დევენაანთხევის გათხრები

kotetbeli · Post by **kotetbeli** » 12 იან 2007, 22:10

მოხდა ისე, რომ თიანეთში აღმოვჩნდი, სოფელ დევენაანთხევში, სიონის წყალსაცავიდან 7 კილომეტრში. ხშირად ჩავდივარ ხოლმე იქ, დედულეთია და ნათესავიც ბევრი მყავს.
მთელი ჩემი ნახირობის და "წინა-კარ[ბ]ველური[/ბ]" ისტორიები ამ სოფელს და მის პატარა მთებს უკავშირდება.
სოფლის თავიდან იწყება ბილიკი "ყელებისკენ" (ასე უწოდებენ იმ მთებს), გზად შეგხვდებათ დევის წყარო და შემდეგ დევის გამოქვაბული, მთის წვერზე კი, რელიეფურად მართკუთხედია ამობურცული, რაც დიდი ხანია მოსვენებას არ მაძლევდა... სწორედ ამ მთის წვერზე ვიპოვე დუღაბიანი თიხა, რომელიც მუზეუმში არქეოლოგებმა ჩვენ წელთაღრიცხვამდე 2500 წლით დამითარიღეს...
სხვა თიხაც მინდოდა მეპოვა იქვე და ჩიჩქნა რომ დავიწყე, მიწა ჩაინგრა პატარაზე... რაღაც ხვრელი კი გამოჩნდა, მაგრამ ყურადღება არ მიმიქცევია.
სოფელში ერთი კვირის წინ ვიყავი ქორწილში. იქაურებმა ქეიფში ახსენეს-დევის ხვრელს გაუმარჯოს, მტრის გამოუცნობ ამოცანასო...
მეორე დღეს ავედი ყელებზე და ის ხვრელი ვნახე, წავიღე წერაქვი, ფანარი და იმედი. ხვრელის ბოლო მთის თავზეა, ზუსტად იმ შენობასთან, რომლის ზემოთ ხსენებული უძველესი საძირკველიც რელიეფურადაა ამოზნექილი მიწიდან, ხოლო ხვრელის ბოლო უკვე უცნობი იყო... გავთხარე და საკმაოდ ფართო აღმოჩნდა (დაახლოებით 2 მეტრი დიამეტრის), ხვრელის (გვირაბის) ძირი სიპი ქვებით იყო გაწყობილი იდეალურად გადაბმული ქვებით. გვირაბმა, რომლის სიგრძეც ალბათ 200 მეტრს არ აღემატება, ჩამიყვანა სოფლის თავში მდებარე ტყეში... და აი, აქ მივხვდი ყველაფერს... ხშირად მსმენია მოხუცებისგან, რომ სოფელი დევენაანთხევი ცნობილი იყო მრავალრიცხოვან მტერთან ბრძოლის და ამ ბრძოლის მოგების ამოუცნობი ტაქტიკით... დევენაანთხევამდე მიმავალი, გზადაგზა ყველასოფელამაოხრებელი მტერი დევენაანთხევში 10 მეომარს შეუკავებია და გაუტრიალებია, თანაც უბრძოლველად...
როგორც წესი, მტერი შემოდიოდა და ბანაკდებოდა ყელების მთის მოპირდაპირე საყდრიონის მთაზე. როგორც უკვე ვახსენეთ, ყელებზე, სადაც ახლა რელიეფული მართკუთხედია, იდგა (სპეციალურად მტრისთვის კარგად დასანახ ადგილას) ციხე-სიმაგრე. საბრძოლო სამზადისისას, მტერი ხედავდა თუ როგორ ამოდიოდა სოფლიდან და როგორ შედიოდა ციხე-სიმაგრეში დევენაანთხეველ მეომართა უწყვეტი ნაკადი... მიხვდით რამეს?.. :წინკ: დაუჯერებელი იყო, ამდენ მეომარს არ შეეძლო ასეთ პატარა სოფელში ეცხოვრა და ყველა მათგანი ასე იდეალურად აღჭურვილი ყოფილიყო კბილებამდე... აი, ასე ჩემო კარგებო, ციხე-სიმაგრეში შესული დევენაანთხეველი მეომრები გვირაბით კვლავ სოფლისკენ ეშვებოდნენ და მტრის დასანახად ისევ მთაზე ადიოდნენ და უკვე მრავალგზის შესულ ციხე-სიმაგრეში, კიდევ, ვინ მოსთვლის მერამდენედ, შედიოდნენ...
ამის შემხედვარე მტერი ბრძოლის გუნებაზე აღარ დგებოდა და უკვე დაპყრობილ სოფლებს ჯერდებოდა. აბა, რომელი ჭკუათმყოფელი სარდალი გაილაშქრებდა ისეთ არმიაზე, სადაც ყოველ მებრძოლს დისციპლინირებულად ერთნაირი და იდეალური აღჭურვილობა აქვს და რომელთა რიცხვიც დილიდან დაღამებამდე დათვლადი არაა... :წინკ:
მაპატიეთ, გუშინ გამოცდაზე კვლავ ქულები დამაკლდა და გული ხომ უნდა გადამეყოლებინა, ხოდა, ჩემებურად, ისევ არქეოლოგიურ ოცნებებში წავედი... იმედია, ოდესმე მართლა ვიპოვი იმ გამოქვაბულს-ზედ წელთაღრიცხვამდელი ნაწერ-ნაკაწრებით.
ქვა, რომელიც დაახლოებით 4 წლის წინ ყელებზე ვიპოვე, მუზეუმში მართლაც დამითარიღეს ჩვენ წელთაღრიცხვამდე 2500 წლით და ის რელიეფური ამობირცულიც კვლავ იქაა, სადაც წეღან ვახსენე...

kopeina · Post by **kopeina** » 12 იან 2007, 22:26

kotetbeli
საოცარი რამ მოყევი, ასეთი რამ არ გამიგონია, ყოვლად წარმოუდგენელია, სასწაული......
ამ ხრიკმა აღმაფრთოვანა. ისე სიამოვნებით ვნახავდი ამ ადგილს.....

საოცარია......

kopeina · Post by **kopeina** » 12 იან 2007, 22:36

kotetbeli
ქულები რომ დაგაკლდა მეწყინა, მაგრამ გული არ გაიტეხო...... მომავალში უფრო გაგიმართლებს.....

Toma · Post by **Toma** » 12 იან 2007, 23:06

ძალიან საინტერესო ისტორიაა, მაგაზეა ნათქვამი ხერხი სჯობია ღონესა თუ კაცი მოიგონებსაოოოოო

Post by **Gvalva** » 12 იან 2007, 23:12

kotetbeli

ხომ არ ჯობია ამათაც დაურეკო?

wintertime · Post by **wintertime** » 13 იან 2007, 02:24

საოცარი და ძალიან ლამაზი ამბავია, პირველად გავიგე. . .
ნეტავ სიმართლეა? თუმცა ასეთ ისტორიებში არანაირი მნიშვნელობა არა აქვს რეალურად მოხდა ამბავი თუ არა. . .

Archil · Post by **Archil** » 13 იან 2007, 14:34

kotetbeli

სურათებიც ხომ არ გაქვთ რომ დაგედოთ? უფრო საინტერესო იქნებოდა. ნაამბობმა ინტერესი გააღვივა

teonala · Post by **teonala** » 14 იან 2007, 19:43

აუ შემთხვევით ეგ "ცხრაკარის" ციხე ხომ არ არის?
ადრე ვარ ნამყოფი სიონის წყალსაცავის მახლობლად რაღაც ციხის ნანგრევები იყო... მას ცხრაკარას ეძახდნენ...

guruli · Post by **guruli** » 14 იან 2007, 21:50

kotetbeli, ძალიან კარგი, ისტორიისადმი "გრძნობა-პატივი" შენში ასე მძლავრად რომ ელვარებს, მაგრამ თუ კაცი ხარ, ფრთხილად იყავი მაგ გვირაბებში ძრომიალისას, ემანდ, გზა არ აგებნეს...

მანდ დასაკარგავად ნაღდად არ მემეტები. აწი მსგავს გვირაბებში ჩასვლისას კენჭები წაიღე ხოლმე.

თავად ლეგენდა და შენი აღმოჩენები კი მართლაც საინტერესოა და მნიშვნელოვანი.

lama · Post by **lama** » 15 იან 2007, 16:11

kotetbeli
იდეოგრაფიული ისტორიაა

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS