ვინ გამოიცნობს ეს რა ფრინველია?

ლეონტი · Post by **ლეონტი** » 12 თებ 2008, 10:09

ბუკიოტი

qvevri · Post by **qvevri** » 12 თებ 2008, 10:10

დალშე

Kakha · Post by **Kakha** » 12 თებ 2008, 10:10

qvevri

ის პატარა და ლამაზი ჩიტი არ ვიცი და აი ის ბუს რომ ჰგავს მგონია ბაიყუშია...

ლეონტი · Post by **ლეონტი** » 12 თებ 2008, 10:11

ის ლექსი კიდენა მუხრანასი ყოფილა.

ლეონტი · Post by **ლეონტი** » 12 თებ 2008, 10:20

მართალიააა ,
კახამ ამოიცნო.
ბაიყუში, ჭაობის ბუ (Asio flammeus), ფრინველთა ბუსნაირთა (Strigiformes) რიგისა. მისი სხეულის სიგრძეა 35-42 სმ. გვხვდება ევრაზიაში, ჩრდილოეთ-დასავლეთ და სამხრეთ აფრიკაში, მადაგასკარზე, ჩრდილოეთ და სამხრეთ ამერიკაში. საქართველოში ფართოდაა გავრცელებული, მაგრამ მცირერიცხოვანია. ადგილობრივ პოპულაციას მიმოფრენის პერიოდში (გაზაფხული, შემოდგომა) უერთდებიან უფრო ჩრდილოეთით მობუდარი ინდივიდები. ბინადრობს ჭაობებში, ჭალებში, მდინარეთა ნაპირებზე და სხვა. ბუდეს იკეთებს მიწაზე . დედალი აპრილში დებს 3-5 (10-მდე) კვერცხს, რომელთა ინკუბაცია გრძელდება 1 თვემდე. იკვებება მღრღნელებითა და სხვა წვრილი ხერხემლიანებით, მწერებით. სასარგებლო ფრინველია.

qvevri · Post by **qvevri** » 12 თებ 2008, 10:22

არავითარი ბაიყუში.....

ლეონტი · Post by **ლეონტი** » 12 თებ 2008, 10:50

მოდი სანამ შენით იტყვი,
კახას მიერ ზემოთ ნახსენებ ლექსს შემოგთავაზებ:

ნინოწმინდის ღამე

ნინოწმინდაâ€¦ პალატები მეფეთაâ€¦
გალავანში - ჯამი აქაფებული;
შენი სახე რისთვის შემომეფეთა,
ხატი იყავ - ვეფხვი დაქალებულიâ€¦

საზანდარმა ღამე ააცახცახა,
ავთანდილის მწვადი ცეცხლზე შხიოდა,
ცა - ატმებით მსხმოიარე, ჩახჩახა,
და გაზაფხულს რძის სუნი ასდიოდა.

ნინოწმინდაâ€¦ ჩვენ, როგორც ხაზარებიâ€¦
ო, იმ ღამეს როგორ აგვაბრიალა
საქართველოს ლექსის მეხანძარენი
ძმობამ, ცრემლმა, სიყვარულის იარამ!

როგორც ხმალი, ძმებო, ტამერლანისა,
სიყვარული ისე დამჯახებია!
მე მივტირი ღამეს ზამბახებიანს
და სიყვარულს ათაბაგის ქალისას;
ძუძუები ოქროს კალმახებია,
წამწამები აქვს თავთუხის ყანისაâ€¦

წინანდალის ვაზი აყვავებული,
ჩამოსხმული ოქროთი და თაფლითა,
აფრენილი ბაზიერის დაფითა,
დურაჯი ხარ, მაყვალს შეფარებული!

ნინოწმინდაâ€¦ ჩვენ როგორ ხაზარებიâ€¦
ოჰ, იმ ღამეს როგორ აგვაბრიალა
საქართველოს ლექსის მეხანძარენი
ძმობამ, ცრემლმა, იმ პატარა იარამ!

ლეონტი · Post by **ლეონტი** » 12 თებ 2008, 10:55

დურაჯი (Francolinus francolinus), ფრინველი ქათმისნაირთა რიგისა. იწონის 400-500 გრამს. გავრცელებულია ევროპასა და აზიაში, არაბეთის ნახევარ კუნძულზე, კუნძულ კვიპროსზე, საქართველოში, აზერბაიჯანსა და თურქმენეთში. XIX საუკუნემდე დურაჯი ფართოდ იყო გავრცელებული მდინარე ივრისა და ალაზნის ხეობებში. ამჟამად რეაკლიმატიზაციის შედეგად დურაჯი მცირე რაოდენობით გვხვდება საგარეჯოს რაიონში, ივრის ნაპირებზე. ბინადრობს არხების, ტბების, მდინარის პირას ხშირ ლელქაშში, ლერწმიანსა და მაყვლიანში. ბუდეს იკეთებს მიწაზე. მონომაგია, ქმნის მტკიცე წყვილებს. დებს 10-15 კვერცხს. კრუხობს დედალი 20 დღემდე. მართვეებზე ზრუნავს ორივე მშობელი. დაფრინავს მოკლე მანძილზე. იკვებება ყლორტებით, კვირტებით, ნაყოფით, თესლით, მწერებით, ლოკოკინებით. მოსპობის საშიშროების გამო დურაჯზე ნადირობა აკრძალულია.

ლეონტი · Post by **ლეონტი** » 12 თებ 2008, 16:00

საქართველოში, ბუსებრი ფრინველებიდან სულ 7 გვხვდება : ბუ , ზარნაშო , წყრომი , ოლოლი (ანუ ყურებიანი ბუ), ჭაობის ბუ , ბუკიოტი , ბუკნაჭოტი.
ეხლა იტყვი რომელია აქედან თუ არა?

ამას ქვია:Athene noctua და ჩვენში არ არის გავრცელებული.
აი ეს როგორ ხმას უშვებს. მხოლოდ მამალი:

http://www.owlpages.com/sounds/Athene-noctua-1.mp3

qvevri · Post by **qvevri** » 12 თებ 2008, 16:08

ზარნაშოა ბატონო ზარნაშო, ვითომ ეხლა გამოიცანი ტუ როგორ არის საქმე?

კარგი გამოიცანი. მეორე ფრინველზე რას მეტყვით

ლეონტი · Post by **ლეონტი** » 12 თებ 2008, 16:39

ეს ან ჭვინტაა ან წითელთავა ნარჩიტა.

Carduelis carduelis

ლეონტი · Post by **ლეონტი** » 12 თებ 2008, 16:42

ცოტა ძნელი სათქმელია.
ეგ ბეღურასებრთა რიგიდან არის და ძალზე ჰგვანან ერთმანეთს თანაც შეფერილობას იცვლიან ზოგგან , როგორც ჩანს.
აი ეს მაგალითად იმას სულ არ გავს გარეგნულად , ზევით რომ დავდეთ.
და ამას ქვია ჩიტბატონა.

ჩიტბატონა (Serinus pusillus), ფრინველი ბეღურანსაირთა რიგისა. ტანად პატარაა, ჭრელად შეფერილი. მამალს თავზე წითელი "გვირგვინი" ადგას. გავრცელებულია ევროპაში, აზიაში, კავკასიონის და მცირე კავკასიონის, შუა აზიასა და სამხრეთ ყაზახეთის, თარბა ღათაის მთიანეთში, საქართველოში ბინადრობს ზღვის დონიდან 1500-3500 მ-მდე ტყის ზედა ზონასა და სუბალპურ მთიანეთში. კვერცხს დებს 2-ჯერ, თითო დადებაზე 3-5 ცალს. იკვებება სარეველების თესლით, პატარ-პატარა ჭიებით. ჩიტბატონას ზოგჯერ არასწორად Carduelis carduelis-ს ეძახიან.

shatilis asuli · Post by **shatilis asuli** » 12 თებ 2008, 16:48

ლეონტი
გაიხარე! ყოველთვის მაინტერესებდა, ეს დურაჯი როგორი იყო!

shatilis asuli · Post by **shatilis asuli** » 12 თებ 2008, 16:51

ლეონტი
აუუუუუუუუუ ძალიან საინტერესოა! დიდი დიდი მადლობა

qvevri · Post by **qvevri** » 12 თებ 2008, 16:53

ლეონტი wrote:

ეს ან ჭვინტაა ან წითელთავა ნარჩიტა.

Carduelis carduelis

ნარჩიტა

დადე ახალი ფრინველი

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS