მოგზაურობა საირმიდან ზეკარის ხეობაში

Bernar · Post by **Bernar** » 18 მარ 2011, 19:14

Nika

კი ეგაა:

ამ რუკაზე სადაც წითელი ისარი მიუთითებს ისაა

Uploaded with ImageShack.us

ქერშავეთამდე ნაღდად მიდიოდა სამანქანო გზა და ჩანჩქერამდეც მიდიოდა მემგონი. გიორგის ვკითხავ და ემახსოვრება ალბათ

Bernar · Post by **Bernar** » 18 მარ 2011, 19:23

თავიდან ჩანჩქერზე ჩასასვლელს ვერ ვპოულობდით, რადგან ქვაბულის თავზე ვიდექით და ჩვენს წინ მხოლოდ შვეულ კედლებს ვხედავდით.

სანამ ჩასასვლელს მოვძებნიდით აქედან გადავიღეთ სურათები

Uploaded with ImageShack.us

Uploaded with ImageShack.us

როდესაც ქვაბულის თავიდან ჩასასვლელი ვერ მოვძებნეთ, შემდეგ ცოტა შორიდან მოვუარეთ და ერთ ადგილას ფერდობზე ოდნავ მოთელილი ბალახი შევნიშნეთ. მივყევით მოთელილ ბალახს და მდინარის ნაპირას ჩავედით!

სულ ცოტაც და უკვე ჩანჩქერის ძირში ვიყავით.

აი გადაღებული ფოტოები:

Uploaded with ImageShack.us

Uploaded with ImageShack.us

ეს კი ავტოგადაღება

Uploaded with ImageShack.us

Bernar · Post by **Bernar** » 18 მარ 2011, 19:34

სურათების გადაღებით რომ გული ვიჯერეთ ბანაობის დროც დადგა!

წყალი იმაზე თბილი აღმოჩნდა რასაც ველოდით. ძალიან გვასიამოვნა ბანაობამ და რაც მთავარია კარგა ხნით ფეხით მოსიარულეებს ერთიანად ჩამოგვხსნა მხრებიდან დაღლილობა!

ეს ჩანჩქერში ბანაობისას გადაღებული ვიდეოა

http://www.facebook.com/video/video.php ... 1235859151

ეს ფოტოები კი ბანაობის შემდეგ გადავიღეთ

Uploaded with ImageShack.us

Bernar · Post by **Bernar** » 18 მარ 2011, 19:40

უკან, გზაზე რომ ავბრუნდით კიდევ გადავიღეთ ფოტოები

ჩანჩქერის ღარი

Uploaded with ImageShack.us

Uploaded with ImageShack.us

და ბოლოს ჩანჩქერის პანორამა

Uploaded with ImageShack.us

აქვე ეს ორი ვიდეოც ნახეთ, რათა ჩანჩქერის სილამაზე უფრო სრულყოფილად აღიქვათ

ეს სანამ ქვემოთ ჩავიდოდით მანამდე გადავიღე

http://www.facebook.com/video/video.php ... 0906400184

ეს კი ბანაობის შემდეგ

http://www.facebook.com/video/video.php ... 2193066722

Bernar · Post by **Bernar** » 18 მარ 2011, 19:47

ფიზიკურად დასვენებულებმა და ემოციებით დაღლილებმა გზა განვაგრძეთ. კურორტ ზეკარამდე 9-10 კილომეტრი გვქონდა გასავლელი და ამიტომ ენერგიულად მივდიოდით. ქერშავეთის ჩანჩქერის მერე ზეკარის ხეობას და იქაურ ბუნებას აშკარად შეეტყო ცივილიზაციის და ზოგადად ადამიანის სიახლოვე. აქ უკვე სიველურე თითქმის აღარ იგრძნობოდა. არც იყო გასაკვირი: პატარა სოფლებთან ქერშავეთთან და ვენახჭალასთან უკვე ახლოს ვიყავით.

ეს გზაში გადაღებული ფოტოები

Uploaded with ImageShack.us

Uploaded with ImageShack.us

აი საიდან ჩამოვედით

Uploaded with ImageShack.us

Bernar · Post by **Bernar** » 18 მარ 2011, 19:52

არ ვიცი რამდენად მართალია, მაგრამ როგორც ზღნაჩვმა თქვა ეს პატარ-პატარა ხიდები ჯერ კიდევ რომაელების დროს არის აშენებულიო

Uploaded with ImageShack.us

Uploaded with ImageShack.us

ერთერთი მოსახვევი

Uploaded with ImageShack.us

Uploaded with ImageShack.us

ზეკრის მთები

Uploaded with ImageShack.us

Bernar · Post by **Bernar** » 18 მარ 2011, 20:00

აქ უკვე ახლოსა ვართ სოფელ ქერშავეთთან: ეს ზვინები მოწმობს ამას

Uploaded with ImageShack.us

სოფელ ქერშავეთში მუდმივად ამჟამად არავინ არ ცხოვრობს. ერთი სახლი დგას სადაც ხანდახან ამოდის ხოლმე მისი პატრონი. სოფელ ვენახჭალაში კი მოხუცი ცოლ-ქმარი ნატრიაშვილები ცხოვრობენ. რომ დაგვინახეს ძალიან გაეხარდათ და გამოგვკითხეს სადაურები ხართ და საიდან მოდიხართო. ჩვენც მოვახსენეთ ჩვენი ვინაობა და მარშრუტი რის შემდეგაც სახლში შეგვიპატიჟეს, თუმცა სამწუხაროდ არ შეგვეძლო მათი მიპატიჟების მიღება, რადგან უკვე საღამოვდებოდა და ზეკარში ვიყავით მისასვლელები. თბილად დავემშვიდობეთ ნატრიაშვილებს და განვაგრძეთ გზა.

Uploaded with ImageShack.us

Bernar · Post by **Bernar** » 18 მარ 2011, 20:12

ზეკარი პატარა კურორტია. სულ ერთი დიდი სახლი დგას, რომლის პირველ სართულზეც გოგირდის აბაზანებია, ხოლო მეორე სართულზე მოსასვენებელი და ღამის გასათევი ოთახები. ამ სახლის გვერდით ერთი პატარა სახლია კიდევ, რომელშიც ჩვენ გავჩერდით. აქ ბუხარიც იყო, შეშაც, უზარმაზარი მაგიდაც და ძელსკამიც. მეტი რა გვინდოდა!
ჩვენც როდესაც მოვეწყვეთ გოგირგის აბაზანებისაკენ გავემართეთ.
ექვსი (ორი დიდი და ოთხი პატარა) აუზიდან ამჟამად მხოლოდ ორია მოქმედი (ერთი დიდი და ერთიც პატარა). ჩვენ ჯერ პატარა აუზში ვიბანავეთ, ხოლო შემდეგ დიდში. ძალიან სასიამოვნო იყო მთელი დღის ნასიარულები ორგანიზმისათვის გოგირდის თბილ წყალში ბანაობა. კაი 2 საათი ვეყარეთ თბილ წყალში და მანამ არ ამოვედით სანამ ბოლომდე არ მოვითენთეთ. ასე მოთენთილებს კი მხოლოდ საძილე ტომარაში შეძრომა გვჭირდებოდა.

მთელი დღის ემოციებით და ფიზიკურად უზომოდ დაღლილებს ძალიან მალე და ღრმად ჩაგვეძინა.

Nika · Post by **Nika** » 19 მარ 2011, 10:27

გავზომე. საირმე-ზეკარის გზის გასაყარიდან ჩანჩქერამდე ზუსტად 15 კმ. და ჩანჩქერიდან ქერშავეთამდე 4.

Bernar · Post by **Bernar** » 19 მარ 2011, 14:08

ასე რომ თუ ზეკარის უღელტეხილზე ასე დილის 10 საათისათვის იქნებით, მაშინ ასე საღამოს 5-6 საათისათვის კი უნდა იყოთ ჩანჩქერამდე ჩასულები. თან ისე რომ გადარბენაზე არ იქნებით: ბუნებასაც კარგად დაათვალიერებთ და არც ძალიან არ დაიღლებით.

qvevri · Post by **qvevri** » 19 მარ 2011, 15:09

Bernar
გოგირდის აბაზანების სურათები

Bernar · Post by **Bernar** » 21 მარ 2011, 10:09

ეს ერთი სურათი გოგირდის აბაზანის. ეს დიდი აუზია

Uploaded with ImageShack.us

Bernar · Post by **Bernar** » 21 მარ 2011, 10:25

მომდევნო დღის გათენება ლაშქრობის დასასრულის დასაწყისს ნიშნავდა

ჩვენს ვგრძნობდით ამას და შეძლებისდაგვარად ვეგუებოდით. დღეს 16 კილომეტრი გვქონდა გასავლელი სოფელ წყალთაშუამდე, საიდანაც საირმიდან მომავალ სამარშრუტოს უნდა ჩავყოლოდით ბაღდათამდე.

წასვლამდე კიდევ ვიბანავეთ აბანოებში და ძალიანაც ვისიამოვნეთ.

ამ დღეს ფოტოები არ გადამიღია და ამიტომ ლაშას სურათებს შემოგთავაზებთ

ეს ის სახლია სადაც წინა ღამე გავათიეთ:

Uploaded with ImageShack.us

ასე ვიყავით მოწყობილები

Uploaded with ImageShack.us

კურორტი ზეკარი: ამ სახლის პირველ სართულზეა აბანოები

Uploaded with ImageShack.us

ზეკარიდან გასვლის მომენტი

Uploaded with ImageShack.us

ზეკარამდე ჩვეულებრივი მანქანითაც შეიძლება ამოსვლა. გზა ასფალტირებული არ არის, თუმცა ნორმალურ მდგომარეობაშია.

დღესაც ძალიან ცხელოდა და თან მტვრიანი გზა კიდევ უფრო გვხუთავდა. ერთი ეგაა, რომ წყალთაშუამდე საკმაოდ ხშირად გვხვდებოდა ცივი წყაროები რაც ცოტაოდენ შვებას გვგვრიდა. ვინ იცის რამდენჯერ მოგვინდა გვერდზე მომდინარე ხანისწყალში გაგრილება, მაგრამ ვერ ვიზამდით: საირმიდან მომავალი სამარშრუტოსათვის უნდა მიგვესწრო.

ჩვენმა მომდომებამ ნაყოფი გამოიღო და დანიშნულ დროზე წყალთაშუაში ვიყავით

ეს სოფელი წყალთაშუაა: საირმის და ხანის გზის გასაყოფი

Uploaded with ImageShack.us

ასე და ამგვარად დასრულდა ეს სიზმარი თუ ზღაპარი: არ ვიცი რომელი უფროა!

ჩვენ მუდამ ასეთი სიზმრებისა თუ ზღაპრების მოლოდინში ვართ და ყველას გისურვებთ თქვენს ცხოვრებაში გეპოვოთ ასეთი სიზმრები თუ ზღაპრები.

qvevri · Post by **qvevri** » 21 მარ 2011, 10:47

ფრიად ვისიამოვნე მონახრობით

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS