აბსოლუტურად მართებული დახასიათებაა.

CHAKRULO · Post by **CHAKRULO** » 15 თებ 2006, 01:04

guruli
მაგარია ძალიან გოდერძი ჩოხელი!!!

guruli · Post by **guruli** » 15 თებ 2006, 22:24

CHAKRULO

მაგარია ძალიან გოდერძი ჩოხელი!!!

გეთანხმები. მაგის ნოველები თუ ჩანახატები პალიტრაში თან მამშვიდებს, თან სინანულის დიდ გრძნობასაც აღმიძრავს. მაგის ნაწერებში სხვანაირი სული იგრძნობა - სოფლის, მთის, უბრალო ადამიანების ყოველდღიურობა... ამ არეულ ახალ დროში დაკარგულ ძველ ტრადიციებზე წერს. მე ძალიან მიზიდავს ეგეთები.

CHAKRULO · Post by **CHAKRULO** » 16 თებ 2006, 00:56

guruli
ვაჟას აზრების გამგრძელებელია, მაღტალია ის სულ სხვა იყო მაგრამ ესეც ძალიან ახლოს დგას და დაკარგვის საშუალებას არ აძლევს!!!

guruli · Post by **guruli** » 16 თებ 2006, 19:05

CHAKRULO

ვაჟას აზრების გამგრძელებელია, მაღტალია ის სულ სხვა იყო მაგრამ ესეც ძალიან ახლოს დგას და დაკარგვის საშუალებას არ აძლევს!!!

ისიც უბრალო ხალხისგან ქმნიდა შედევრებს.
ხალხნო, მე რომ თუშეთის თემაში უძიროს ტბას ვეძახდი, დღეს დავადგინე, ორეთი რქმევია. რომელიღაც მაღაზიაში ღია ბარათების თვალიერებისას გადავაწყდი.

amuri · Post by **amuri** » 20 თებ 2006, 13:50

guruli
როგორ ხარ მეგობაროოოო....???დაკარგვა ცოტა ხნით მაინც გამომივიდა,მაგრამ ეხლა სწავლა დმეწყო მგონი ხშირად შეგეხმიანებით ხოლმე

guruli · Post by **guruli** » 20 თებ 2006, 14:51

amuri

სწავლა დმეწყო მგონი ხშირად შეგეხმიანებით ხოლმე

სწავლა თუ დაგეწყო, მაშინ უფრო ვერ მოიცლი და ხშირად როგორ დაგვეკონტაქტები?!
სხვა, როგორა ხარ, ისევ ფიქრობ თუშეთზე? კოტრების გამოცხობა და ცხენზე ჯირითი ისწავლე? იცოდე, ისე იქ არ აგიშვებენ.

amuri · Post by **amuri** » 24 თებ 2006, 15:21

guruli
აი ხომ ხედავ ფაქტია,ეხლა უფრო ხშირად შემოვდივარ ხოლმე

ეეეეეეჰ კოტრების გამოცხობაზეც ვფიქრობ და ცხენზე ჯირითის სწავლაზეც,მაგრამ მარტო ფიქრი რომ შველოდეს მაგ საქმეს........აი ზაფხულში უფრო ვიზრუნებ მაგაზე

სხვა როგორ ხარ???

ხო მართლა ჯერ მამაჩემის გაცნობას და მერე ნადირობას რაც შეეხება,მაი არაა პრობლემაააა

guruli · Post by **guruli** » 24 თებ 2006, 16:54

amuri
მშვიდობა შენს დაბრუნებას. პრაქტიკა მართლა ეგრე ძაან თუ გინდა, პრობლემა არაა. ოღონდ მოინდომე. იმედია, კოტრების გამოცხობით სხვებიც დაინტერესდებიან, მამაშენის გაცნობას კი რაც შეეხება, სიამოვნებით, მაგრამ ჯერ თავად გამეცნობოდე, აჯობებს. მოხვალ ხვალ ნიამორზე?

Duckling · Post by **Duckling** » 26 თებ 2006, 12:08

იცით რა მაინტერესებს თუშეთში რამე მყინვარები არის? არის ისეთი მთები რომლის წვერებზეც ზაფხულშიც კი თოვლი დევს?

guruli · Post by **guruli** » 26 თებ 2006, 13:37

amuri
რატომ არ მოდი გუშინ თუშეთზე ფილმის სანახავად? ეჰ, შენ თუშეთის გულისთვის აგერ არ მოდიხარ კინოს სახლში და იმ მთაში წამოხვალ?! რაღაც არ მჯერა.
Duckling

თუშეთში რამე მყინვარები არის? არის ისეთი მთები რომლის წვერებზეც ზაფხულშიც კი თოვლი დევს?

ცნობილ მყინვარებს ვერ გეტყვი - მაგაში პროფესიონალები გაგარკვევენ, მაგრამ მარადთოვლიანი მწვერვალები ნამდვილად არის. პირიქითში დართლომდე ვარ ნამყოფი - პირველი სოფელია და იქიდან რაც ჩანდა კავკასიონის მთები, სულ თოვლით იყო დაფარული (აგვისტოში) და გირევში რომ ახვიდე...

Duckling · Post by **Duckling** » 26 თებ 2006, 15:11

გურული მადლობა პასუხისთვის და კიდე თბილისიდან თუშეთამდე რამდენ ხანში ჩავალ? და სიტუაცია როგორია? არ არის ხო სახიფათო იქ მთებში ხეტიალი

guruli · Post by **guruli** » 26 თებ 2006, 16:09

Duckling
თუშეთში ალბათ მთას გულისხმობ და არა ალვანს, თუმცა მაინც აგიხსნი - ალვანში მაქსიმუმ, სამ საათში ჩახვალ, იქიდან კი მთაში კამაზებიც დადიან და მსუბუქებიდან ნივა-ვილის-უაზები... იქაც დაახლოებით 3-4 საათში ახვალ, ოღონდ გააჩნია, სად მიდიხარ. მე ომალოს გზა ვიგულისხმე, მაგრამ გომეწარი და პირიქითი გაცილებით შორსაა. შენაქო-დიკლოში გასვლასაც დაახლოებით 1 საათი დაემატება. ნუ, შენაქომდე - ცოტა ნაკლები.
მგონი, ხიფათში უშიშროებას და გატაცებებს გულისხმობ და არა სავალ ბილიკებს. მაგ მხრივ არანაირი საფრთხე არაა და მართლა დიამეტრულად განსხვავდება სვანეთისგან. პირიქით, იქ რომ სტუმარს დაუშავდეს რამე, მთელი თუშეთი ამას საკუთარ შეურაცხყოფად მიიღებს. მნიშვნელობა არა აქვს, დაზარალებული ვინმესთან ოჯახში იქნება სტუმრად თუ კარავით სადმე მინდორში დაბანაკებული. მოკლედ, წასვლა თუ გინდა, უშიშრად წადი. ცნობისათვის - ზაფხულში კარაველებიც ვგეგმავთ იქით გასეირნებას. თუ გინდა, შემოგვიერთდი.
აი, ბილიკებს რაც შეეხება, ეგ მართლა სახიფათოა. იმდენად სახიფათო, რომ თუშები მისალმებამდე ამას ეკითხებიან სტუმარს, ხომ მშვიდობით მოხველო (ან რამე რომ შემთხვეოდა, როგორ მივიდოდა

), სუფრიდან კი ისე არ ადგებიან, ანგელოზთა და სალოცავთა დიდების შემდეგ, სულ ბოლოს გზა-კვალის სადღეგრძელოც თუ არ დალიეს. ამაზე მეცინებოდა, ეტყობა, აქაურმა გზებმა მოგაგონებინათ ეგ სადღეგრძელო- მეთქი.

Duckling · Post by **Duckling** » 26 თებ 2006, 23:27

რა კარგი ხალხი ყოფილან, მართლა მოვიხიბლე, ბუნებაზე ლაპარაკიც ზედმეტია, აუცილებლად უნდა წავიდე

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS