იქ, სადაც ალაზანი ბობოქრობს თავნება; თუშეთი-2007

Eh_Dato · Post by **Eh_Dato** » 11 აგვ 2007, 14:53

დაბინავებით დავბინავდით ძველ ომალოში, კესელოს კოშკების პირდაპირ.
აქ აღმოვაჩინეთ, რომ ექსპედიციის ზოგიერთ წევრს (გვარს არ დავასახელებ)

ფრიად და ფრიად უცნაური ნივთები წამოეღო.

P.S. გამოვტყდები და ამ სკამში ზოგჯერ მეც ვჯდებოდი ხოლმე უჩუმრად.

Eh_Dato · Post by **Eh_Dato** » 11 აგვ 2007, 14:55

დაღლილები კი ვიკავით. თან უკვე ბინდდებოდა.
მაგრამ კესალოს კოშკებზე მაინც ავედით, საიდანაც ასეთი ხედი ჩანდა.

იქიდან ჩამოსულებმა მსუბუქად ვივახშმეთ და დავიძინეთ.
რა ვიცოდით თუ მეორე დღე ასეთი გათენდებოდა.

guruli · Post by **guruli** » 11 აგვ 2007, 16:43

თუშეთში წამსვლელებისთვის ერთ განმარტებას გავაკეთებ გზასთან დაკავშირებით. ნუ, თელავში ჩადიხართ ყველა ვარიანტში - ვერანაირად ვერ გადაახტებით, მაგრამ იქიდან ქვემო ალვანში მიდიხართ არა ახმეტის, არამედ ალავერდის გზით - ასე უფრო მოკლეა. ალაზანზე ხიდს გადახვალთ და სწორი ქუჩით შედიხართ ალვანში, რომელიც პირდაპირ სოფლის ცენტრში გაგიყვანთ. იქ უხვევთ მარჯვნივ და მიდიხართ ლალისყურში, რომელსაც მოსდევს სოფელი ფშაველი. აი, მაგ ფშაველში უნდა იკითხოთ ლეჩურის გადასახვევი, თორემ ჩვენსავით თუ შეგეშალათ, გავაზის ველზე გაისეირნებთ.

ფშაველიდან ლეჩურამდე 7 კილომეტრია და ეგაა ომალოს გზაზე ბოლო სოფელი.

Eh_Dato · Post by **Eh_Dato** » 11 აგვ 2007, 17:43

მეორე დღე

დავბანაკდით ძველ ომალოში, კესალოს კოშკები თავზე დაგვყურებდა.
ღამე დაგვაწვიმა.
დიდხანს არ მოდიოდა, მაგრამ თავსხმა იყო.
მე რამდენჯერმე გამეღვიძა და 3 საათზე კარვიდანაც გამოვძვერი, მაგრამ ისეთი ნისლი იყო, გვერდით მდგომი კარვებიც კი კი არ ჩანდა, თუმცა მთვარე კაშკაშებდა და ნათელი იდგა.
ამ დღიდან ჩემი ორგანიზმი გადავიდა ბუნებრივი ძილ-ღვიძილის მდგომარეობაში - 6 საათზე უკვე გამოვძვერით კარვიდან და მახლობელ სერზე ავედით.
გარშემო ნისლები დადიოდა და პეიზაჟი ყოველწუთს იცვლებოდა.

დაახლოებით 9 საათზე ნისლი გაიფანტა და კესალოს კოშკებიც ასე გამოჩნდა.

paata_ · Post by **paata_** » 11 აგვ 2007, 17:55

აუ რა სილამაზეა

bellge · Post by **bellge** » 11 აგვ 2007, 19:00

სიტყვები არ მყოფნოს.....

doroTea · Post by **doroTea** » 11 აგვ 2007, 21:53

ულამაზესი ხედებია...
კესალოს კოშკები და მისი მიდამოები ზღაპარია

ნატალიააა! გმირი გოგო ხარ, რომ წახვედი!!!

გურულო, მადლობა მოგზაურობის დეტალური აღწერისთვის

natalia · Post by **natalia** » 11 აგვ 2007, 22:10

doroTea
ეს ადმინის საჩუქარია რომ მე იქ მოვხვდი.

tama · Post by **tama** » 11 აგვ 2007, 22:17

ზღაპარი ადგილებია.
კეთილი შურით მშურს

Mrs. Robinson · Post by **Mrs. Robinson** » 11 აგვ 2007, 23:00

თუშეთი - ოცნება!!!
ულამაზესია!!!

Eh_Dato · Post by **Eh_Dato** » 13 აგვ 2007, 15:44

პირველი დღე დიკლო-შენაქოს მივუძღვენით.
შენაქო ომალოდან შორსა არაა, მაგრამ სამანქანო გზა ატრაქციონ "ამერიკული მთის" ნაირსახეობაა.
ჯერ ქვემოთ-ქვემოთ ჩადიხარ ხევში, მერე - ისევ ზემოთ ამოდიხარ.
ხევიდან ამოსულებმა რამდენიმე ტყიან ფერდობს შემოვუარეთ და შენაქოს ბოსლები გამოჩნდა. სიტყვა "ბოსლები" არანაირად არ შეეფერება იმ სილამაზეს, რაც ჩვენ დავინახეთ.

კიდევ 50 მეტრი და უკვე შენაქოც დავინახეთ.

Eh_Dato · Post by **Eh_Dato** » 13 აგვ 2007, 15:52

შენაქოშია ცნობილი ეკლესია, რომელსაც ახლახანს ჩაუტარდა რესტავრაცია.

Eh_Dato · Post by **Eh_Dato** » 13 აგვ 2007, 16:11

დიკლოში გვქონდა პირველი უშუალო ურთიერთობა თუშებთან და ის სითბო და მოწიწება სტუმრისადმი, რაც მაშინ ვიგრძენით, მთელი ჩვენი იქ ყიფნის მანძილზე არათუ გამინელდა, არამედ გაიზარდა და გაიზარდა.
სიტყვით არ უთქამთ, მაგრამ თავისი ულამაზესი სამშობლო ხომ უყვართ და ეამაყებათ. ისიც სიამოვნებთ, სტუმარი კაცი - განურჩევლად იმისა ქართველია თუ არაქართველი, ამოდენა მძიმე გზას რომ გამოივლის და მათთან ამოვა ამ მშვენების სანახავად.
რა თქმა უნდა, იქაც ხდება ხოლმე წვრილმანი უსიამოვნებები, მაგრამ ხაზგასმით ვიტყვი - თუში უმრავლეს შემთხვევაში არა თუშის, არამედ მართალის მხარეზე დადგება, ყოველთვის გამოჩნდებიან ქალები ან ხნიერი ხალხი, რომლებიც შუაში ჩადგებიან და მოსულს გაარიდებენ იქაურობას.
შეიძლება ვინმე შემედავოს - სვანებმაც და მოხევეებმაც იციან სტუმრისადმი დახვედრა, მაგრამ თავისებურად.
მე დავათანხმები.

ეს ფოტოები შენაქოში გადავიღე.

Eh_Dato · Post by **Eh_Dato** » 13 აგვ 2007, 16:14

ესეც შენაქოშია გადაღებული.

ეს კი დიკლოში.

Druides · Post by **Druides** » 13 აგვ 2007, 16:26

aba bicho colis gadamkide mag adgilebis naxva rodis shemedzleba

ara es ise xumrobit torem me da chemi colic kaco yovel sagamos karavze vart

))) mara mtlad yvelafers ver gadautargmni da ver mouyvebi am situacias

))))))))

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS