გელა დაიაურის, ხევსურეთის, პოეზიის საღამო

paata_ · Post by **paata_** » 28 მაი 2007, 18:57

guruli

ოთხშაბათს ეთნოგრაფიულში არ მოესწრება, საღამო ივნისისთვის გაიმართება, მანამდე უნდა დავგეგმოთ რაღაცეები

lama · Post by **lama** » 28 მაი 2007, 19:01

მოკლედ დაველაპარაკოთ და გადავწყვიტოთ რა და როგორ

caucasica · Post by **caucasica** » 28 მაი 2007, 23:24

გადაგორება უშენოდ მარტის,
არც თბილი წვიმა, არც შებრალება,
მოგონებები და შენი ლანდი
გამოიტირეს ჩემმა თვალებმა.
დუმილის ცივი ყანწი გამოვსვი,
სადღაც მირბიან მწვანე დღეები
და საპატარძლოს თეთრი სამოსით
შემომეგება ტყემლის ხეები.
როგორ ძნელია, ხომ იცის ღმერთმა,
გადაგორება უშენოდ მარტის,
დასაწერელი ლექსების ვერ თქმა,
გაუმხელელი გრძნობების დარდი.

caucasica · Post by **caucasica** » 28 მაი 2007, 23:32

ზეცა სავსეა ფიფქთა ქაოსით,
გზებმა ნისლები შესვეს ბოლომდის
და იმოსება თეთრი სამოსით
მიწა-შავგული,მიწა -ბოროტი.
სხვებმა რაც უნდა შენზე ისა თქვან,
შენ იბობოქრე მაინც ამინდო,
დათოვე მიწა ცოდვებისაგან
მაგ სისპეტაკემ იქნებ გაწმინდოს.
/გელა დაიაური/

caucasica · Post by **caucasica** » 28 მაი 2007, 23:32

,,არჩევანი,,
დავფიქრდები და ათას ლამაზმანს,
ერთ-ურთს ვადარებ ჯობნის რომელი?
ვფიქრობ აჯობა მზერით ,,ამან,, ,,მას,,
ის კი არისო სევდის მთოველი.
ეს ქალი - მზეს გავს; ეს ქალი - ყინულს;
ეს ქალი - მთვარეს; ეს ქალი - ლერწამს.
ამის ხმა გაგხდის სილაღის ხილულს,
ამის კისკისი სიავეს ლეწავს.
თვალწინ გამივლის ათასურთები.
ზოგი - ზღვას მოგავს, ზოგიც - გზას უვალს;
მაგრამ უცებ შენ გამახსენდები
და არჩევანსაც ვაკეთებ უმალ.
გელა დაიაური

caucasica · Post by **caucasica** » 28 მაი 2007, 23:34

სადაც ოქროსფერი მზის ქაფია,
თორღვაის ცხენები იქ აბია,
ჯაჭვი ძაგანისა მიაბნია,
ჟამმა გზა -ბილიკებს უცნობს.
მეც ხომ ვიძახოდი ღვთის კაფიას,
მტერი მამულისა მიკაფია,
სისხლი წყაროსავით მიხაპია,
იმედი რომ ერქვა მუცოს.
"ღმერთო! ძე ღვთისაო და მარიამ,
მტერი, მოყვარე მთავარია,
ჩემთან არც ერთი არ არიან,
ყველასთვის გავმხდარვარ უცხო".
ნეტა ეს ხმაა და რა ზარია,
რა გოდება და თავზარია,
მუცოს ბეჭები გაბზარვია,
ჟამისგან ძლეულა მუცო...
სურდათ აკვნები ურწეველი,
მტერი არ დარჩა უწვეველი,
"წასული თავ-ბედ უწყევლელი,
ქართლს მტერი ეყოლება ნურცო".
ასე ურყევი და ურღვეველი,
მტრისათვის ხარკის უძლეველი,
გაუტეხელი და უძლეველი,
ჟამისგან ძლეულა მუცო.
სადღაც ლამპიონთა ღაღანია,
სადღაც ვაჭრობაა გაგანია,
ვიღაც მდიდრდება და წუწკობს.
აქ კი აღარც თორღვა ძაგანია,
აღარც ფარ-შუბების ჭახანია,
მშველელს ელოდება რა ხანია
ბეჭებგაბზარული მუცო

გელა დაიაური

თქვენ რომ იცოდეთ რა ბუნებაა..
რა გუნებაა.. რა ცდუნებაა..
ო.. თქვენ მუცოში დასახლდებოდით..
არა ? - ეს უკვე თქვენი ნებაა..
მაგრამ.. ო როგორ ამაღლდებოდით..
გრძნობა-ლექსებად აალდებოდით..
გაიმარჯვებდა სიცოცხლე თქვენში..
და არასოდეს არ მოკვდებოდით..
რომ მოვიდოდა წვიმა და თქეში..
იების თვეში.. ვარდების თვეში..
იგრძნობდით ხორცის არარაობას..
სულს იპოვიდით ქვასა და ხეში..
გულშმაგ არღუნში ფოთლის ნავობას..
ფიფქთა საუბარს და ნანაობას..
მყის შეიცნობდით ჯადოსნურ ძალად..
რამაც რომ სული არ დააობა..
ცხენს-მუხლით მალას.. ფოლადის ნალას..
ჭალას.. ანკარა წყალას..
ლეგაჩოხიან ხევსურის ვაჟებს..
ღამისფერთვალა ხევსურის ქალებს..
ნახავდით კოშკებს.. დევების ნაგებს..
და დასცდებოდა უმალ თქვენს ბაგეს..
აქ დაღამებაც გათენებაა..
თვით ლოდი მუცოს მშვენებას აქებს..
/გელა დაიაური/

P.S მადლობა ლადო ჭინჭარაულს ლექსების მოწოდებისთვის

makuku · Post by **makuku** » 28 მაი 2007, 23:59

მაგარი ლექსებია!

paata_ · Post by **paata_** » 29 მაი 2007, 06:24

caucasica

შენ გაიხარე, მაგარია

popins · Post by **popins** » 29 მაი 2007, 09:45

სხვა ფორუმზე შეიძლება, რომ დავდო ეგ ლექსები?

kotetbeli · Post by **kotetbeli** » 29 მაი 2007, 10:02

caucasica
გაიხარე! ეს ლექსები მისი სიმღერის ფონზე კიდევ უფრო შთამბეჭდავი იქნება!

მოკლედ, კარველები ველით, რომ საორგანიზაციო დავალებები გადავინაწილოთ და საღამოც კარგი გამოვიდეს

guruli · Post by **guruli** » 29 მაი 2007, 10:55

caucasica- ეს ლექსი - სადაც ოქროსფერი მზის ქაფია,/ თორღვაის ხენები იქ აბია,/ჯაჭვი ძაგანისა მიაბნია, /ჟამმა გზა -ბილიკებს უცნობს/ - ამას წინათ ქართულ ენოვან თურქულ საიტზე აღმოვაჩინე. ზოგადად მაგარი ლექსებია. საღოლ!
მოკლედ, გადაიდო შეხვედრა?

caucasica · Post by **caucasica** » 29 მაი 2007, 10:56

popins
ცოტა ხანი მოვიცადოთ, საორგანიზაციო საკითხებზე შევთანხმდეთ, სათაურიც შევარჩიოთ და მერე გავშალოთ "პიარ" კამპანია...
თქვენი იმედი გვაქვს ყველასი.. ჯერ კი აქ იაქტიურეთ

guruli · Post by **guruli** » 29 მაი 2007, 10:59

caucasica

მერე გავშალოთ "პიარ" კამპანია...

აქა ვარ ჩემის თავითა...

popins · Post by **popins** » 29 მაი 2007, 11:00

caucasica ესტ ტავარიშ კაპიტან

lama · Post by **lama** » 29 მაი 2007, 11:16

გელა მაგარი პოეტი ყოფილა

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS