ხევსურეთი - საქველმოქმედო N2

Post by **Gvalva** » 22 ოქტ 2006, 23:22

კაი ხალხი ხართ ყველანი! გაიხარეთ!

ფოტოები დადეთ რაა, მე აპარატი არ მქონდა და მინდა იმ ფერების ნახვა კიდევ

gobe · Post by **gobe** » 23 ოქტ 2006, 01:31

მოგესალმებით კარ(ა)ველებო! გაიხარეთ!!!
ბოდიშს ვიხდი, რომ მოთხოვნილ ფოტო მასალას დაგვიანებით ვათავსებ. ცოტა ხანია რაც სახლში მოვედი.

სანამ კადრების ჩვენებაზე გადავალთ, ადმინ, ერთი რამის თქმა მინდა. შეიძლება? ჰოდა, მაშინ გაიხარეთ შენ, ნიკამ და მიშამ.

მაშ ასე, მთავარ როლებში:

ადმინი (ჩემი სიტყვა აღსრულდა - ადმინმა გაიხარა)

ნივა 1 და ნივა 2-ის კაპიტნები ცალცალკე...
ნიკა

მიშა

და ერთად

როლებში:
არჩილი +-ით (+ = ლინა)

მაია

გობეს + (+ = ანა)

Zura N. და გობე (მარჯვნიდან მარცხნივ)

გაგრძელება იქნება

gobe · Post by **gobe** » 23 ოქტ 2006, 02:31

მაშ დავიწყოთ თბილისიდან.
რამეთუ ადმინმა ინფორმაცია საკმაოდ ვრცლად მოგაწოდათ, მე დავდებ მხოლოდ ფოტომასალას ალაგ-ალაგ კომენტარებით. ზოგიერთი ფოტოსურათის დაბალი ხარისხისათვის ბოდიშს ვიხდი. ისე კი, ამინდმაც ვერ შეგვიწყო მთლად ხელი...

თუმცა იმედი მაქვს რომ სხვების ფოტოებსაც ვიხილავთ და სიამოვნებას გავიხანგრძლივებთ.

თბილისი. 06:00
"მიშა, ამ ჩანთას შენთან ჩავდებ რა? ჩემს მანქანაში გობე ჩაჯდა და თავისუფალი ადგილი აღარ დარჩა."

"ვააა, გალსტუკით? აუუუ, არ შემიძლია..."

ბარისახო. 08:30
ნივა 1-ის კაპიტანი უანგარო დახმარებას უწევს ნივა 2-ის კაპიტანს

დავტოვეთ ბარისახო და ნელნელა გარშემო ყველაფერმა გაფერადება დაიწყო. ადმინი სწუხდა რომ თან არ ჰქონდა აპარატი (ჰაერის გამოსაცვლელად უცხოეთში ჰგონია გაგზავნილი), მაგრამ გამოსავალი ყოველთვის არსებობს.

რა დროს ჯომოლუნგმა არის,
და ან რა დროს არარატი?!
გვალვა ფერებს მოეფერა
გობეს fრენდლი აპარატით.
ზოგიც გობემ გადაიღო,
ზოგიც ანამ - გობეს ლინკმა.
მეგობრობაც ამას ჰქვია -
გაამართლა შეარინგმა.

ფერები, ფერები და კვლავ ფერები...

ხედი უღელტეხილიდან. 10:07

ჯერ-ჯერობით ეს არის.
გაგრძელება იქნება

zura N. · Post by **zura N.** » 23 ოქტ 2006, 02:45

gobe
გაიხარე გობე! შესანიშნავი დასაწყისია! ასე გააგრძელე!
მე კი მანამდე ერთ ლექსს დავდებ.

ხევსურეთს ფერნის მნახველნი,
თვალნი ვეღარა ძღებოდნენ,
გული დარჩენას ლამობდა,
დამტოვეთ სად მიგყევართო?!
განა არსებობს ამ ქვეყნად,
ადგილი უკეთესიო?
ტყენი მოსილნი ათასფრად,
დამაბრმავებნი თვალისა,
მწვერვალნი დათოვლილებნი,
ჯერ არ ნახულნი კაცისა.
მთიდან მწვერვალნი მოკითხვას,
უთვლიდნენ დაბლა ხევსაო,
ხევი კი ჩქარი ჩქერებით,
მთასა აძლევდა ბანსაო.
ეფერებოდნენ ერთმანეთს,
ჰკითხავდნენ ავსა და კარგსა,
ნისლებს ატანდნენ წერილიბს,
ერთურთის მოკითხვისასა.
ხევმა მთას უთხრა ძმობილო,
ფერი მაკლია თეთრიო,
და მთამაც გამოუგზავნა,
ციდან ფაფუკი თოვლიო.
მათი საუბრის მხილველი,
ეხლაც ვიარი მთვრალია,
ცხადი იყო თუ სიზმარი,
ჯერაც ვერ გამირკვევია.
ალბათ ოცნება თუ იყო,
დანასიზმრები ძილშია,
და მერე ცხადად ამხდარი,
ხევსურეთს, მიღმა ხევშია.
/ზურა ნ./

gobe · Post by **gobe** » 23 ოქტ 2006, 03:18

zura N.,
გაიხარე!!! გატყობ თბილისში ვერ ისვენებ (დასვენებას კი არა, მოსვენებას ვგულისხმობ) და მომავალ წელს თუ ხევსურეთში მოვხვდით, დარდი ნუ გაქვს, დაგტოვებთ იქ რამოდენიმე თვით

.

დანარჩენ ფოტოებს გადავარჩევ და შეძლებისდაგვარად მოვათავსებ დღეს. დღისით თუ ვერ მოვახერხებ, საღამოც ჩვენი არ არის?

წავედი აბა, ძილის დრო მომივიდა.

აბა ჰე!

(გულში ვფიქრობ: ასე მოკლედ იმიტომ ჯობია ვუთხრა, რომ სანამ "ღამე მშვიდობისა, ტკბილ სიზმრებს გისურვებ, მშვიდობიანი ღამე გქონოდეს, ტკბილად იძინე"-ს ვეტყვი, გათენდება კიდეც და დაიწყე ეხლა კიდევ: "დილა მშვიდობისა, გუტენ მორგენ, ბონ მატინ, ბუონ ჯორნო, გუდ მორნინგ, ბუენას დიას, დობროე უტრო........)
მაგრამ ამდენ ფიქრს არ ჯობდა დავწოლილიყავი ბარემ? არა რა, მაინც რა ხალხი ვართ ეს ქართველები...

Archil · Post by **Archil** » 23 ოქტ 2006, 13:34

ინტერნეტთან შეზღუდვა მაქვს. ჩამოტვირთეთ არქივი და დადეთ, ვისაც ინტერნეტი ოხრად გაქვთ. აბა თქვენს იმედად ვარ. ტექსტებს ნელ-ნელა მოგაწვდით.

ჩამოსაქაჩი

http://dade.ge/?code=11616208447OC66UUVKD

წასაშლელი

ამჯერად უკვე აღარ დავდებ

gobe · Post by **gobe** » 23 ოქტ 2006, 14:54

Archil,
ცოტა ხნის წინ ვცადე გადმოწერა და გამომიტანა შეტყობინება: წაშლილია მომხმარებლის მიერო. ეგ არაფერი, მთავარია მეხსიერება არ დააფორმატირო. კაი რა, რა დაგემართა? საწყენი აშკარად არაფერი მითქვამს

მოგესალმებით, კარ(ა)ველებო!
ვაგრძელებ.

ესეც მუცო

ზურა დაიაურის სახლი

სახლში არავინ იყო. ზურასთვის განკუთვნილი ტომარა იქვე ფქვილის ტომრებთან დავდეთ

გავუდექით არდოტისაკენ მიმავალ გზას.

Gvalva wrote: ... ერთ ადგილას გზა მორებით იყო გადახერგილი, გავჩედით, ამ დროს ზემოდან ერთი მორი კიდევ ჩამოსრიალდა, გავაგებინეთ ხალხი ვართ აქო და...

Gvalva wrote: ...ამ მორის ფრენის სისწრაფით ზემოდან ჭაღარა კაცი ჩამოფრინდა, გვითხრა ღვთისო ვარ, ხევისბერიო, ადრე რომ ბახაოში ალუდას ოჯახისთვის დავტოვეთ ტვირთი, ამის სახლთან დავტოვეთ...

არდოტი

მძღოლებმა ბარგის გადმოლაგება დაიწყეს, მგზავრებმა ფულის გადათვლა, ოღონდ არა მძღოლებისათვის, არამედ შორენა ზვიადაურისთვის

"კარგი რა არჩილ, დროზე გადათვალე რა... ტოჟე მნე Ñ„ინანსისტ!"

ხედი ნიკოს სახლისაკენ მიმავალი ბილიკიდან

ნიკო არდოტელის სახლისაკენ განსატვირთად მიმავალი დატვირთულები

ნიკო და...

მისი ოჯახის წევრები: მეუღლე მარიამი და შვილები, მარცხნიდან მარჯვნივ - თაია, ლევანი და გიორგი

ნიკომ - დარჩით სად მიდიხართ, ხბოს დავკლავო. გვეჩქარებოდა. დიდი მადლობებით დავემშვიდობეთ ორივე მხარის წარმომადგენლები ერთმანეთს და დავეშვით მანქანებისკენ. მერე კი, როგორც ადმინმა ახსენა, ნიკოს ბავშვებმა ყველის უშველებელი თავი ჩამოგვირბენინეს - არ გაგვასწრონო. არც ჩვენები დარჩენილან ვალში - ბავშვებს კანფეტები, შოკოლადები და "პეჩენიები" დაურიგეს.
ჩავსხედით მანქანებში და დავიძარით დათვიჯვრის უღელტეხილის მიმართულებით.

გაგრძელება იქნება

Mao · Post by **Mao** » 23 ოქტ 2006, 15:38

magrebi xart!

gobe · Post by **gobe** » 23 ოქტ 2006, 15:52

Mao,
გაიხარე!!!

არასწორია: მაგრები ხართ!
სწორია: თქვენთან ერთად!

გაგრძელება
არდოტი - დათვიჯვრის უღელტეხილი

ჯგუფის რამოდენიმე წევრს არ ჰქონდა ნანახი მუცო და შატილი, მაგრამ, სამწუხაროდ უამინდობისა და დროის სიმცირის გამო, ვერცერთის დათვალიერება ვერ მოხერხდა.
ეგ არაფერი - სხვა დროს იყოს

ესეც კისტანი

ესეც დათვიჯვრის უღელტეხილი (2676 მ)

სუფრა იშლება

მახსოვს ეს კაცი ნაბეღლავზე და წნევაზე საუბრობდა

ადმინმა ჯგუფს თავისი იდეა გაანდო: ეს ყველი დავჭრად 10 ტოლ ნაწილად, 1 ეხლა სუფრისთვის და დანარჩენი 9 ნაჭერი კიდევ ყველას შეგვხვდებაო. ო, რა მწარედ ვინანე, რატომ შვილებიც არ წამოვიყვანე-მეთქი.

ადმინი ჭრის ყველს. ყველის დაჭრას მაიას დანა - ე.წ. "ბაბოჩკა" (ანუ "ბებია გარდაიცვალა") ემსხვერპლა. დაჭრა გაგრძელდა უშველებელი დანით.

იმის გათვალისწინებით, რომ უღელტეხილზე უნდა გავჩერებულიყავით საჭმელად და შეგვცივდებოდა, ადმინს წამოღებული ჰქონდა 1ლ ჭაჭა. გარდა ამისა, ჯგუფის თითოეულ წევრს დაურიგდა ეროვნული წამალი "წიtს2".

"ვაჰ, როგორ გვშიებია..."

წარმოთქმულ იქნა (და არა მხოლოდ წარმოთქმულ...) ამ ადგილისათვის ტრადიციული რამოდენიმე სადღეგრძელო. განსხვავებული სადღეგრძელოც ითქვა - კერძოდ იმ დღეს (21 ოქტომბერს) დაბადებულების: lashas კარაველის და ორი არაკარაველის - gobe-ს სიდედრის და ცოლის დის.

და სუფრის ბოლოს, როგორც ილია კარაველი იტყოდა, ე.წ. "გრუპავუხა"

დავიძარით ბარისახოს მიმართულებით.

არ იფიქროთ რომ ჩეპე-ს ჰქონდა ადგილი.

ეს იყო ელემენტარულად ნივა 1-ის კაპიტნის წინდახედული მოქმედება. შემოწმებამ ცხადყო, რომ ყველაფერი წესრიგში იყო.

და კვლავ ფერები... ფერები... ფერები.......

ბარისახოში შევიარეთ და ზეპირი შეტყობინება დავტოვეთ, რომელიც იუწყებოდა, რომ მშვიდობით დავბრუნდით.

და დავიძარით თბილისისკენ.

ესეც იმ დღეს ბოლო ფოტოები.
ნივა 2. ტრენინგები საბურავის ბერვაში

ესეც ასე.
აბა ჰე. ეხლა თქვენი დროა, დიდხანს გელოდი-ით...

Post by **Gvalva** » 23 ოქტ 2006, 16:17

აუ რა კაი იყო ფოტოებიც და ლექსებიც.

ერთი შესწორება მაქვს მხოლოდ:

შეცდომაა: ადმინს წამოღებული ჰქონდა 1ლ ჭაჭა.
სწორეა: ჭუნამ ადმინს გამოატანა 1ლ ჭაჭა

კიდევ ველოდები, ფოტოებსაც და ლექსებსაც

Archil · Post by **Archil** » 23 ოქტ 2006, 16:17

ყველი ადმინმა ვერ დაჭრა... ეგრე ჩამიყარეთ ხომ წვალება წყალში

caucasica · Post by **caucasica** » 23 ოქტ 2006, 16:25

ჯადოსნური ფერებია...ალბათ თქვენც ჯადოსნურ სამყაროში იყავით არა?...

Post by **Gvalva** » 23 ოქტ 2006, 16:28

ა, კიდევ იცით რისი მოყოლა დაგვავიწყდა??

მუცოში ხალხი ხომ ბევრი იყო, კვამლი ხომ ამოდიოდა სახლებიდან, სარეცხიც ხომ იყო გაფენილი და ქათმებიც ბლომად დარბოდნენ ჩვენი მანქანის წინ...

გამგები გაიგებს.

Archil · Post by **Archil** » 23 ოქტ 2006, 16:28

caucasica
მაგარი იყო.... ვითომ არ იცი თავად

ვინ იყო მაქეთ 6-ჯერ თუ მეტჯერ...

Nika · Post by **Nika** » 23 ოქტ 2006, 16:28

ახლა ვიწერ არჩილის ფოტოებს. დღეს მგონი სახლში ინეტი უკვე უნდა მქონდეს და ჩემებსაც დავდებ.

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS