სამოჭალა-საორბისი 17-19.04.2009

ჩიტუციო

მაშ ასე, სამოჭალადან კვლავ სოფელში დავბრუნდით, სადღაც საათნახევარი ასვლას დაჭირდა და 1 საათი ჩამოსვლას.

სოფლიდან იკვისკენ მიმავალ ულამაზეს გზას დავადექით. ხეები არაა ჯერ შეფოთლილი, ისევ ყავისფერია არე-მარე და აქა იქ მწვანე ნაძვის ხეებია ამოზრდილი. აი ასეთ ფერებში გახვეული დაგვხვდა იკვის ეკლესია.

ჩიტუციო

იკვის წმინდა გიორგის ეკლესია XI საუკუნის I ნახევრით თარიღდება. ტაძართან ახლოს მდინარე შაბწყალა ჩამოდის. ტაძარზე არსებული წარწერის თანახმად ეკლესიის ქტიტორია მამამთავარი არსენი. აი ეს წარწერაც.

დასავლეთი შესასვლელის ულამაზესი ტიმპანი.

ტაძარი ჯვარგუმბათოვანი ტიპის ნაგებობაა. გუმბათის ყელი, სარკმლები და კარები უხვადაა შემკული რელიეფებით.

ჩიტუციო

ეკლესია მოხატულია, მხატვრობაც XI საუკუნით თარიღდება.

სამწუხაროდ მოხატულობა დაზიანებულია.

მთელ ჩრდილოეთი მკლავი დათმობილი აქვს სცენებს წმინდა გიორგის ცხოვრებიდან, წამების სცენები და სასწაულებია გამოსახული.

ჩიტუციო

ეს კი დასავლეთი მკლავის მოხატულობა, რომელიც თავისი ფერადოვნებითა და შესრულების მანერით განსხვავდება ძირითადი სივრცის მოხატულობისაგან.

ამ მკლავის კოლორიტში ჭარბობს მომწვანო-ზურმუხტისფერი.

ესეც იკვის კლდეების ფერადოვნება

სულ არ გვაგონებს იკვის მოხატულობის ფერადოვნებას

ჩიტუციო

იკვთან დაკავშირებით კიდევ ერთი რამის დაწერა მინდა. ამ მხატვრობაში აღსანიშნავია ის, რომ რამდენიმე სცენა გუმბათის ყელშია ატანილი: ფერისცვალება, ჯვარცმა, გარდამოხსნა და დატირება.

ჯვარცმა:

ფერისცვალება:

იკვის ეკლესიის მონახულების მერე, ზემოთ მთაზე ავედით და ხეობას ზემოდან დავხედეთ.... მზეზე ვთებობით და ვტკბებოდით არე-მარეთი. ვინც არ ხართ მანდ ნამყოფი გირჩევთ ასვლას, ულამაზესი ხედებია.

აი ალექსას ვკითხავ... ხო ეგრეა ალექს?

კიო ეგრეაო

GAMARJOBA SAKARTVELO

ჩიტუციო
შენ და ქსოვრელს ყოჩაღ.
ოქროები ხართ.
კგ 2განიზატორიც ყოფილხარ.
სხვა შენს ადგილას ყურებს ჩამოყრიდა 1 თანამგზავრით არ წავიდოდა.
ეს გეზი მეტ-ნაკლებად ვიცი და ისიც ვიცი, რომ ძნ ლამაზია.
უბრალოდ, სალაშქროდ, ცოტა ადრე იყო.
2 თვეში იქაურობა ბუნებისგან დახატული იქნება და მგლების საფრთხეც არ იქნებოდა

KSOVRELI · Post by **KSOVRELI** » 24 აპრ 2009, 10:10

GAMARJOBA SAKARTVELO wrote:ჩიტუციო
სხვა შენს ადგილას ყურებს ჩამოყრიდა 1 თანამგზავრით არ წავიდოდა.

ახლაც "მწარედ" მახსოვს: ზემო რაჭაში იმიტომ არ წავედით, რომ 5 კაცზე მეტი ვერ შეგროვდა

......................................................................................................

Tamari-ch. · Post by **Tamari-ch.** » 25 აპრ 2009, 18:48

რა დარჩა მანდედ სანახავი?

perwkli · Post by **perwkli** » 25 აპრ 2009, 21:49

ჩიტუციო, ის გახსოვს ნუნისში ვიღაც მოზრდილმა მამრმა ჩანთა რომ გამოგართვა და ძლივს ათრია 100-ოდე მეტრი არც კი?

ამ დროს შენ რამდენი ხანი ძალიან დინჯად მოგქონდა

მაგარი ხარ

ტოესწ მაგრები ხართ

lama · Post by **lama** » 25 აპრ 2009, 23:35

სამოჭალა თუ სამაჭალო?

Wanderer · Post by **Wanderer** » 26 აპრ 2009, 00:33

lama

სამოჭალა თუ სამაჭალო?

მგონი სწორია სამოჭალო. თუ არ ვცდები ექვთიმემ ასე მითხრა. გადასამოწმებელია მაინც.

Bivrili · Post by **Bivrili** » 26 აპრ 2009, 01:05

მემრე, მემრე

გააგრძელე რა....

ჩიტუციო

maikomaiko

ჩიტუციო, ის გახსოვს ნუნისში ვიღაც მოზრდილმა მამრმა ჩანთა რომ გამოგართვა და ძლივს ათრია 100-ოდე მეტრი არც კი?
ამ დროს შენ რამდენი ხანი ძალიან დინჯად მოგქონდა

რატომღაც ეგონა რო მჩატე იქნებოდა იმხელა ზურგჩანთა და იმიტო შემომთავაზა მოგეხმარებიო, თორე ხელში რო აიღო დარწმუნებული ვარ ეგრევე ინანა

lama

სამოჭალა თუ სამაჭალო?

სამოჭალოდაა მოხსენიებული კულტურის ძეგლთა აღწერილობაში, ხოლო მაკალათიასთან სამაჭალოდ.

Tamari-ch.

რა დარჩა მანდედ სანახავი?

რკონში ვერ ვნახეთ სვეტი და რკონის ციხე, ამინდის გამო... მარა ისე მე და ალექსას ორივე ძეგლი ნანახი გვქონდა. წითელწყაროში ჭიანთის ეკლესია (რომელიც საკმაოდაა მოშორებული წითელწყაროს) და მთადეკეულის წმინდა გიორგი. ხოვლეში და მის მიდამოებში არსებული ეკლესიები დაგვრჩა კიდე უნახავი.

Bivrili
გავაგრძელებ აუცილებლად

ჩიტუციო

იკვის ბუნებით ტკბობის მერე დავბრუნდით სოფელში, ავირეთ ჩვენი ზურგჩანთები და წავედით რკონისკენ. საშინლად გვშიოდა, მე პირადად დაღლილიც ვიყავი საკმაოდ და გადავყწვიტეთ სვეტი და რკონის ციხე მეორე დღეს გვენახა. პირველ დღეს რკონში დავბანაკდით, გავშალეთ კარავი, დავანთეთ ცეცხლი... მოგვიანებით ცას ავხედეთ და ვარსკვლავებით იყო მოჭედილი.

ჩიტუციო

რკონის სამონასტრო კომპლექსი საუკუნეების მანძილზე იქმნებოდა და მრავალჯერ გადაკეთდა. ძირითადად გაირჩევა მშენებლობის სამი ფენა: VII ს-ის II ნახ.; XIII-XIV სს.; XVII-XVIII სს. კომპლექსში შედის:

1. ღვთისმშობლის ეკლესია -VII ს-ის II მეოთხედი, რომელსაც XIII ს-ის II ნახევარში კარიბჭე მიაშენეს. ესაა სამნავიანი ბაზილიკა, რომელიც მოგვიანებით მოხატეს. ეკლესიის ფასადები გადაკეთებულია. მოხატულობაც არაა მხოლოდ ერთი პერიოდის; არის X ს-ის, XII ს-ის, XVII ს-ის მოხატულობათა ფრაგმენტები. აი ამ სურათზე ჩანს თავდაპირველი ფენის ნაშთები - კარნიზის ფრაგმენტები ნალისებრი თაღებით.

ეს კიდე აღმოსავლეთ ფასადის ერთ-ერთი ნიშის კონქის მორთულობა, დაფერილი მოწითალო ზოლებით.

2. პატარა სამლოცველო, ღვთისმშობლის ეკლესიაზე დამხრეთიდანაა მიშენებული. ესეც დაახლოებით XIII საუკუნის II ნახევრით თარიღდება. მოხატულობა XIII-XIV საუკუნეებს მიეკუთვნება.

3. ნათლისმცემლის ეკლესია - XIII-XIV საუკუნეების მიჯნა. დგას მთავარი ტაძრის სამხრეთით, იქვე.

4. სამრეკლო აგებული XVII-XVIII სს-ში.

5. სატრაპეზო - XIII-XIV სს-ის ნიჯნა. აი ამ სურათში ჩანს სატრაპეზო

6. აქვეა სხვადასხვა პერიოდის ბერთა სენაკები და სხვა საყოფაცხოვრებო დანიშნულების ნაგებობების ნაშთები.

რკონში წამსვლელებმა გაითვალისწინეთ რომ ეკლესიები დაკეტილია და სოფელში ითხოვეთ გასაღები.

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS