თბილისი - დავითგარეჯა - თბილისი, 12.09.2009

KSOVRELI · Post by **KSOVRELI** » 15 სექ 2009, 18:29

გორაკზე რომ ავედი, ის გზა დავინახე, რომელიც მწვანედ არის მონიშნული.
მაგრამ წინა საბურავი კიდევ დაეშვა. ალბათ რამოდენიმე ადგილას თუ იყო დაზიანებული.
გზაზე ჩავედი. ახლომახლო ამომშრალი არხი იყო, მაგრამ პატარ-პატარა გუბეები კიდევ დარჩენილიყო. მეც სწორედ ეს მინდოდა.
კამერა წყალში ჩავუშვი და დაზიანებული ადგილები გამოვავლინე.

ის გზა, რომელიც მწვანე ფერით არის მონიშნული, საკმაოდ იოლია.
ისე გავიარე, ვერც გავიგე. ინტუიციით იქით გადავუხვიე, საითაც უნდა გადამეხვია და ცოტა ხანში დავით გარეჯაც დავინახე.

მაგრამ ეს მე მეგონა, რომ დავით გარეჯა დავინახე, სინამდვილეში კი ნათლისმცემელის მონასტერი გამოდგა.
გრაფიკიდან ამოვარდნის გამო იქ არ შევჩერებულვარ.
გზა უკვე ძალიან ხრეშიანი გახდა და აღმართებზე ჩამოქვეითება მომიწია.

KSOVRELI · Post by **KSOVRELI** » 15 სექ 2009, 18:40

როგორც იქნა, გაშლის ალაგს გავედი: წინ სასაზღვრო პუნქტი იყო, მარცხნივ დავით გარეჯა, მარჯვნივ - ჯანდარა (არ ჩანდა).
მარცხნივ გავედი, კიდევ ერთი აღმართი ავიარე და აბრას მივადეგი წარწერით: დავით გარეჯა 6 კმ.
მაგრამ თვითონ დავით გარეჯა ჯერ არ ჩანდა. უკვე 3:40 სრულდებოდა.
ყველაფერი გადაწყვეტილი მქონდა.
კიდევ 1.8 კმ გავიარე, აღმართზე ავედი და გამოჩნდა იგი საკვირველება.
ველო იქვე მივაგდე, ჩანთიდან წიწიბურა ამოვიღე და ვისადილე.

Falcon · Post by **Falcon** » 15 სექ 2009, 20:07

KSOVRELI

მაგარი ხარ ალექს

KSOVRELI · Post by **KSOVRELI** » 16 სექ 2009, 15:22

გარეჯადან მომავალი 3 მანქანა გამოჩნდა, უცხოელები იყვნენ.
ღიმილით ჩამიარეს.
დავიცადე სანამ თვალს მიეფარებოდნენ. არ მინდოდა ის დაენახათ, რის გაკეთებასაც ვაპირებდი.
დავით გარეჯამდე 4.2 კილომეტრი რჩებოდა. ცოტაა? - ნამდვილად. დროც ცოტა რჩებოდა და წყლის მარაგიც.
ბევრი არ მიფიქრია, მოვბრუნდი და უკან დავეშვი.
წყალი არაფერი, აი უცხო გზაზე თუ დამიღამდებოდა, კარგი დღე არ დამადგებოდა.

KSOVRELI · Post by **KSOVRELI** » 16 სექ 2009, 16:24

მესაზღვრეებს ჩავუარე და ლემშვენიერას გზას დავადექი.
მალე თბილსრესიც გამოჩნდა, ჩემი ორიენტირი, ზამთარში თბილისის ენერგეტიკის გული. არ მეგონა თუ მისი ნახვა ასე გამიხარდებოდა.
ერთი გორაკი რჩებოდა ასავლელი. გორაკზე დიდი შენობა დგას, შიგნით სამხედროები დგანან. ამ გორაკიდან უკვე ასფალტის გზა იწყება.

KSOVRELI · Post by **KSOVRELI** » 16 სექ 2009, 16:28

KSOVRELI · Post by **KSOVRELI** » 16 სექ 2009, 16:40

გზაში წვიმამ რამოდენიმეჯერ შემაფერხა.
რუსთავში რომ შევედი, ასფალტი საკმაოდ სველი იყო.
უკვე ბნელდებოდა.
ახალ რუსთავში რომ გადავედი, მაღაზიასთან გავაჩერე და ლუდი ვიყიდე.
ცოტა ხანში კარგ ხასიათზე დავდექი, ასე გასინჯეთ, სეირნობის გუნებაზეც კი მოვედი.
გზად კიდევ ერთი ბოთლი გამოვცალე. ახლა უკვე ნამდვილად მშვენიერი იყო ყველაფერი, ჩემთვის დროს უკვე აღარ ქონდა მნიშვნელობა.
ახალი რუსთავი თითქმის სულ ქვეითად გავიარე.

KSOVRELI · Post by **KSOVRELI** » 16 სექ 2009, 17:00

რუსთავიდან რომ გავედი, უკვე ბნელოდა.
ველოსიპედზე გარე სანათი ნოწყოფილობები დავაყენე.
გზის დიდი მონაკვეთი განათებული არ იყო.
შემხვედრად მოძრავი მანქანები პირდაპირ თვალებში მანათებდნენ, ამიტომ ბევრს ვერაფერს ვხედავდი, მხოლოდ იმიას ვცდილობდი, რაც შეიძლება მარჯვენა მხარე დამეჭირა.
ბოლობოლო მივედი სახლში.
აი, ასე დასრულდა ეს გასვლა.

მეორე დღეს უკანა საბურავი დაშვებული დამხვდა. მესამე დღეს წინა საბურავსაც იგივე ბედი ეწია.
ორივე საბურავიდან ეკალი ამოვიღე.

დავით გარეჯამდე ვერ მივაღწიე, თუმცა ეს არ არის მთავარი.
მთავარი ის სარის, რომ გამოცდილება მივიღე.
შემდეგში აუცილებლად ჩავაღწევ.

მანძილის მაჩვენებელი 3-ჯერ გამინულდა, ამიტომ ზუსტ მანძილებს ვერ დავწერ.
ისე კი, ჯამში 160-170 კილომეტრი გავიარე.

G · Post by G » 16 სექ 2009, 19:11

საინტერესო თავგდასავალია...
მეორე ცდაზე, რა თქმა უნდა ყველაფერი იოლად გამოვა...

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS