რუის-ურბნისი-ბრეთი-დირბი-უბისა-ბაგრატი-მოწამეთა-გელათი

GAMARJOBA SAKARTVELO

მოწამეთა

მოწამეთაში

Mta Mkvarebia · Post by **Mta Mkvarebia** » 17 ივნ 2008, 15:45

ესეც რუისის დედათა მონასტერი

დედათა სამყოფელი

რუისში სულთმოფენობის დღესასწაულის წირვა-ლოცვა ჯერ კიდევ არ იყო დასრულებული, ხალხი ბალახებისა და ყვავილების ხალიჩაზე დაჩოქილი ლოცულობდა. ლამაზი სანახაობა იყო. იქვე შევიძინე მიდგომილი (ფეხმძიმე) ღვთისმშობლის ხატი, რომელიც დირბის ეკლესიის ფრესკის მიხედვითაა დახატული. დირბი ერთადერთი ტაძარია, სადაც ფეხმძიმე ღვთისმშობელია გამოსახული. ეს ამბავი რომ მოვუყევი ჩვენებს, დაინტერესდნენ და გადავწყვიტეთ როდესმე მოგვენახულებინა ეს ტაძარი. მაგრამ ბედი თურმე სიურპრიზს გვიმზადებდა...

Mta Mkvarebia · Post by **Mta Mkvarebia** » 17 ივნ 2008, 16:14

რუისიდან რომ გავაგრძელეთ გზა. გოგამ გზიდან ერთერთი ტაძარი დაინახა, გამვლელებს ჰკითხა, რომელი ეკლესიააო, რომ უპასუხეს "ბრეთიო" გადავწყვიტეთ, იქაც შეგვევლო და პიროს ბრეთელის საფლავიც მოგველოცა. იქვე პატარა კურიოზული დიალოგიც გაიმართა. ბრეთი რომ გავიგე, გამიხარდა: "ეს ერთერთი A12 მამათაგანის მიერ დაარსებული ეკლესიაა მეთქი წამომცდა (ათცამეტ ასურელი მამის ნაცვლად)", დაიხოცნენ სიცილით და დამცინეს. მოკლედ, ჩვენი A12 წმინდანად შევრაცხე უცებ

ახლა რომ ვუფიქრდები, გზიდან ბრეთი არაფრით გამოჩნდებოდა, მასზე ახლოს სოლოღაშენის ეკლესიაა, რომელიც ბრეთს ჩამოგავს, ალბათ ის დავინახეთ. მაგრამ მის სანახავად შეიძლება არც გავჩერებულიყავით. მოკლედ ესეც ღვთის ნება იყო, რომ იმ ბიჭმა სოლოღაშენის ნაცვლად ბრეთი გვიპასუხა.

მივდივართ მაგრამ ეკლესიასთან ვერ მივაღწიეთ. გავცდით სოლოღაშენს, მარცხენა მხარეს გორაკზე აგებულ წვერის სამებას, მარჯვენა მხარეს სხვა გორაკზე აგებულ წმ. გიორგის ეკლესიას. მერე გზა ორად გაიყო, ორივე ჩასახვევში ეკლესიის გამოსახულებიანი აბრა დგას, როგორსაც ძეგლთა დაცვის სამინისტრო დგამს ხოლმე. ბოლოს გადავწყვიტეთ, პირდაპირ წავსულიყავით და მალე შეგვხვდა გზის მაჩვენებელი შემდეგი ტექსტით "დირბის დედათა მონასტერი". ისე გაგვიხარდა! მაშინვე ჩავთვალეთ, რომ ღმერთმა მიგვიყვანა იმ ადგილას

. ერთი კი ვთქვი, "როგორც მახსოვს, აქ ცხინვალის საზღვარი უნდა იყოს ახლოსთქო" (დირბის თემა ადრე მაკენას ჰქონდა გახსნილი და იქიდან მახსოვდა), რომ როუმინგში ჩართულმა მობილურებმა რუსეთის ქსელები დაიჭირა. მასპინძლებმა გულთბილად მიგვიღეს. წინამძღვარმა, რომელიც მარწყვს კრეფდა ლამაზად გაშენებული გაზონებიდან, გვკითხა, "როგორ მოგვაგენით, ეს მონასტერი ბევრმა არ იცის და სტუმრებიც იშვიათად გვსტუმრობენო". საერთოდ მონასტერს ფინანსურად ძლიერი მეცენატის კვალი ემჩნეოდა. ისე კოხტად იყო ფილები დაგებული, შუაში ყვავილნარებით, ახლადაშენებელი დედათა სადგომი. როგორც მერე გავიგე, თურმე ივანიშვილი მფარველობს.

მონასტრის ტერიტორიაზე მარანიც ყოფილა, სადაც ძველი, დამღიანი ქვევრები დღესაც არის შემონახული (ერთერთი დამღა - 8-იანი ადვილად გავარჩიეთ.
ესეც მარანი

Mta Mkvarebia · Post by **Mta Mkvarebia** » 17 ივნ 2008, 17:08

ცნობები დირბის ტაძრის შესახებ:

დირბის ღმრთისმშობლის მიძინების მონასტერი შიდა ქართლში (ქარელის რაიონში) მდინარე ფრონის ხეობაში მდებარეობს. მის შესახებ წერილობითი წყაროები მნიშვნელოვან ცნობებს შეიცავს, საიდანაც ვგებულობთ, რომ დღეს მთავარ გზებს მოცილებული თითქმის უცნობი სამონასტრო კომპლექსი იერუსალიმის ჯვრის მონასტრის მეტეოქე მონასტერი იყო და მრავალი ისტორიული მოვლენის მოწმე ყოფილა. იგი სოფელთან ერთად სვიმონ I-ს (1556-1600) შეუწირავს იერუსალიმის ჯვრის მონასტრისთვის. დირბის მონასტერი ასევე იერუსალიმის ჯვრის მონასტრის არქიმანდრიტის რეზიდენცია ყოფილა შიდა ქართლში. ამის შესახებ ვახუშტი ბაგრატიონი აღნიშნავს: "არს დირბს მონასტერი, სადა ზის არქიმანდრიტი იერუსალიმის ჯვრის მონასტრისაი, არამედ მეფენი ქართლისანი დასმენ ქარველთა და ყოველსა საქართველოსა შინა არს მამული მისი და ჰფლობს ესე და მოსავალს გზავნის ვერცხლად იერუსალიმში".
დირბის "ღმრთისმშობლის მიძინების ეკლესიას "კუბოსა ღმრთისმშობლისასაც უწოდებენ".
ეკლესიის აშენების თარიღად მიჩნეულია X საუკუნე. ჩანს, ტაძარს მრავალი სახეცვლილება განუცდია. იგი ერთნავიანი დარბაზული ტიპის ეკლესია ყოფილა. მოგვიანებით, ჩრდილოეთ მხარეს მიუშენებიათ ქვის ეკვდერი. ასეთივე აგურის მინაშენი გაუკეთებიათ სამხრეთ მხარსაც. ამჟამად ეკლესია სამნავიანი ბაზილიკის ტიპისაა. ტაძრის აშენების შესახებ იუწყება ქვის ფილა, რომელიც ეკლესიის ჩრდილო-აღმოსავლეთ კუთხეშია ჩატანებული. ფილაზე ასომთავრული წარწერაა რომელიც ასე იკითხება: "ამისა წმიდისა ადგილსა მადლითა მე გლახაკმან ოთანის ძემან ესე ეკლესია დავიწყე ლეონის მეფობისა, იოანეს ერისთავობასა, აბრაამის დეკანოზობასა ჩემდა ებრძანა, შენ დაიწყე. მე ხელი მომცა და ავაგე ამ ადგილისა სალოცავი"... აქ მოხსენიებული მეფე ლეონი, ლეონ III აფხაზთა მეფე უნდა იყოს.
ეკლესიის სამხრეთით ორსართულიოანი სამრეკლო დგას, გვიან ფეოდალურ ხანაში მე-XVII საუკუნეში ეკლესიის გადაკეთებისას აგებული. იგი კუბური ფორმის ნაგებობაა. I სართული სამხრეთით და ჩრდილოეთით ფართო, შეისრული თაღებითაა გახსნილი და ეზოში შესასვლელ კარიბჭეს წარმოადგენს.
ღმრთისმშობლის ტაძრის უკან დღემდე დგას დირბის ციხე, რომელსაც გალავანი უერთდება.
ტაძრის სამხრეთით შემონახულია მოზრდილი ნაფუძარი მარნისა, რომელიც რიყის ქვის ნახევრად მიწაში ჩაფლულ ნანგრევებს წარმოადგენს. შემორჩენილია დასავლეთ კედლის უკან ცენტრალურ ნაწილში მიდგმული კამარით გადახურული მცირე სათავსო ნიშებითა და ქვევრებით.
დირბის ღმრთისმშობლის მიძინების ეკლესიაში XX ს-ის 30-იან წლებამდე მოღვაწეობდნენ ბერძენი ბერები. ხოლო მათი განდევნის შემდეგ საბოლოოდ შეწყდა ღმრთისმსახურება, დაინგრა მათი სასახლე, ნალესით დაიფარა ტაძრის ცენტრალურ ნავში არსებული XIV საუკუნის უნიკალური ფრესკები, დაიკარგა ტაძარში არსებული ყველა ხატი და საეკლესიო ნივთი. ხოლო თვით ტაძარი დანგრევის პირას მივიდა.
მონასტრის ტერიტორიაზე ჩატარდა სარესტავრაციო და არქელოგიური სამუშაოები.
არქეოლოგიური გათხრების დროს აღმოჩენილი იქნა მრავალი სამარხი, წყალსადენი მილები, შენობათა ნაშთები, რომელიც მოწმობს მომცრო სამეურნეო ნაგებობათა არსებობას მონასტრის ტერიტორიაზე.
ტაძარსა და სამრეკლოს ჩაუტარდა რესტავრაცია. მოიხსნა ნალესი ფენა, რის შემდეგაც გამოჩნდა ძველი ფრესკები, მათ შორის არის ერთერთი უნიკალური ფრესკა "იოსების ყვედრება", სადაც ფაქიზი ოსტატობითაა გამოსახული გამორჩეული სითბოთი სავსე "მიდგომილი" (ფეხმძიმე) ღმრისმშობელი.

აი ეს ფრესკაც

მიდგომილი ღმრთისმშობლის ზემოთ გამოსახულია ღმრთისმშობლის დედის წმ. ანას ხარების სცენა, მის გვერდიტ კი ღმრთისმშობლის მამის იოაკიმის ფრესკა ჩანს.

აი სხვა ფრესკებიც:

წმ. გიორგი

Mta Mkvarebia · Post by **Mta Mkvarebia** » 17 ივნ 2008, 17:32

როგორც უკვე ვთქვით, ტაძარი ღმრთისმშობლის მიძინების სახელობისაა, მაგრამ გარდა ღმრთისმშობლის მიძინებისა, იქ მეორე კანკელიც არის. როგორც მონასტრის წინამძღვარმა, დედა ნატალიამ გვითხრა, აშკარად შეიმჩნეოდა ეკლესიაში მეორე კანკელის არსებობის კვალი, მაგრამ არ იცოდნენ, რომელი წმინდანის სახელობის იყო. რუის-ურბნისის ეპარქიის მეუფე იობს გადაუწყვეტია, წმ. ბარბარეს სახელობის იქნებაო. როცა ხელოსანი მოუყვანიათ, რომელიც იმავე სოფელში ცხოვრობდა, მაშინვე უკითხავს ამ ადამიანს: "წმ. ბარბარეს კანკელს აკეთებთო?", დედა ნატალიას გაკვირვებულს უკითხავს: "საიდან იციო?", თურმე ამ ადგილას მართლაც წმ. ბარბარეს სახელობის კანკელი ყოფილა და ამ ხელოსანს თავის წინაპრებისგან გადმოცემით სცოდნია. - "დედას სულ აქ დავყავდით და წმ. ბარბარეს სახელზე სანთლებს ვანთებდითო"

აი ეს კანკელიც:

ეს კი მეორე

დედა ნატალიამ რომ გაიგო, პროფესიონალი ფოტოგრაფები ჰყავდა სტუმრად, ძალიან გაიხარა, "ღმერთმა გამომიგზავნა თქვენი თავიო", თურმე სულ უნდოდა ხატმწერ ირაკლი ცინცაძის მიერ ახლადდახატული ხატის - მიდგომილი ღმრთისმშობლისთვის ფოტოების გადაღება რეპროდუქციებისთვის, "მაგრამ აბა ამ უკაცრიელ ადგილას ფოტოგრაფს სად ვნახავდიო", გოგა და პაატა დაეხმარნენ, ხატს მინის ჩარჩო მოვხსენით და სურათები გადაუღეს. იმ წუთასვე მივხვდი, რატომ წამოგვიყვანა რაღაც ძალამ მაგ მხარეს, გზა რატომ აგვირია და დირბში რატომ მიგვიყვანა...

დედა ნატალია თავის მიერ დაკრეფილი მარწყვით გაგვიმასპინძლდა. მართალია ილიას არ მოეწონა სასუქით გაჯერებული ნაყოფი

, მაგრამ უგემრიელესი იყო.

მერე გალავნად შემორტყმული ციხის ნანგრევებთან მდებარე ნაეკლესიარისკენ მიგვასწავლა გზა და დაგვემშვიდობა.

ეკლესია დაკეტილი დაგვხვდა, ფანჯრიდან შევიხედეთ. სამწუხაროდ ხატების ნაცვლად წისქვილი დაგვხვდა შიგ. თურმე სომხებს მიუტაცნიათ და მერე სახეცვლილი დაუკეტავთ.

ხედი ამ ციხიდან დირბის მონასტერზე

Tabo · Post by **Tabo** » 17 ივნ 2008, 17:42

GAMARJOBA SAKARTVELO
ვა მოწამეთაშიც იყავით მანდ ყოველ ზაფხულს გავდივართ ძაან ხშირად თან 1 საათში ავდივართ საფიჩხიიდან ფეხით სამწვადე რამე ძაან მაგარი წყალწითელას ხეობა და რავი ულამაზესი ბუნებაა

Mta Mkvarebia · Post by **Mta Mkvarebia** » 17 ივნ 2008, 17:47

Tabo wrote:GAMARJOBA SAKARTVELO
ვა მოწამეთაშიც იყავით მანდ ყოველ ზაფხულს გავდივართ ძაან ხშირად თან 1 საათში ავდივართ საფიჩხიიდან ფეხით სამწვადე რამე ძაან მაგარი წყალწითელას ხეობა და რავი ულამაზესი ბუნებაა

ნამდვილად ულამაზესია, მაგრამ ნაგვით სავსე, ეტყობა ქეიფის შემდეგ დასუფთავებაზე არავინ ზრუნავს

გული დაგვეწვა, ისეთ მდგომარეობაში იყო მიმდებარე ტერიტორია.

Tabo · Post by **Tabo** » 17 ივნ 2008, 17:49

Mta Mkvarebia
ხო ეგ მართალია მართლა ძაან დანაგვიანებულია მაქაურობა მომვლელი არ ყავს და ეგაა რა

მოწამეთობას მთელი ქუთაისი მანდაა ხოლმე

Tamari-ch. · Post by **Tamari-ch.** » 17 ივნ 2008, 18:04

ეს რუისი არაა....

აი რუისი -
ულამაზესია....

Mta Mkvarebia · Post by **Mta Mkvarebia** » 17 ივნ 2008, 21:28

შემდეგი გაჩერება ბრეთში, სადაც ერტერთი ასურელი მამის პიროს ბრეთელის საფლავია. საფლავი ძველ, ამავე წმინდანის სახელობის ტაძარში მდებარეობს, გვიან პერიოდში კი მას მიშენებული აქვს წმ. გიორგის სახელობის ტაძარი.

ეკლესია ახალი მოხატულია. მართალია ფრესკები ძველი არ არის მაგრამ მაინც ლამაზია

Mta Mkvarebia · Post by **Mta Mkvarebia** » 17 ივნ 2008, 21:52

პიროს ბრეთელის საფლავთან

წმინდანის ხატი

მოგეხსენებათ, 15-ში სულთმოფენობა იყო. ყველა ტაძარი ლამაზად იყო შემკული, მაგრამ ბრეთმა ამ მხრივ გაგვაოცა. ორივე ტაძარში სხვადასხვა ფერის ვარდებისა და სხვა ყვავილების ფურცლები ამბიონზე ცისარტყელას ფერებად იყო დალაგებული, ხატები ვარდებით შემკული... ძალიან სასიამოვნო სანახავი იყო ეს ყველაფერი.

pataputina · Post by **pataputina** » 17 ივნ 2008, 21:55

ვუი...
არადა მეც ზუსტად 14- 15ში ვიყავი რუისში...............

ilia · Post by **ilia** » 17 ივნ 2008, 21:56

ბრეთი

ilia · Post by **ilia** » 17 ივნ 2008, 22:00

ბრეთის ეკლესიის კარი

ilia · Post by **ilia** » 17 ივნ 2008, 22:03

ბრეთის ეკლესიის ეზოში სხვა კადრებიც გადავიღე

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS