ქვახვრელი-უფლისციხე-ატენის სიონი-გორი 6.06.12

avtokh · Post by **avtokh** » 07 მაი 2012, 21:42

ეკატო wrote:
avtokh wrote:ატენის სიონი სრულად ხარაჩოებსი დაგვხვდა და სამწუხაროდ ის სილამაზე და ხიბლი რაც ამ ტაძარს აქვს ვერ შევიგრძენი სრულად. მე ისევ დავბრუნდები ატენში
რა ხანია ატენის სიონის ფრესკების ნახვა მინდა და რამდენჯერაც წავედი, სულ ხარაჩოებში მხვდება

იმედია მალე დამთავრდება რესტავრაცია და ვიხილავთ სრული სიმშვენიერით

Ketevan Guliashvili · Post by **Ketevan Guliashvili** » 07 მაი 2012, 21:55

ავთოხა და ეკატო, რა კარგი ფოტოებია!

გორი

ანააანო

Ismail wrote: გასვლის ნახევარი church.ge ყოფილხართ.

კიიიი
ამ ფოტოში ვართ სრული შემადგენლობა

avtokh · Post by **avtokh** » 07 მაი 2012, 22:58

Ketevan Guliashvili wrote: ესეც გორი,

ამ შადრევანს გორი ერქვა?

Ketevan Guliashvili · Post by **Ketevan Guliashvili** » 07 მაი 2012, 23:08

avtokh

ავთოხას შადრევანი ერქვას:)

tamuna_gudarexi · Post by **tamuna_gudarexi** » 08 მაი 2012, 12:32

აი, მეც მოვედი, ჩემი შთაბეჭდილებებით

მადლობის გადახდის გარეშე არ შემიძლია

:
ამ გასვლის ყველა მონაწილეს დიდი მადლობა შესანიშნავი დღისთვის.
განსაკუთრებით კი - ქეთევანს, რომ წამოიწყო ეს საქმე და კარგი ორგანიზებაც გასწია, ნიჭიერ ხატმწერ ეკატერინეს :* და უუუუდიდესი მადლობა ჩვენს დაუღალავ, მზრუნველ და ღირსეულ მესაჭეს, ჩვენი მეგობარი ზვიადის მამას!

ამინდში გაგვიმართლა - მზიანი დარი იყო დილიდან და გვაცალა ქვახვრელის და უფლისციხის მონახულება. ქვახვრელის ეკლესია ჩემთვის დიდი მოულოდნელობა იყო. ძალიან საინტერესო მიწისქვეშა ნაგებობაა და ლამაზ ადგილასაც მდებარეობს, როგორც ფოტოებიდანაც ჩანს.
ატენის ხეობაში ღირს ნამდვილად ცალკე ლაშქრობის მოწყობა. იქ წვიმა წამოგვეწია, ცოტა ხნით, მაგრამ ამან შემდეგ ჩვენს კოცონს ხიბლი შემატა.
ვახშმად უგემრიელესი მწუადი გვქონდა, იფ, იფ... და შოთას და ქეთევანის ქართული სიმღერა, აქა-იქ კონსტანტინეს ჰიპ-ჰოპ მოძახილებით

დღე წარმატებით შედგა!

გორში კიდევ ერთ ჩასვლას ველი, ქეთევანი რომ დაგეგმავს, წმინდა ანტონ მარტყოფელის ხატი ჩარჩოთიც რომ გამშვენდება...

მცირე ფოტორეპორტაჟს მალე გაახლებთ.
გამიხარდა, ჩემთვის უცნობი კარაველების და მათი მეგობრების გაცნობა.

იმედა, სასიამოვნო სიურპრიზი იყავიიი!

Ketevan Guliashvili · Post by **Ketevan Guliashvili** » 08 მაი 2012, 21:59

ჩუქურთმის მაძიებლები /ფოტოს ავტორი- ნანა ბალავაძე/

მწვადი გამოძახებით. ავთოხას შესრულებით /ფოტოს ავტორი -ნანა ბალავაძე/

Ketevan Guliashvili · Post by **Ketevan Guliashvili** » 08 მაი 2012, 22:02

tamuna_gudarexi

ახლა აქა -იქ ვიმღერთ. აი,ბანი რომ გვეყოლება მერე ოოო:D

მიხარია თუ კარგი დრო გაატარეთ, სასიამოვნო მოულოდნელობებით აღსავსე დღე იყო და უფლისციხემ ყველა მოლოდინს გადააჭარბა!

tamuna_gudarexi · Post by **tamuna_gudarexi** » 08 მაი 2012, 23:27

ნაცნობი ადგილები ჩვენი ფოტოკამერიდანაც:

ქვახვრელი

უფლისციხე

ჩვენი მომღერლები

აი, ასეთ კარგ ადგილას დავბანაკდით

Ketevan Guliashvili · Post by **Ketevan Guliashvili** » 09 მაი 2012, 18:33

დილით არა და შუადღეს შევიკრიბეთ, 12:30ზე ეკატოსთან ავედით და ხატი წამოვაბრძანეთ.

გზაში მიზეზთა სხვათა და სხვათა გამო გადაწყდა კასპით წავსულიყავით.

გუდვილის ნაცვლად ხორცის ყიდვა კასპის ბაზარში გადაწყდა. დიდი დრო არ დაგვჭირდა ქარელის ბაზარი პატარაა, ხორცი მეტად ხელსაყრელ ფასად შევიძინეთ და რუსეთ-საქართველოს ომის შემდეგ განახლებულ ასფალტიან გზას გავუდექით.

რამოდენიმე სოფელი, აკლდამა თუ გამოქვაბული, სოფელ მეტეხის ღვთისმშობლის მიძინების ტაძარი რომელიც XII-XIII საუკუნეებით თარიღდება.

ამავე სოფელში წმინდა თეოდორეს ეკლესია დგას.

საფლავის ქვა

Ketevan Guliashvili · Post by **Ketevan Guliashvili** » 09 მაი 2012, 19:22

უფლისციხისაკენ მიმავალ გზაზე ქვახვრელი გამოჩნდა. ავთოხას თხოვნით შევჩერდით, საბოლოო ჯამში ყველა კმაყოფილი დარჩა.

აქედან უფლისციხის ხედი იშლებოდა.

კონსილიუმი.

უფლისციხემ ყველა მოლოდინს გადააჭარბა.

აბა წარმოიდგინეთ...

ლურჯი ცა და ნაპირებიდან აქაფებული და აზვირთებული ტალღასავით წამოსული ღრუბელი. მოწითალო ეკლესია, გამოტვიფრული ოთახები, ხვრელები, რგოლები - რომლებიც ჩარჩოსავით აკრავს გარს ქვევით მწვანეზე მიმოფანტულ ნასახლარებს...

ადამიანის პროფილის მაგვარი ქვა /რომელიც მანამდე ფოტოზე მქონდა ნანახი/ აქაფებული ნაცრისპერი ღრუბელის ფონზე და კარაველთა ჭრელი ტანისამოსი...

გავიშალეთ ვინ სად. მერე ყველას მოგვშივდა

ისე მოგვშივდა, კინაღამ იქვე დავსხედით. მაგრამ ატენის სიონისაკენ გზა გავაგრძელეთ.

ვიწრო ხეობაში შევედით, შუაგულ შავ ღრუბელში მოვხვდით, წვიმა აბეზარად სცრიდა.

ატესნი სიონი ხარაჩოებში დაგვიხვდა, ეკატოს თქმით 5 წელია ასეა.

ფრესკები მომეწონა, მაგრამ გადაღება არ შეიძლებოდა. ასე რომ გარე ორნამენტების გადაღებით შემოვიფარგლეთ.

დიდხანს არ შევერებულვართ. ავუყევით მდინარე ატენს და მდელოს ძებნა დავიწყეთ, ზვიადმა დაგვირეკა და გვითხრა რომ 4 კილომეტრში მაგიდა და სკამია. იქამდე არ ავედით. ერთ მდელოსთან შევჩერდით, შეშა მოვაგროვეთ და ის გვეიმედებოდა, სანამ ცრის ეგება შეჭვა მოვასწროთ და მერე თUნდაც სამარშრუტოში მოგვიწიოს წახემსებაო.

წვიმამ კი გადაიღო.

თემოს წითელი ღვინო ძალინ მოუხდა მწვადს. ერთი ორი სიმღერა წავიღიღინეთ.

იქაურობა დავასუფთავეთ და წამოვედით გორისაკენ.

გორში ჩარჩოს ხელოსანი უკვე გველოდებოდა.

ნამუშევრები გვაჩვენა და ერთი ორნამენტი ისე მოგვეწონა, რომ მასზე შევჯერდით.

სულ ესაა. გორში შადრევანი და თეატრი ვნახეთ.

განათებულ გორის ციხეს შორიდან შევხედეთ.

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS