წავიდეთ Riverdance-ს კონცერზე?

del · Post by **del** » 15 ოქტ 2009, 12:26

ალბათ სხვა ჯგუფია. ნაკლებად ცნობილი. უბრალოდ იმათი სახელით აშუქებენ, ვითომ და როგორც ცეკვის სტილი

lama · Post by **lama** » 15 ოქტ 2009, 13:07

del wrote:ალბათ სხვა ჯგუფია. ნაკლებად ცნობილი. უბრალოდ იმათი სახელით აშუქებენ, ვითომ და როგორც ცეკვის სტილი

და დიდი ფარსია

teo- · Post by **teo-** » 15 ოქტ 2009, 13:11

წუხელ ვნახე სიზმარში

მოიცათ იქამდე დიდი დროა, ბოლო 2-3 დრეში დაარეკლამებენ თუ ბილეთები დარჩება

Naia · Post by **Naia** » 15 ოქტ 2009, 13:36

ფარსი არ არის. ბილეთების ნაწილი (ძირითადად ძვირადღირებული) უკვე გაიყიდა საერთაშორისო ორგანიზაციებში და დიპლომატიურ კორპუსებში. ჩემმა თანამშრომელმა ახლა მოიტანა ბილეთი, სპეციალურად დავხედე და დიდი ასოებით აწერია 'რივერდანსის ვარსკვლავების შოუ'. შოუს ქვია 'Magic of the Dance'.

მგონი ჯერ ორგანიზაციებში გაყიდიან და რაც დარჩება იმას გამოიტანენ გასაყიდად

pataputina · Post by **pataputina** » 15 ოქტ 2009, 13:39

როგორც ვიცი მხოლოდ 180 და ზევით ლარინი
ბილეთები
ღა
ა
დარჩენილი

კი არა და

გუშინ ასე იყო
და
დღეს არ ვიცი

მაგას სჯობს
დღეს
"გაღმა ნაპირი"-ს პრემიერაზე
წამოხვიდე
თ

არ სჯობს?
კაი

Naia · Post by **Naia** » 15 ოქტ 2009, 13:44

pataputina
როდისაა 'გაღმა ნაპირის' პრემიერა?

pataputina · Post by **pataputina** » 15 ოქტ 2009, 13:48

Naia
დღეს

რუსთაველში 9ის 15 წუთზეა
დღეს

კი არა და

მანამდეცაა
უბრალოდ
მე მაგ დროისთვის ვგეგმავ მისვლას

აი ამ ლინკსაც დავდებ ბარემ
ღა
ც
http://www.tavisupleba.org/content/article/1775264.html
და გავიპარები ამ თემიდან
თორემ
ვა
ოფფ
ებ

eloiza · Post by **eloiza** » 15 ოქტ 2009, 16:54

აუუუ, როგორ მინდოდაააა და მეგონა 100 ლ-იანს მაინც მივუხწრებდი, მარა არაო, დაიგვიანეო

წავედი ისევ გაღმა ნაპირზე, გულს გადავაყოლებ..............

saskva · Post by **saskva** » 26 ოქტ 2009, 15:39

აბა ვინ იყო რივერზე????
დღეს ნაცნობმა დამირეკა და ძალიან უკმაყოფილო იყო, 200ლარიანი ბილეთი ქონდა და შუა კონცერტიდან ავდექი და წამოვედიო. საშინლად არ მომეწონაო და მართალია?????????

უბრალოდ ის ადამიანი უფრო კლასიკური მუსიკის მოყვარულია და ამის გავლენა მგონია და თქვენი აზრი მაინტერესებს, თან ძალიან.

ისე დღეს დილას სიუჯეტი იყო და დიდად აღფრთოვანებული კომენტარები ვერც იქ მოვისმინე რატომღაც

keto · Post by **keto** » 26 ოქტ 2009, 16:11

saskva
იგივე თქვა ჩემმა ნაცნობმაც, საშინლად არ მომეწონაო

გვალდა · Post by **გვალდა** » 26 ოქტ 2009, 16:55

"იგი სხვაა სიძვა სხვაა შუა უდევს დიდი ზღვარი"

http://www.riverdance.com/

http://www.magicofthedance.com/

saskva · Post by **saskva** » 26 ოქტ 2009, 17:00

გვალდა
აი ზუსტად მაგაზე ვსაუბრობდი მეც და არაო და თავი ვეღარ დავდე რავიცი რავიცი მაინც

:D:D:D:D:D

paata_ · Post by **paata_** » 26 ოქტ 2009, 17:02

ცეკვის უხეირო მაგია
“ცეკვის მაგია” ასე ჰქვია შოუს, რომელიც ირლანდიული ცეკვის დასმა თბილისში ჩამოიტანა.

ია ვეკუა
24 საათი 26.10.09

“ცეკვის მაგია” ასე ჰქვია შოუს, რომელიც ირლანდიული ცეკვის დასმა თბილისში ჩამოიტანა.

ცეკვა ნამდვილად იყო, ცოტა მაგიაც, მაგრამ რამდენად მოახერხეს ჩრდილოელმა სტუმრებმა დიდი საკონცერტო დარბაზის სცენაზე თავიანთი ცეკვით ცეცხლის დანთება, ეს ალბათ დიდხანს დარჩება განხილვის თემად. თუმცა საქართველოში, სადაც საცეკვაო ფოლკლორი ყოველგვარი გაზვიადების გარეშე უმაღლესი დონისაა და დიდი ხანია მსოფლიო მნიშვნელობა აქვს შეძენილი, ალბათ ძნელია მაყურებლის გაოცება.

“რივერდანსის” მოცეკვავეთა თბილისში ჩამოსვლა რამდენიმე თვით ადრე იყო დაანონსებული და მას მაყურებელი მართლაც მოელოდა. ის რომ დიდი საკონცერტო დარბაზი მთლიანად შეივსო, მხოლოდ კარგად გაკეთებული პრომოუშენის დამსახურებაც არ იყო - მთელმა მსოფლიომ, მათ შორის ქართველმა მაყურებელმაც იცის, რომ ირლანდიელებს საკუთარი ფოლკლორისგან შოუს გაკეთება ნამდვილად იციან. თუმცა ის, რაც თბილისის სცენაზე ვიხილეთ, ალბათ ყველაზე ნაკლებად ეწერება შოუს ჩარჩოებში. მაყურებელს ხელში მხოლოდ ღარიბი სცენოგრაფიის, ცეცხლის ფრქვევის ეფექტებზე აგებული სანახაობისა და რამდენიმე საყველპუროდ შეკოწიწებული საცეკვაო ნომერი შერჩა.

როგორც კონცერტის დაწყებამდე გაირკვა, ირლანდიელი მოცეკვავეების ნაწილმა გზაში ბარგი დაკარგა. დაიკარგა მათი ამუნიციის ყველაზე მნიშვნელოვანი დეტალი - ფეხსაცმელი. მათ დახმარების ხელი ქართველმა კოლეგებმა, “სუხიშვილების” ანსამბლის მოცეკვავეებმა გაუწოდეს და საკუთარი ფეხსაცმელი ათხოვეს. კონცერტის მსვლელობისას კი იქმნებოდა შთაბეჭდილება, რომ გზაში არა მხოლოდ მათი ფეხსაცმელი, არამედ რამდენიმე მოცეკვავეც დაიკარგა, დასის შევსება კი ელემენტარული მოძრაობების მცოდნე ადგილობრივი მოცეკვავეებით შეძლეს. სხვა ახსნის მოძებნა უბრალოდ შეუძლებელია - სცენაზე არც “რივერდანსის” ცნობილი სინქრონულობა ჩანდა და არც ჩვეული ენერგიულობა. მეტიც, დასი კამერული ორკესტრის შემადგენლობას უფრო მოგაგონებდათ - სცენაზე ერთდროულად საშუალოდ ათი მოცეკვავე თუ იდგა.

შოუს სიუჟეტი ჰქონდა - სასიყვარულო, რომელიც ირლანდიაში თურმე სინამდვილეში მოხდა 1800 წელს. ნახევრად ზღაპრული სცენარი დაახლოებით ასე ვითარდება: მე-19 საუკუნის დასაწყისში შიმშილითა და დემონური ძალებით შეწუხებული ირლანდიელები იძულებული ხდებიან სამშობლო მიატოვონ და ამერიკაში გაემგზავრონ. ისინი კარგავენ არა მხოლოდ სახლებს და ძველ ცხოვრებას, არამედ სამშობლოსაც, თუმცა იტოვებენ მასთან დამაკავშირებელ მნიშვნელოვან ძაფს - ფოლკლორს. შოუს ორი მთავარი გმირი, შეყვარებულები ერთმანეთს პორტში შექმნილი არეულობისას კარგავენ, შედეგად კი ამერიკის სხვადასხვა სანაპიროზე აღმოჩნდებიან. გადის დრო და მრავალი განსაცდელის დაძლევის შემდეგ შეყვარებულები კვლავ პოულობენ ერთმანეთს. სწორედ სიუჟეტიდან გამომდინარე, კონცერტის მსვლელობისას სტეპის რამდენიმე ნომერი ვიხილეთ, რომელიც მართალია ფოლკლორულ ნომრებზე გაცილებით სასიამოვნო და საინტერესო სანახაობა აღმოჩნდა, მაგრამ მაინც იმდენად იყო საერთო კონტექსტიდან ამოვარდნილი, გარკვეული უხერხულობა შექმნა.

სტეპი კონცერტის მეორე განყოფილებაშიც გაგრძელდა, თუმცა ამჯერად დარბაზიდან მოხმობილი მაყურებლის მონაწილეობით. ირლანდიელმა მოცეკვავემ სამი მაყურებელი სცერნაზე აიყვანა, ერთს ფრენკ სინატრა უწოდა, მეორე დინ მარტინად მონათლა, მესამეს კი უთხრა, შენ ცოტა ხანს სემ დევის უმცროსი იქნებიო. შემდეგ მათი და მათთან ერთად მაყურებლის სტეპით განათლებას მიჰყო ხელი. ეს შესაძლოა კარგი შოუ იყო, მაგრამ ამ ყველაფრის ფონზე ცირკის იმ ნომერს უფრო წააგავდა, კლოუნი მაყურებელთან ერთად რომ ცდილობს ქალის გახერხვას.

თუმცა სწორედ სტეპში შეჯიბრი აღმოჩნდა შოუს საუკეთესო ნომერი, როდესაც სწრაფ როკვაში ერთმანეთს ამერიკაში ჩასული ირლანდიელები და ადგილობრივი მოცეკვავეები ეჯიბრებიან. ამ მხრივ ანსამბლს ნამდვილად არაფერი დაეწუნება და ეს არცაა გასაკვირი, რადგან როგორც გაირკვა, დასის დაახლოებით ათი წევრი სტეპში მსოფლიო ჩემპიონია. მაყურებელმაც მათი ოსტატობა ჯეროვნად დააფასა და მქუხარე ტაშითაც შეაფასა, თუმცა როდესაც სცენაზე კალათბურთის ბურთებიანი მოცეკვავეები გამოვიდნენ და ერთმანეთში სპორტული შეჯიბრის მსგავსი სანახაობა გააჩაღეს, ყველაფერმა ნელ-ნელა ისევ უკან-უკან დაიწყო სვლა...

სტატიის მისამართი: http://24saati.ge/index.php/category/cu ... -10-26/837

გვალდა · Post by **გვალდა** » 26 ოქტ 2009, 17:04

saskva
'Magic of the Dance' ჩამოიყვანეს რივერდანსის სახელით, რადგანაც რივერდანსი ყველას სმენია, უხეშად რომ ვთქვა

სომხებსაც ხომ ჩაუყვანეს "ჩელენტანო", მაგრამ იმათ უფასო კონცერტი მაინც ჰქონდათ

saskva · Post by **saskva** » 26 ოქტ 2009, 17:09

გვალდა

აი მეც მაგას ვიძახდი მაგრამ მერე ნაიამ დაწერა ბილეთებზე რივერი აწერიაო და ვიფიქრე ესეც არ "განაგლდებოდნენთქო" და მაინც დაველოდე შთაბეჭდილებებს

saskva wrote:del
მეც ზუსტად მაგითი დავინტერესდი და გუშინ ფილარმონიასთან სპეციალურად გავიარე

riverdance არ არის პოსტერზე, არამედ ვიღაც magic dance
როგორც მივხვდი იგივე სტილის პროგრამა აქვთ თუმცა ეს არ არის ის რომელიც ჩვენ გვგონია.

ნუ რავიცი ეს ჩემი მოსაზრებაა, პოსტერი არანაირად არ გავს იმას რაც ოფიციალურ საიტზე აქვთ და მაგიტომ ვიფიქრე ესე

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS