დიდი მესხეთი - აბულის ციხე, შაორი, სამსარის მონასტერი

Naia · Post by **Naia** » 04 ოქტ 2010, 14:11

შაორის ციხეს რომ მივუახლოვდით, მანქანები აღმართის ძირში დავტოვეთ და ჩვენ ფეხით გავაგრძელეთ სიარული.

ტომა, ჩემი პლიუსი, უკანა ფონზე ჩვენი რკინის რაშები და სულ უკან კი ფარავნის ტბის ნაწილი

აღმართზე ასვლა თავიდან მარტივად დავიწყეთ. მერე კი ნელ-ნელა გართულდა გზა. ბოლოს კი უზარმაზარ ლოდებზე გვიწევდა ხტუნვა

ამ ფოტოს ჰქვია 'კოლხეთი გასაჭირშია'

სამცხის ათაბაგი

Eh_Dato · Post by **Eh_Dato** » 04 ოქტ 2010, 14:19

ოფ-როუდერების საყვარელი გამოთქმაა "საბურავი მივახიე, ზეთის კოლოფი გავგლიჯე, მაგრამ მაააგარი დრო ვატარე."

ჩვენმა ეკიპაჟმა საბურავიც მიახია, ზეთის კოლოფი გაგლიჯა, მაგრამ ყველა უაღრესად კმაყოფილი დავბრუნდით.
თუმცა ცოდვას გამხელილი სჯობია - იმ მომენტში ვერ მეხითხითებოდა ბოლომდე.

გასვლა მართლაც ძალიან კარგი იყო. დარწმუნებული ვიყავი - სხვანაირადაც ვერც იქნებოდა, როცა მაკენასნაირი კარგი ორგანიზატორი და მცოდნე მიგიძღვის.
გმადლობთ ყველას - აღმოჩენილი დახმარებისა და თანადგომისთვის.
გმადლობთ, რომ აგვიტანეთ ჩვენი პრობლემებით.

პირადი მადლობები სამაშველო ოპერაციაში შეტანილი დიდი წვლილისთვის ქებურიოსს, მაკენას და დონს.
ფოტოებსა და შთაბეჭდილებებს ცოტა მოგვიანებით გაგიზიარებთ.
P.S. რას ნიშნავს "მერსელო?"
ეტო დრევნოარმიანსკოე იმია.
გარაზდო დრევნეე ჩემ დრეავნეარმიანსკაია ჰამლეტ ი ოფელია.
P.P.S. იმედია ჩვენი სომეხი თანამოქალაქეები ჰუმორის გრძნობაში მაინც არ იჭედებიან.

Naia · Post by **Naia** » 04 ოქტ 2010, 14:21

Eh_Dato

P.S. რას ნიშნავს "მერსელო?"
ეტო დრევნოარმიანსკოე იმია.
გარაზდო დრევნეე ჩემ დრეავნეარმიანსკაია ჰამლეტ ი ოფელია.
P.P.S. იმედია ჩვენს სომეხ მეგობრები ჰუმორის გრძნობაში მაინც არ იჭედებიან.

Naia · Post by **Naia** » 04 ოქტ 2010, 14:37

ციხეს რომ მივუახლოვდით, თვალებს არ დავუჯერეთ. ჩვენს წინ ლოდებისგან გაკეთებული 'შარაგზა' იყო. ბუნებრივად შექმნილა ნამდვილად არ ჰგავდა. აშკარად ადამიანის ხელით იყო გაკეთებული

ამ ფოტოებზე ასე თუ ისე კარგად ჩანს 'მოსწორებული' და ლოდებისგან გაკეთებული გზა

ლიბრა და ჩემი +

მთაშენკა და ტომა

ალაგ-ალაგ ასეთი ნაგებობები გვხვებოდა

ციხის შესასვლელი

Naia · Post by **Naia** » 04 ოქტ 2010, 14:50

ციხის შიდა კედელზე ასეთი 'ოთახები' დაგვხვდა.

შუაგულში კი გაურკვეველი დანიშნულების, საკურთხევლის მსგავსი რამ იყო აღმართული

lama · Post by **lama** » 04 ოქტ 2010, 14:58

გაიხარეთ

მაგრებო

მე, მაგ დროს აი აქ ვიყავი

ულამაზესია შემოდგომის თუშეთი...

მომიტევეთ "ოფტოპიკი"

Naia · Post by **Naia** » 04 ოქტ 2010, 15:25

შაორის ციხეზე უამრავი ფოტო გადავიღეთ. მათ შორის 1 ჯგუფურიც, რომელიც, იმედია, მოგვიანებით დაიდება

ტომა და მარიშკა

შალვა

ასეთი ფოტო გოგამ და მაკენამ შარშან თუ შარშანწინ გადაიღეს. თუ ვიპოვე ორიგინალი დავდებ

ნელ-ნელა დავიშალეთ. ციხეს კიდევ ერთი ფოტო გადავუღე და შემდეგ დაღმართზე დაშვება დავიწყეთ.

სანამ ჩვენ შაორის ციხეზე მზეს ვეფიცხებოდით, რამდენიმე კილომეტრის მოშორებით ფარავნის ტბაზე ასეთი შავი ღრუბლები ჩამოწოლილიყო და წვიმდა.

Mta Mkvarebia · Post by **Mta Mkvarebia** » 04 ოქტ 2010, 15:29

ძალიან სასიამოვნო გასვლა იყო, სხვანაირად მართლა ვერ იქნებოდა. ამისთვის დიდი მადლობა სამცხის ათაბაგს!
აბული და შაორი მართლაც შთამბეჭდავი იყო და დიდი გავლენა მოახდინა ჩემზე, მიუხედავად იმისა, რომ ციხეები დიდად არ მხიბლავს. ამინდი ხომ ისეთი იყო, სათავგადასავლო ფილმის გმირები გვეგონა თავი, ელავდა, ქუხდა, სეტყვის მარცვლები თავზე გვეცემოდა, მაგრამ მაინც გვიხაროდა, რომ აბული ვნახეთ

. ასევე ძალიან მომხიბლა ღტილას ეკლესიამ. სამსარის კლდეში ნაკვეთმა ტაძარმა კი ყველა აღაფრთოვანა და ერთხმად ათქმევინა, სხვაზე რომ არაფერი ვთქვათ, მარტო ამ ძეგლის ნახვად ღირდა ეს გასვლაო

. ტაბაწყურის უნახაობა პირადად ჩემთვის კარწახის ტბით დაკომპენსირდა, აი იქ ჩვენმა ჯგუფმა ისე იმხიარულა, სიტყვით ვერ ავწერ

ჰოდა მერსელას და მისი თანასოფლელების მსუბუქად რომ ვთქვათ ნელთბილი დამოკიდებულება "საქართველოდან" ჩამოსული "სტუმრებისადმი" , აშკარად დათბა დიდ და მცირე კარწახის სოფლებს შორის, ტბის პირას, სადაც არცერთი გამვლელი ტრაქტორისტი და თივის მზიდავი არ გაგვიშვია, სუფრასთან რომ არ მოგვეწვია და ბავშვებთან ოჯახში სასუსნავებით ხელდამშვენებული არ გაგვეშვა. ვართანაც, არარატიც და მათი მეგობრებიც (ბოლოს შემოსწრებულთა სახელები უკვე აღარ მახსოვს, მიხვდებით ალბათ რატომაც

) ალბათ დიდხანს მოუყვებიან ახლობლებს იმ ცოტა უცნაური, მხიარული და კეტილგანწყობილი ქართველების შესახებ თავსხმა წვიმაში რომ ქეიფობდნენ კარწახის ტბის პირას და სომეხი და ქართველების ძმობის და მეგობრობის სადღეგრძელოთი ხვდებოდნენ და აცილებდნენ ყველას

.
ფოტოებიც იქნება, მაგრამ ცოტა მოგვიანებით

.

Naia
რა ყოჩაღი ხარ?

ძალიან კარგი ფოტოებია :*

Tamari-ch.
შეავსებს. ხომ თქვა, მერე ჩავამატებ ლაშქრობის დეტალებსო

lama
ლამა მერე მაგ ოფტოპიკებს, არ ჯობდა თემა გაგეხსნა ან უთემო მოგზაურობის ფოტოების თემაში დაგედო შემოდგომის თუშეთის ფოტოები?

ჩვენც რომ გაგვიზიარო შენი აღფრთოვანება ნანახით?

აი ამას ვგულისხმობ:

http://www.karavi.ge/viewtopic.php?t=22 ... sc&start=0

Naia · Post by **Naia** » 04 ოქტ 2010, 15:38

დაღმართი სწრაფად ჩამოვირბინეთ. ფარავნის თავზე მყოფი ღრუბელი ნელ-ნელა ჩვენსკენ მოიწევდა. ვჩქარობდით, წვიმის შემთხვევაში გზები ატალახდებოდა და აბულზე ასვლა გაჭირდებოდა. თან უკვე შუადღეს გადაცილებული იყო. ამ ღრუბლებისა და დროის გამო კინაღამ გადავიფიქრეთ აბულზე ასვლა.

მანქანებში ჩავსხედით და სოფლის მიმართულებით წავედით. ვასოს ეკიპაჟს ძალიან დაბალი მანქანა ჰყავდა და ნელა მოძრაობდნენ. არ ვიცი ამის გამო იყო თუ რა, გადაწყვიტეს ამ გასვლას გამოთიშოდნენ და ვარძია მოენახულებინათ.

სოფელში რომ შევედით უკვე წვიმას იწყებდა. ახლა ნაგლის ეკიპაჟმა გადაწყვიტა დარჩენა. ვურჩიეთ ასპინძაში ჩასვლამდე ხანჩალის ტბა მოენახულებინათ. ასეც მოიქცნენ და მოგვიანებით, საღამოს სასტუმროში შემოგვიერთდნენ.

10-დან 8 მანქანა დავრჩით. გავაგრძელეთ მოძრაობა. წვიმას უკვე მოესწრო გზების ატალახება. ამიტომ ფრთხილად გადავაადგილდებოდით. ალაგ-ალაგ ტალახში მანქანები გვიცურდა. გზაზე მრავლად გვხვდებოდა ბალახებში შემალული ლოდები. სწორედ ასეთ ქვებზე გადავლისას გახეთქა ეჰ-დათოს მეგობარმა საბურავი და შემდეგ კი ზეთის კოლოფი. ამ დროს უკვე მცირე აბულის მთის ფერდზე ვიყავით. სამწუხაროდ, მათ აბულის ციხის სანახავად ამოსვლა ვეღარ შეძლეს.

qvevri · Post by **qvevri** » 04 ოქტ 2010, 15:39

დიდებული გასვლა გქონიათ, ვწუხვარ, რომ ვერ წამოვედი

Mta Mkvarebia · Post by **Mta Mkvarebia** » 04 ოქტ 2010, 15:49

Naia wrote:
..ასეთი ფოტო გოგამ და მაკენამ შარშან თუ შარშანწინ გადაიღეს. თუ ვიპოვე ორიგინალი დავდებ

მაგ "ყვავილების" მოძღვნის და სხვა ვიდეოებსაც ავტვირთავ იუტუბზე და დავდებ ბმულებს.

Naia · Post by **Naia** » 04 ოქტ 2010, 15:49

Mta Mkvarebia
დიდი მადლობა, ლიკუ :*

გავაგრძელებ თხრობას.

რაც უფრო ვუახლოვდებოდით მიზანს მით უფრო რთულდებოდა ამინდი. უკვე საკმაოდ მოიმატა წვიმამ და გზები კიდევ უფრო ატალახდა. ალაგ-ალაგ ელავდა. შავი ღრუბელი საკმაოდ დაბლა იყო ჩამოწეული და მეხის საშიშროება იყო. ამის გამო, კიდევ 1-მა ეკიპაჟმა გადაწტვიტა გაჩერება და უკან მობრუნება (საბედნიეროდ, მათ მალე გადაიფიქრეს და გზა განაგრძეს).

მეხმა და საავდრო ღრუბლებმა მეც შემაფიქრა. ჩემს ეკიპაჟს დავეკითხე და ყველამ ერთხმად გადავწყვიტეთ გზა გაგვეგრძელებინა. თან უკვე ასე ახლოს ვიყავით მიზანთან...

როგორც იქნა ავედით მთის წვერზე და გავჩერდით. გარეთ უკვე სეტყვა მოდიოდა. საწვიმრები გადავიცვით და ფეხით გავაგრძელეთ გზა. რაღაც 3-4 მეტრში ჩვენს წინ სულისშემკვრელი სანახაობა გადაიშალა:

შავი, საავდრო ღრუბლები დაბლა და სულ ახლოს იყო. შორს კი ღრუბელი გარღვეულიყო და იქიდან გამოჭრილი მზის სხივები მთის წვერებს ანათებდნენ. ქვემოდან ნისლი ამოდიოდა და ქვემოთ მდგომ აბულის ციხეს ნელ-ნელა ეხვეოდა. ციხეს კი საოცრად იდუმალი და მიუწვდომელი იერი ჰქონდა.

სამწუხაროდ, წვიმისა და ნისლის გამო ფოტოზე არ ჩანს სრულად ის სილამაზე რაც ჩვენ ვნახეთ.

აბულის ციხემდე ალბათ 500 მეტრი გვაშორებდა. მაგრამ გზა ლოდებით იყო მოფენილი და ციხეზე ასვლა-ჩამოსვლა დიდ დროს წაიღებდა. თან უკვე მზე ჩადიოდა და ჩვენ კი დაბნელებამდე გვინდოდა გავსულიყავით ამ უკაცრიელი ადგილიდან. ამიტომ იძულებული გავხდით ციხეზე ასვლა მომავლისთვის გადაგვედო და მანქანებისკენ გავემართეთ.

თუმცა, აბულის ციხემ ისე მომხიბლა მე პირადად, რომ აუცილებლად გადავწყვიტე აქ დარბუნება და ციხეზე ასვლა

Naia · Post by **Naia** » 04 ოქტ 2010, 16:12

სანამ ჩვენ მანქანებთან მივედით, ნისლმა აბულის ციხე სანახევროდ დამალა...

აბულზე თუ წვიმდა, ჩვენს ზურგს უკან ცა გახსნილიყო და ჩამავალ მზეს ღრუბლები წითლად შეეფერა.

ჯაბა ფიცხელაური თავისი რკინის რაშით ჩამავალი მზის ფონზე

ქვემოთ რომ ტბა ჩანს, სავარაუდოდ, პასქიას ტბა უნდა იყოს.

Naia · Post by **Naia** » 04 ოქტ 2010, 16:45

მთიდან ნელ-ნელა დავეშვით. გზად რამდენიმე ინციდენტი შეგვემთხვა, მაგრამ მადლობა ღმერთს, ყველაფერი მშვიდობით დამთავრდა. რომ გავივაკეთ, მაკენამ ეჰ-დათოს მეგობრის მანქანა ბაგირით ჩაიბა და კიდევ 1 აღმართს შევუდექით.

გორა გადავიარეთ და შორს, სიბნელეში განათებულ სახლებს რომ მოვკარით თვალი შვებით ამოვისუნთქეთ

დაახლოებით 1 სთ-ში უკვე ასპინძაში ჩავედით, სადაც ღამის გათევას ვაპირებდით.

ახალქალაქთან ახლოს გავჩერდით და ეჰ-დათოს მანქანა შესაკეთებლად დავტოვეთ. მძღოლებისა და ეკიპაჟების ნაწილი მათ დაელოდა. მეორე ნაწილი კი ასპინძისკენ წამოვედით. ჯაბას და მონადირის ეკიპაჟები კარვებში აპირებდნენ ღამის გათენებას და გვინდოდა დროულად ჩავსულიყავით, რომ საკარვე ადგილების მოძებნა მოგვესწრო.

აპინძაში 2 სასტუმროში გავნაწილდით. ყველას გული გვეთანაღრებოდა ასე ცალ-ცალკე რომ ვჩერდებოდით. თან დავიშალეთ თუ არა, მაშინვე კოკისპირულმა წვიმამ დასცხო. ძალიან ვნერვიულობდით მათზე, ვინც კარავში აპირებდა ღამის თევას. გოგა ჩვენი სასტუმროს მეპატრონეს დაელაპარაკა, რომელიც არაჩვეულებრივი ადამიანი აღმოჩნდა, გულთან ახლოს მიიტანა ჩვენი ამბავი და ნება დაგვრთო, რომ დანარჩენებსაც მის სასტუმროში, საძილეებში გაეთიათ ღამე. გარდა გულისხმიერებისა, მეპატრონე ძალიან კარგი მასპინძელიც აღმოჩნდა. მის საკონტაქტო ინფორმაციას მოგვიანებით დადებს მთაშენკა სასტუმროების თემაში.

დილით კი ჩვენი დიასახლისი უგემრიელესი და ძალიან მრავალფეროვანი საუზმით გაგვიმასპინძლდა. ყველამ ერთად ვისაუზმეთ, ავალაგეთ, ჩავბარგდით, მასპინძელს დავემშვიდობეთ და მაკენას და დონის ეკიპაჟებს შევუერთდით.

Naia · Post by **Naia** » 04 ოქტ 2010, 17:07

მეორე დღის მარშრუტი კოთელიის ეკლესიით დავიწყეთ.

ეკლესია შუა საუკუნეებისაა. ვიკიპედიაში წერია, რომ სამხრეთ ფასადზე მხედრული წარწერაა, სადაც ეკლესიის აღმშენებელი ქიშვად ავალიშვილი და მისი თანამეცხედრე მეფის ასული თამარია მოხსენებული. სამწუხაროდ, ეს წარწერა მე ვერ ვიპოვე. თუ ვინმემ იპოვა და გადაიღო იქნებ დადოს

.

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS